Свет
Елитен германски универзитет обвинет дека му служи на кинескиот комунистички режим
„Фреје универзитал Берлин“ (ФУ), еден од најелитните универзитети во Германија, е обвинет дека одржувал посебна врска со кинески државен универзитет и тесно соработувал со Пекинг, пренесува „Ди велт“.
Берлинскиот универзитет, основан во западен Берлин во раните денови на Студената војна, одржувал блиски односи со Пекиншкиот универзитет (ПКУ) и се вклучил со кинеската институција во голем број проекти, меѓу кои и отворање на првиот разгранок на Институтот „Конфуциј“ во Германија во 2006 година.
Институтот „Конфуциј“ соработувал со академски институции на Западот, вклучително и во САД, но во последните месеци се најде под лупа на пратениците на Републиканската партија во САД, кои на почетокот од овој месец најавија истрага за американските активности на Институтот.
Во меѓувреме Шведска го затвори својот последен разгранок на Институтот „Конфуциј“ во април, главно поради спорот во врска со шведскиот државјанин Гуи Минхај, кој објави книги против Кинеската комунистичка партија (ККП).
Според тврдењата на „Ди велт“, ФУ е вклучен во неколку проекти со ПКУ и покрај интерната нота во која ПКУ се посочува како проблематичен партнер поради протерувањето студенти критички настроени кон комунистичкиот режим.
Еден од заедничките проекти е кинескиот превод на „Историско-критички речник на марксизмот“ за кој експертот за Кина, Себастијан Хејлман, од Универзитетот во Триер тврди дека е проблематичен поради цензурата во Кина.
„Истражувањето на марксизмот во Кина нема никаква врска со автономна критичка наука“, рече тој.
Според „Ди велт“, потпретседателот на ФУ, Клаус Мулан, исто така има долгогодишни врски со кинескиот режим и често дава интервјуа за кинеските државни медиуми.
Мулан работел и за консултантската фирма „Финиенс“ со седиште во Берлин за која се вели дека е специјализирана за Кина и одржал предавање за брендирање на нацијата или за тоа како државите може да го подобрат својот имиџ во странство. Мулан тврди дека не зел пари од фирмата и дека е заинтересиран за подобро разбирање меѓу двете земји во неговата област.
Тврдењата во Германија следуват по други објавени минатиот викенд во Велика Британија, како што пренесе „Експрес“, кој објави политички спор за врската помеѓу советникот за труд, сер Кир Стармер, деканот на Универзитетот во Дурам, професор Том Брукс, и „Чајна глобал телевижн нетворк“ (ЦГТН).
Весникот објави дека професорот Брукс напишал неколку статии за ЦГТН, која е под контрола на кинеската влада, главно за британската политика, но и за критикување на американскиот претседател Доналд Трамп.
Инфилтрирањето во Кина на универзитетите доведе до обвиненија и во ноември 2019 година од професорот на Лондонската школа за економија (ЛСЕ), Кристофер Хјуз, дека претставниците на кинескиот Институт „Конфуциј“ конфискувале документи што го спомнуваат Тајван на академска конференција.
Друг извештај од декември минатата година исто така тврдеше дека кинеската армија користела разни групи за да се инфилтрираат во универзитетите во Велика Британија, Австрија, Германија и во Швајцарија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Брнабиќ: Ќе се сретнам со Пицула, дали тоа ќе биде најубавото нешто во мојот живот – нема
Претседателката на Народното собрание на Србија, Ана Брнабиќ, потврди дека во Белград ќе се сретне со известувачот на Европскиот парламент за Србија, Тонино Пицула.
„Дали тоа ќе биде најубавото нешто во мојот живот? Не. Дали би сакала да разговарам со Тонино Пицула како Ана Брнабиќ? Никогаш. Но, како претседател на Народното собрание на Република Србија, морам да разговарам со известувачот на Европскиот парламент“, изјави Брнабиќ за „Еуроњуз Србија“.
Пред четири дена Пицула го претстави нацрт-извештајот за Србија пред Комитетот за надворешни работи на Европскиот парламент. Документот најостро ги осудува нападите врз мирните демонстранти во земјата и неоснованите тврдења на српските власти дека земјите-членки на ЕУ биле вклучени во организирање студентски протести и покренување „обоена револуција“.
Исто така, укажува на стагнацијата на Србија во процесот на европска интеграција, нејзината неусогласеност со надворешната политика на ЕУ и проблемите во владеењето на правото, борбата против корупцијата и организираниот криминал. Брнабиќ истакна дека оценката на Пицула дека Србија постигнала ограничен или никаков севкупен напредок е „срамота“.
„Голем срам. Срам за него. И ќе видиме како ќе реагира Европскиот парламент. Ако усвои такви работи, фактички неточни работи што се во таа резолуција, тогаш ќе биде донекаде срам и за Европскиот парламент“, рече таа.
Европа
(Видео) Фон дер Лајен во Киев на 3-годишнината од инвазијата: „Судбината на Европа е во прашање“
Претседателката на Европската комисија Урсула фон дер Лајен утрово со воз пристигна во Киев по повод тригодишнината од руската инвазија врз Украина.
On the 3rd anniversary of Russia’s brutal invasion, Europe is in Kyiv.
We are in Kyiv today, because Ukraine is Europe.
In this fight for survival, it is not only the destiny of Ukraine that is at stake.
It’s Europe’s destiny. pic.twitter.com/s0IaC5WYh6
— Ursula von der Leyen (@vonderleyen) February 24, 2025
По тој повод таа рече: „На третата годишнина од бруталната руска инвазија, Европа е во Киев. Денеска сме во Киев, бидејќи Украина е Европа“.
„Во оваа борба за опстанок, не е загрозена само судбината на Украина, туку и судбината на Европа“, додаде таа во објавата на Икс.
Свет
(Видео) Брод се преврте кај Стејтен Ајленд, четворица мртви, еден се уште се води како исчезнат
Четири лица загинаа, едно е хоспитализирано, а едно се води како исчезнато откако потона брод во водите меѓу Квинс и Стејтен Ајленд.
Американската крајбрежна стража соопшти дека екипажот сè уште трага по исчезнато лице, откако рано попладнево пет лица беа спасени од бродот.
Пет лица од бродот беа пронајдени, а четворица од нив не реагираа кога беа извлечени од водата, изјавија претставници на крајбрежната стража.
Двајца од спасените лица биле пренесени со хеликоптер во Универзитетската болница во Стејт Ајленд, а тројца биле пренесени во станицата на крајбрежната стража Сенди Хук, каде што чекале итни медицински служби, соопштија официјални лица.
Оттогаш, четири лица се прогласени за мртви. Петтото лице е во стабилна состојба, соопшти полицијата.
Температурите на водата сè уште беа околу нула во неделата. „Не можам да замислам луѓето да издржат повеќе од 10 минути на овие температури, а да не паднат во целосна хипотермија“, рече Рој Скот, поранешен инспектор на американската крајбрежна стража.
Крајбрежната стража и полицијата на Њујорк ги истражуваат околностите за потонувањето на бродот.
(Видео) Фон дер Лајен во Киев на 3-годишнината од инвазијата: „Судбината на Европа е во прашање“
Претседателката на Европската комисија Урсула фон дер Лајен утрово со воз пристигна во Киев по повод тригодишнината од руската инвазија...
Русите на 3-годишнината од војната: „Америка сака брз прекин на огнот, но ние не“
Русија ги препознава напорите на Соединетите Држави (САД) да се придвижат кон брз прекин на огнот во Украина, но тоа...
Мерц: САД и Русија се приближуваат на грбот на Украина и Европа
Следниот германски канцелар би можел да биде Фридрих Мерц. Неговата ЦДУ е убедливо најсилната партија во Германија. Тој рече дека...
(Видео) Пратеникот на Трамп за Блискиот Исток: Војната во Украина беше испровоцирана, тоа не мора да значи дека Русите ја испровоцираа
Американскиот специјален пратеник Стив Виткоф денеска изјави дека Русија не треба нужно да се обвинува за предизвикување војна во Украина,...
Мерц: Америка веќе не се грижи за Европа
Претседателот на германската Христијанско-демократска унија (ЦДУ), Фридрих Мерц, рече дека негов главен политички приоритет е „да ја зајакне Европа што...
Мицкоски со честитка до ЦДУ: Европа бара промени
Премиерот Христијан Мицкоски ја честиташе победата на ЦДУ на изборите во Германија преку социјалните мрежи. „Овој успех е потврда за...
Зеленски: Ни требаат 20 системи „Патриот“, подготвени сме да инвестираме
На Украина и се потребни 20 системи „Патриот“ за заштита од руски воздушни закани, кои ќе чинат околу 35 милијарди...
Трамп ги коментираше изборите во Германија: Ова е одличен ден
Американскиот претседател Доналд Трамп ги коментираше резултатите од изборите во Германија. „Се чини дека конзервативната партија во Германија победи на...
Мерц: Победивме
Христијанско-демократската унија ЦДУ/ЦСУ е победник на предвремените парламентарни избори во Германија, а десничарската популистичка Алтернатива за Германија (АфД) е втора...
Почина 21-годишен осуденик: бил донесен во Клиничката болница Штип со знаци на труење
Вчера во 11.31 часот во СВР Штип, од Клиничка болница Штип било пријавено дека кај нив од Казнено – поправната...
(Видео) „На повидок е корупциски скандал во Владата, дали Меџити барал мито“, прашува Илиевски
„На повидок е голем, робусен корупциски скандал во Владата! Бараме премиерот Христијан Мицкоски да излезе и да одговори: дали е...
„Воведувањето кривична одговорност за судиите е неопходна, тие не смеат да бидат недопирливи“, Левица бара власта да го поддржи нивниот предлог
„Покрај Предлог-законот за заштита на потрошувачите со кој Левица предлага да се укинат двојазичните декларации на производите, на утрешната собраниска...
(Видео) „Скандалозната најава од Меџити отвора сериозни сомнежи за постоење веќе подготвени списоци со имиња на ‘подобните’ партиски кадри“, вели Кузеска
„Изет Меџити подготвува робусна акција-најголеми партиски напад врз институциите досега со 3.000 нови партиски вработувања во државната администрација. Скандалозната најава...
Истрага против дилер на марихуана во Тетово
Основното јавно обвинителство Тетово донесе Наредба за спроведување истражна постапка против едно лице за кривично дело- Неовластено производство и пуштање...
„Завршува ерата на неточни броила“: Министерството за енергетика бара опремата за проверка на струјомерите веднаш да биде на располагање на граѓаните
Министерството за енергетика, рударство и минерални суровини активно работи на воведување системски решенија кои ќе ја зголемат заштитата на граѓаните...
„Пратениците да го поддржат предлог – законот за укинување на двојазичните декларации“, бара Левица
„Левица го повикува владејачкото мнозинство, на седницата во понеделник, да го поддржи Предлог-законот за измена на Законот за потрошувачи, со...
(Видео) Трамп зборуваше за Украина, „глупавиот“ Бајден, „патриотот“ Маск, царините…
Доналд Трамп одржа говор на Конференцијата за политичко дејствување (CPAC). Тој често ја користи оваа конференција за да постави политички...
Утрово најстудено во Берово, најмногу снег на Попова Шапка
Утрово најстудено било во Берово каде што се измерени -7 степени, -5 било во Крива Паланка, -4 во Крушево, -3...
Полскиот претседател и Трамп се сретнаа, Белата куќа: Трамп ја пофали Варшава
Присуството на САД во Полска и Централна Европа треба да се зајакне, му порача полскиот претседател Анджеј Дуда на американскиот...
Објавени сведоштвата на израелските заложници: „Изгубив 30 килограми“
Четворицата заложници, Тал Шохам, Омер Шем Тов, Омар Венкерт и Ели-Хе Коен, кои денеска се вратија во Израел, биле подложени...
