Свет
Експерт: „’Вагнер’ обезглавен, но не и распуштен“
Во изјава за Радио Слободна Европа, Киер Џајлс, експерт од Лондон, вели дека најблиските соработници во „Вагнер“ се чини дека имаат впечаток оти сега се безбедни, но тоа според него е ужасна погрешна пресметка“, оценува тој.
Според него, рускиот претседател Владимир Путин си ги повратил својата позиција и угледот на силен и безмилосен лидер кому не треба да му се спротивставува.
„Затоа, секој што го анализира примерот на Пригожин, мислејќи дека и тие може да ја предизвикаат руската моќ и потоа да преживеат, сега повторно ќе го проценат ризикот. Така, Владимир Путин во тој поглед го реши проблемот и засега тоа значи дека барем во земјата неговата позиција е посигурна“, вели Џајлс.
Во интервју за РСЕ одговара дека има три прашања во врска со смртта на Евгениј Пригожин.
Според него, театралното отстранување на Пригожин и начинот на кој се редат убиствата на невини луѓе, исто така безмилосно, испраќа многу намерна порака до оние што можеби размислуваат да му се спротивстават на Кремљ.
„Се разбира, една од највпечатливите работи е тоа што во Русија е прифатено како нормално и природно. Беше отфрлено без око да трепне бидејќи се чини дека така се прави бизнисот во Русија и тоа е показател за тоа колку далеку падна Русија. Од нормална цивилизирана земја, а сега до место каде што масовните убиства се средство за справување со луѓе што се противат на режимот“, вели аналитичарот, автор на неколку книги за Русија.
„Кога станува збор за негирањето на Кремљ и дали тој е вмешан во смртта на Пригожин, нема причина да се верува во она што го кажува официјална Русија за оваа авионска несреќа бидејќи проблемот е што таа самата создава бариера, дека многу ретко ја кажува вистината за што и да било“, оценува тој.
Џајлс вели дека никој не очекува признание дали руските власти стојат зад инцидентот.
„Значи, тоа воопшто не е корисна информација, а не е ниту ДНК-анализата, која наводно покажала дека Пригожин е, всушност, мртов бидејќи нема аспект од оваа истрага што е транспарентен и доверлив“.
Тој вели дека Кремљ не била единствената организација на државната власт што му забележувала на Пригожин.
„Тој навреди многу повеќе луѓе и не само оние што седеа во Кремљ. За време на бунтот пред два месеца, тој првенствено беше во конфликт со руското Министерство за одбрана, исто така беше крајно непопуларен кај безбедносните служби, кај ФСБ, така што во Русија немаше недостиг на луѓе што сакаа да биде мртов, а тие имаа можност да го направат тоа, тие го прават“, вели Џајлс.
Верува дека Пригожин е речиси сигурно мртов, но дека поради негирањата и лагите од Кремљ, теориите на заговор никогаш нема да престанат.
Кога станува збор за обезглавувањето на „Вагнер“, експертот, кој зборуваше за РСЕ, вели дека тоа е точно и дека е помалку влијателна организација, но дека не е целосно расформирана. Понатаму, вели тој, и двата обида на руската држава да ја неутрализира заканата од вооружениот кадар на луѓе „што сега ѝ се лути на руската држава се пропаднати.
„Пропаднаа напорите на Кремљ да ги интегрира во редовните руски вооружени сили, како и обидот да се ослободи од нив во соседна Белорусија“, рече тој во интервју за РСЕ.
Со оглед на тоа што некои членови на „Вагнер“ ветија одмазда, експертот вели дека иако на почетокот се слушале повици за одмазда, тие подоцна згаснале.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Жена избоде седумнаесет луѓе на железничка станица во Хамбург
Напад со нож се случил вечерва на главната железничка станица во Хамбург, објави „Билд“. Најмалку седумнаесет лица беа повредени, а федералната полиција уапси една жена (39).
Железничкиот сообраќај е целосно запрен на главната станица. Нападот се случил помеѓу пероните 13 и 14. Крвавите дамки на подот сведочат за ужасниот злостор.
🚨#BREAKING: MASS STABBING IN HAMBURG — 3 CRITICALLY INJURED 🇩🇪🔪
At least 12 people stabbed at Hamburg’s central train station. 3 victims are fighting for their lives. Attacker is in custody.#Hamburg #Germany #Stabbing #BreakingNews #PublicSafety pic.twitter.com/IDQ3yjXOQY
— Kedar (@Kedar_speaks88) May 23, 2025
Првично се зборуваше за осум повредени лица, но потоа полицијата прецизираше дека три жртви се на работ на смртта, тројца се тешко повредени, а шест лица имаат полесни повреди. Според последните информации, седумнаесет лица се повредени, од кои четворица се во критична состојба. Според информациите од „Билд“, некои од повредените добиваат итна медицинска помош во возовите.
Позадината на чинот засега е нејасна, како и деталите за нападот. Во меѓувреме, пристигна тим за кризна интервенција на Црвениот крст за да се грижи за семејствата на жртвите.
BREAKING – A woman was arrested at Hamburg Central Station, Germany, in connection with a stabbing incident that injured 12 people, six of whom sustained serious injuries.
An ongoing police operation is underway, with authorities yet to disclose the suspect's identity or… https://t.co/Ea0KJqEmny pic.twitter.com/xQGnUUUpuG
— Vanguard Intel Group 🛡 (@vanguardintel) May 23, 2025
Портпаролот на противпожарната служба на Хамбург изјави за новинската агенција АФП дека 12 лица се повредени, од кои некои се во животна опасност. „Според првичните сознанија, едно лице наводно повредило неколку лица со нож на главната станица. Осомничениот е уапсен од полицијата“, објави полицијата во Хамбург на Икс. Полицијата подоцна додаде дека верува оти жената дејствувала сама.
Регион
(Видео) Силни врнежи од дожд и град во Белград, поплавени улици и дел од автопатот
Ветер, град и пороен дожд го погодија Белград. Улици и автопат беа поплавени откако невреме го погоди српскиот главен град.
Според снимките објавени на социјалните мрежи, дел од автопатот бил под вода.
Бројни улици во Белград беа исто така поплавени. Подводниот премин во близина на железничката станица во Раковица е под вода.
Според извештајот на репортерот на Н1, во Авала паѓало град со големина на лешници.
Свет
Судија го блокираше нападот на Трамп врз Харвард
Американска судијка денес го блокираше обидот на администрацијата на Доналд Трамп да го одземе овластувањето на Харвард за запишување странски студенти.
Наредбата на федералната судијка Алисон Бароуз донесе привремено олеснување за илјадници меѓународни студенти кои беа принудени да се префрлат на други универзитети според новата политика што елитниот универзитет ја нарече дел од поширок обид на администрацијата да им се одмазди затоа што одбиле да се откажат од својата академска независност.
Администрацијата на Доналд Трамп може да поднесе жалба на оваа одлука. Портпаролите на Министерството за правда и Министерството за внатрешна безбедност не одговорија веднаш на барањата за коментар, објави Ројтерс.
Во тужбата поднесена во петокот во федералниот суд во Бостон, Харвард ја нарече одлуката јасно кршење на Уставот на САД и другите федерални закони и рече дека таа ќе има непосредно и разорно влијание врз универзитетот и неговите повеќе од 7.000 студенти кои бараат виза.
„Без своите меѓународни студенти, Харвард не е Харвард“, се наведува во тужбата од еден од најстарите американски универзитети, основан пред 389 години. Харвард моментално има речиси 6.800 меѓународни студенти, што претставува 27% од вкупниот број на запишани студенти.
Министерката за внатрешна безбедност, Кристи Ноем, вчера објави дека Харвард ќе биде десертифициран за Програмата за студенти и посетители на размена, почнувајќи од академската 2025/2026 година.
Во кратка наредба со која се блокира одлуката две недели, судијата Бароуз рече дека Харвард покажал дека му се заканува непосредна штета пред судот да има можност целосно да го разгледа случајот. Бароуз, назначена од поранешниот демократски претседател Барак Обама, закажа сослушувања за 27 и 29 мај за да ги разгледа следните чекори.
Двајца загинати во тешка сообраќајна несреќа во Скопје: мотоцикл излетал од коловозот и удрил во бетонски столб
Во тешка сообраќајна несреќа што се случи денеска на крстосницата меѓу булеварите „8 Септември“ и „Никола Карев“ во Скопје две...
(Фото) Република Македонија во Рим го одбележува денот на Свети Кирил и Методиј
Министерот за култура и туризам, Зоран Љутков, денеска и утре престојува во Рим, Италија, како член на државно-црковната делегација предводена...
Реакции на заканата од Трамп: Американските производители на виски, француската козметика и германската хемиска индустрија повикуваат на ублажување на тензиите
Откако Доналд Трамп повторно се закани дека ќе ја ескалира трговската војна и препорача воведување царина од 50 проценти за...
Временска прогноза за викендов: дожд, грмежи, засилен ветер и пониски температури
Времето утре ќе биде променливо облачно и нестабилно со повремени врнежи од дожд, проследени со грмежи и засилен ветер. Пообилни...
Силно одбранбено партнерство и целосна усогласеност со заедничката надворешна и безбедносна политика, Мисајловски и Калас ги посетија Балканските медицински наменски сили
Министерот Владо Мисајловски и високата претставничка на Европската Унија за надворешни работи и безбедносна политика, Каја Калас денеска (23 мај)...
Прв Дијалог за безбедност и одбрана меѓу Европската Унија и Северна Македонија
Денеска, во рамки на официјалната посета на високата претставничка на ЕУ за надворешни работи и безбедносна политика, Каја Калас, во...
Собрани околу 2,5 милиони евра за настраданите во Кочани, од Црвениот крст велат во неколку наврати вршеле исплата
Во рамките на апелот на Црвениот крст за поддршка на настраданите од катастрофалниот пожар во Кочани од 16 март, досега...
Мицкоски: Прифативме билатерална средба со Бугарија на маргините на НАТО, со присуство на претставници од ЕУ и САД
Премиерот Христијан Мицкоски откри дека прифатиле да седнат на маса со Бугарија на маргините на НАТО самитот со присуство на...
Мицкоски повика на фер третман: Уморни сме од постојаните блокади поради билатерални прашања
Премиерот Христијан Мицкоски и високата претставничка на ЕУ за надворешна политика и безбедност, Каја Калас имале отворен разговор за македонските...
Сè уште се надеваме дека планот А ќе функционира, рече Калас прашана зошто за Украина има, а за Македонија нема план Б
Високата претставничка на ЕУ за надворешни работи и безбедносна политика, Каја Калас, вели дека во случајот со Северна Македонија сè...
Британската амбасада по договорот: Почнува нова ера во односите со Северна Македонија
Почнува нова ера во односите меѓу Обединетото Кралство и Северна Македонија по потпишувањето на договорот влада со влада, соопшти британската...
Муцунски ја пречека Каја Калас: Ќе разговараме за недвосмислената европска перспектива
Министерот за надворешни работи Тимчо Муцунски ѝ посака добредојде на високата претставничка на ЕУ за надворешни работи и безбедносна политика,...
Предложен притвор и мерки на претпазливост за обвинетите во предметот „Онкологија“
Основното јавно обвинителство Скопје, заедно со поднесените обвиненија во предметот „Онкологија“, до Основниот кривичен суд Скопје вчера поднесе и предлог...
Даниловски за мајмунските сипаници: Болеста не се пренесува лесно, претпазливост, но не и паника
Откога Институтот за јавно здравје вчера потврди два случаја на monkeypox – мајмунски сипаници во Македонија, епидемиологот Драган Даниловски на...
Сиљановска-Давкова во посета на Ватикан на манифестацијата „Македонија во чест на свети Кирил“
Претседателката Гордана Сиљановска-Давкова од денеска ќе престојува во посета на Италија и на Ватикан и ќе ја предводи македонската државно-црковна...
Мицкоски продолжува и на јавната сцена да демонстрира одбивност кон Албанците, велат од ДУИ
Јавното понижување на градоначалникот на Тетово пред сите камери, пред целата јавност, всушност преставува логична последица на моноетничката доминација во...
Европол разби огромна хакерска мрежа: „Го погодивме самиот извор на нападот“
Меѓународната операција против сајбер криминалот, наречена Операција „Endgame“, силно ги погоди глобалните мрежи за хакирање. Во периодот од 19 до...
Шефот на СЗО го повика Израел да покаже милост во Газа: Замислете како луѓето страдаат
Шефот на Светската здравствена организација (СЗО) го повика Израел да покаже милост во војната во Газа. Во емотивно обраќање на...
Каја Калас денеска во Скопје ќе се сретне со Мицкоски
Високата претставничка на Европската Унија за надворешни работи и безбедносна политика, Каја Калас, денес доаѓа во Скопје. Калас ќе се...
Два случаи на мајмунски сипаници во Македонија: потврди Институтот за јавно здравје
Денес во ЈЗУ Институт за јавно здравје од Клиниката за кожни болести биле упатени двајца пациенти суспектни за Monkeypox –...
