Свет
ЕМА го брани својот пристап за одобрување на вакцината против коронавирус

Европската агенција за лекови (ЕМА) го брани својот пристап за одобрување на вакцината против коронавирус, велејќи дека тоа е најсоодветен можен начин, додека Велика Британија веќе даде зелено светло за вакцината што ја развија американската компанија „Фајзер“ заедно со германскиот „Бионтек“.
ЕМА треба да се состане најдоцна до 29 декември за да одлучи дали ќе даде условно одобрение за оваа вакцина.
Од британска страна, неколку членови на владата оценија дека излегувањето од ЕУ ѝ овозможи на земјата да го забрза одобрувањето на вакцината пред нејзините европски соседи со тоа што ќе се ослободи од вообичаените прописи.
Во периодот на транзиција до 31 декември Велика Британија технички подлежи на регулативите на ЕУ, вклучително и за лекови, но новата вакцина ја одобри врз основа на вонредни мерки.
„ЕМА проценува дека условното одобрување на употребата на вакцината е регулаторен механизам кој најмногу одговара во справувањето со вонредната состојба предизвикана од сегашната пандемија“, велат од Европската агенција за „Франс прес“.
Во итни случаи во јавното здравство, лабораториите можат да побараат условно одобрување за значително забрзување на процесот што обично трае неколку години.
Според европското регулаторно тело, ова значи солидна и контролирана рамка за проучување на лабораториските податоци и важните клинички испитувања пред да биде донесена каква било одлука.
„Овие се неопходни елементи за да се обезбеди високо ниво на заштита на граѓаните за време на масовна кампања за вакцинација“, додаваат од Европската агенција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Путин вели дека денес ќе разговара со Трамп

Рускиот претседател, Владимир Путин, денес изјави дека подоцна во текот на денот ќе разговара со својот американски колега Доналд Трамп.
Ова ќе биде шестиот јавно познат разговор меѓу двајцата лидери откако Трамп се врати во Белата куќа во јануари, а ќе се одржи во услови на досега неуспешни напори на Соединетите Американски Држави да преговараат за прекин на огнот во Украина.
Двајцата претседатели последен пат разговараа на 14 јуни, а главната тема на нивниот разговор беше Иран.
Европа
Украина припаѓа на Европската Унија, му рече данската премиерка на Зеленски

Претседателот на Украина, Володимир Зеленски, пристигна во Орхус, западна Данска, каде што ќе присуствува на одбележувањето на почетокот на данското претседателство со Советот на Европската Унија.
Според најавата на данската влада, Зеленски ќе разговара со премиерката Мете Фредериксен, претседателката на Комисијата, Урсула фон дер Лајен, и со претседателот на Европскиот совет, Антонио Коста.
Тие ќе разговараат за поголема воена поддршка за Украина, соработка со украинската одбранбена индустрија и нови санкции против Русија.
„Украина припаѓа на Европската Унија, тоа е во интерес и на Данска и на Европа. Затоа данското претседателство ќе направи сè што може за да ѝ помогне на Украина на патот кон членство во ЕУ“, рече Фредериксен.
Данската премиерка истакнува дека ЕУ мора да ја зајакне Украина и да ја ослаби Русија.
„Украина е клучна за безбедноста на Европа. Мора да го зголемиме притисокот врз Русија“, рече Фредериксен.
Свет
Песков: Крајот на специјалната воена операција во Украина ќе биде поблиску доколку пристигнува помалку оружје од Западот

Крајот на војната во Украина ќе зависи од количината западно оружје што ќе го добие Киев, изјави Дмитриј Песков, портпаролот на рускиот претседател, додавајќи дека Русија внимателно ја следи ситуацијата во врска со снабдувањето на Украина со оружје и дека забележува одредени проблеми.
„Колку помалку ракети пристигнуваат во Украина од странство, толку е поблиску крајот на специјалната воена операција“, истакна Песков.
Претходно, како што објави „РИА новости“, порталот „Политико“ пишуваше за привременото запирање на испораките на муниција и оружје од САД за Украина поради исцрпувањето на американските резерви.
Заменик-портпаролката на Белата куќа, Ана Кели, потврди за Ен-би-си дека имало прекин во испораките наведувајќи дека одлуката е донесена за да се заштитат интересите на Америка како приоритет.
Исто така, републиканскиот конгресмен и член на Комитетот за разузнавање на Претставничкиот дом, Брајан Фицпатрик, побара итен брифинг од Белата куќа и од Пентагон во врска со прекинот на воените испораки на Киев.
Коментирајќи ги овие наводи, Песков изјави дека „се чини оти американската индустрија не успева да произведе доволен број ракети, особено затоа што големи количини беа испорачани во Израел и во Украина, а испораките сè уште се во тек“ додавајќи дека Русија внимателно ја следи ситуацијата, пренесува „Танјуг“.