Свет
„Епл“ силно погоден од царините; Аналитичар: Во Америка „ајфон“ може да чини 3.500 долари

Иако американскиот претседател Доналд Трамп најави 90-дневен прекин на многу од неговите царини, што им донесе пауза на некои компании и инвеститори, најголемата американска компанија „Епл“ нема толку среќа.
Технолошкиот гигант од Купертино е во голема мера зависен од синџирите на снабдување во Кина, а царините таму продолжуваат да растат. Кумулативната американска царинска стапка на кинески стоки сега изнесува дури 145 %.
Затоа, и покрај знаците за подобрување на американската трговска политика во глобален контекст, експертите посочуваат дека преговорите меѓу САД и Кина остануваат клучен фактор за „Епл“.
„Епл“ би можел да ја зголеми цената на телефоните „ајфон“ од Кина за 85 отсто
„’Епл’ може да биде уназаден со години со овие царини“, изјави Ден Ајвс, глобален шеф за технолошки истражувања во Wedbush Securities, за Си-ен-би-си. Тој додаде дека „Епл“ сега е „во ситуација кога нејзиниот брод се превртел среде океан, без чамци за спасување“.
„Епл“ со години се обидува да го диверзифицира својот синџир на снабдување надвор од Кина, но според истражувачката компанија „Омдија“, од 77 милиони „ајфони“ испорачани во САД минатата година, речиси 80 отсто се произведени во Кина.
Истата куќа проценува дека „Епл“, сакајќи да ги задржи профитните маржи, би морал да ги зголеми цените на „Ајфон“ телефоните од Кина за околу 85 отсто доколку важат сегашните царини.
„Кога првичните кинески царини беа 54 отсто, влијанието беше силно, но управливо… Но, сега, под овие услови, повеќе не се исплати ‘Епл’ да ги зголемува цените“, рече Ле Ксуан Чиу, менаџер за истражување во „Омдија“.
„Епл“ има многу малку опции на масата
Според „Ројтерс“ и индискиот весник „Тајмс оф Индија“, „Епл“ наводно успеал да испорача 600 тони „ајфони“ или околу 1,5 милиона уреди од Индија во САД пред да почнат новите царини. „Епл“ и неговите два производитела на „ајфон“ не одговорија на барањето на Си-ен-би-си.
Чиу посочува дека, иако оваа информација не е официјално потврдена, складирањето резерви би било најдобро краткорочно решение за ублажување на ефектите од царините и купување време.
Сепак, не е јасно колку долго би можеле да траат тие резерви, особено ако купувачите брзаат да го добијат „ајфон“ пред најавеното зголемување на цената, додава тој.
Поставувањето на производството во Индија може да трае со години
Според „Омдија“, среднорочната стратегија на „Епл“ е да ја намали изложеноста на геополитички ризици и тарифи, при што сè повеќе се потпира на производството и извозот на „ајфон“ од Индија.
Привремената пауза на Трамп, веројатно, ќе ја задржи основната царина на Индија на 10 проценти, барем засега, што на земјата ќе ѝ даде поповолна влезна точка на американскиот пазар.
Но, изградбата на производствен капацитет во Индија трае со години. Индиските партнери дури минатата година почнаа да ги произведуваат најскапите модели на „ајфон“ – „про“ и „про макс“.
Според Чиу, ќе бидат потребни најмалку уште една или две години за индиското производство навистина да се зголеми и да ја задоволи побарувачката, а тоа доаѓа со свои царински ризици.
Дали „Епл“ може да добие ослободување?
Аналитичарите веруваат дека најдобрата опција на „Епл“ би била да бара ослободување од царините за увоз од Кина додека не го консолидира својот синџир на снабдување надвор од земјата.
Компанијата делумно доби вакво ослободување за време на првиот мандат на Трамп, а некои аналитичари веруваат дека тоа би можело да се повтори.
„Сè уште гледам простор за олеснување преку отстапки за ‘Епл’, со оглед на нивната инвестициска посветеност од 500 милијарди долари во САД“, рече Даниел Њуман, директор на компанијата за анализа The Futurum Group. „Сè уште не се зборува многу за тоа – но јас сум оптимист дека компаниите што се обврзуваат да се прошират во САД би можеле да добијат некакво олеснување“.
„Епл“ во февруари објави дека планира да инвестира 500 милијарди долари во САД и да отвори 20.000 работни места.
Сепак, Трамп постојано изјавува дека верува оти „Епл“ може да произведува „ајфон“ во САД иако аналитичарите се сомневаат во изводливоста на овојплан. Аналитичарот на Wedbush, Ден Ајвс, проценува дека цената на еден „ајфон“ произведен во САД би била околу 3.500 долари во споредба со вообичаените 1.000 долари.
Во меѓувреме, некои аналитичари предупредуваат дека ниту трговскиот договор ниту евентуалното ослободување од тарифи може да биде доволно за „Епл“ да избегне негативни последици.
„Да претпоставиме дека има отстапка – или преку намалување на царините за Кина или преку специјално ослободување за ‘Епл’“, вели Крег Мофет, коосновач и висок аналитичар во истражувачката компанија MoffettNathanson.
„И тоа не би го решило проблемот. Дури и основната тарифа од 10 проценти е огромен предизвик за ‘Епл’“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Два пати заѕвони телефонот на Трамп на прес-конференција: „Се јавуваат да ни честитаат“

Доналд Трамп одржа прес-конференцијата во Овалната соба, посветена на нуклеарната енергија, но, вниманието го привлече неговиот „ајфон“, кој ѕвонеше двапати додека се обидуваше да ги објасни новите тарифи.
„Ох, телефонот ми ѕвони, не ви пречи, нели? – рече Трамп, насмеан додека посегнуваше по апаратот.
„Во ред, тоа е само еден конгресмен“, се пошегува тој, ставајќи го телефонот со лицето надолу на масата.
Неколку секунди подоцна телефонот повторно заѕвони, на што Трамп со насмевка рече: „Уште еден конгресмен“.
„Се јавуваат да ни честитаат“, кратко рече тој, а потоа продолжи со прес-конференцијата.
Со текот на годините, беше посочувано дека Трамп не користи е-пошта или СМС, а во судскиот процес во 2022 година, неговата адвокатка Алина Хаба рече:
„Претседателот Трамп не користи електронска пошта, не испраќа СМС пораки и нема работен компјутер дома или на работа“.
Трамп претходно најави воведување тарифа од 25 отсто за „Епл“, незадоволен од фактот што компанијата префрли дел од своето производство од Кина во Индија, а не во САД.
„Им реков, во ред, одете во Индија, но ако сакате да продавате тука, ќе мора да платите тарифи“, рече Трамп.
На прашањето од новинарите како „Епл“ може да си дозволи американско производство по конкурентни цени, Трамп одговори:
„Денес сè е толку компјутеризирано. Тие погони се неверојатни ако ги погледнете“.
Таа изјава директно е во спротивност со неговите тврдења дека царините ги штитат американските работни места, бидејќи автоматизацијата не создава нови работни места, туку ги заменува.
Свет
(Видео) Беше тешка ноќ за цела Украина, рече Зеленски по рускиот напад со дронови

Тешкиот напад на руски беспилотни летала и балистички ракети врз Украина во текот на ноќта беше нов демонстрација дека Москва го блокира договорот за прекин на огнот што ќе стави крај на војната, изјави украинскиот претседател Володимир Зеленски.
„Беше тешка ноќ за цела Украина“, напиша Зеленски на социјалната мрежа Телеграм.
Руските сили истрелаа 14 проектили и 250 беспилотни летала кон Украина, соопштија од воздухопловните сили на Украина. Според нивните изјави, над Киев биле соборени 245 дронови и шест проектили.
🚨 Lực lượng Nga đã tiến hành một cuộc tấn công bằng máy bay không người lái lớn vào Kyiv, với báo động không kích kéo dài khoảng bảy giờ.
Theo báo cáo sơ bộ, tám người đã bị thương. Thiệt hại cho các tòa nhà dân cư đã được ghi nhận ở nhiều quận. pic.twitter.com/nynbZ8H1WG
— KhônG có CônG (@MotLaHai) May 24, 2025
Шефот на воената управа на градот Киев Тимур Ткаченко денеска на својот канал Телеграм објави дека во масовен напад на руски беспилотни летала врз Киев се ранети 15 лица.
Според него, „непријателот ја усовршува сопствената тактика на користење беспилотни летала, а во исто време изведува удари со балистички ракети“, пренесува Укринформ.
Kyiv at night… pic.twitter.com/r90JxNuY3e
— Ihor Lachenkov (@igorlachenkov) May 24, 2025
„Од 08:00 часот е познато дека на неколку локации во населбата Голошеив паднале остатоци од соборен дрон. Едно лице е повредено, а пет автомобили се оштетени. Пријавен е пожар на 4-ти и 5-ти кат во станбена зграда во населбата Соломјан. Седум лица се повредени, едно лице е спасено и потврдено е дека пожарот е локализиран“, изјави Ткаченко.
И Украина во изминатите 72 часа напаѓаше со дронови цели во Русија, а според информациите повеќе од 750 борбени беспилотни летала биле лансирани во изминатите денови од области под украинска контрола.
„Руската противвоздушна одбрана успешно одговори на масовниот напад со украински беспилотни летала врз областа Липецк“, соопшти гувернерот на руската област Игор Артамонов.
Артамонов додаде дека беспилотните летала паднале во индустриската зона Јелац и дека според првичните информации нема жртви.
Свет
(Видео) Во последните 72 часа Украина го изврши најголемиот напад со беспилотни летала врз Русија од почетокот на војната

Украинските вооружени сили ги започнаа досега најголемите напади со беспилотни летала длабоко во руска територија, погодувајќи воени фабрики, енергетски објекти и клучна инфраструктура, соопштија украински и независни извори.
Во текот на последните 72 часа, повеќе од 750 борбени беспилотни летала беа лансирани од областа под украинска контрола, соборувајќи го претходниот рекорд по бројот на беспилотни летала користени во една кампања – од двете страни. Некои беспилотни летала поминаа повеќе од 800 километри од рускиот воздушен простор пред да погодат цели.
Според податоците на независната новинска агенција Астра, само од 20 до 23 мај во Русија влегле 756 украински беспилотни летала. Последиците беа хаос во воздушниот сообраќај и прекини на интернет мрежата во десетици руски градови.
Ukraine Launched Over 750 Drones in a Relentless 2.5-Day Assault on Russia
Ukraine conducted their most prolonged and intense drone attack on Russian regions following Vladimir Putin's refusal to agree to a ceasefire. The assault, which began on the evening of May 20 and… pic.twitter.com/cZxuXYkMj1— Iuliia Mendel (@IuliiaMendel) May 23, 2025
Меѓу главните цели беше фабриката за електронски системи за руски тенкови и ракети БПСД во регионот Ориол, како и фабриката Базалт во Тула, позната по производство на пламенофрлачи, ракетни компоненти и муниција.
Погодена е и рафинеријата „Роснефт“ во Рјазан, една од најголемите во земјата, како и компанијата „Енергија“ во градот Јелец, која произведува батерии и компоненти за балистички ракети. Во неколку наврати избувнаа големи пожари, а руски извори потврдуваат бројни детонации.
Украински извори наведуваат дека биле погодени меѓу четири и десет клучни воени цели, додека рускиот министер за одбрана потврдил дека противвоздушните сили собориле 127 беспилотни летала, вклучително и над Црното Море и анектираниот Крим.
Поради нападот затворени или парализирани се аеродромите во градовите Калуга, Јарослав, Кострома, Курск, Белгород и Ориол, како и четирите големи московски аеродроми: Внуково, Домодедово, Шереметјево и Жуковски. Патниците биле заглавени со часови, а извештаите наведуваат редици, метеж и доцнење од повеќе од шест часа.
🚨 BREAKING: Ukraine unleashes massive drone swarm on Russia’s key Energia battery plant in Lipetsk, critical for powering Russian drones, aircraft, and ships. The facility is under heavy attack tonight! #UkraineDroneStrike #EnergiaPlant #RussiaUkraineWar 🇺🇦💥#BreakingNews pic.twitter.com/teQkfezasf
— WallsStreetGold (@mohitkumarmadaa) May 23, 2025
Во исто време, властите во неколку региони, меѓу кои и Тула, Липецк, Воронеж и Иваново, го исклучија мобилниот интернет, што погоди илјадници граѓани.
Поранешниот руски воен пилот и познат „воен блогер“ Илја Туманов напиша: „Авиосообраќајот е делумно или целосно парализиран… мобилниот интернет е исклучен… овие беспилотни летала се доволни да ги затворат аеродромите во Москва и да ги преоптоварат околните градови“.
Во нападот на фабриката Енергија во Јелец избувнаа неколку пожари и наредена е евакуација. Украинските воени извори тврдат дека во нападите биле погодени и складишта за муниција во регионот Краснодар, каде, според некои извори, биле уништени до 60.000 тони ракети и проектили – иако овие тврдења се уште не се независно потврдени.
https://x.com/i/status/1925924161513234842
Сателитскиот систем на НАСА покажува дека пожарот во фабриката Базалт во Тула сè уште бил активен во петокот и гори повеќе од 24 часа.
Во понеделникот наутро, Украина нападна и напуштен руски бунар во Азовското Море, каде што беа стационирани руски безбедносни и противвоздушна одбрана. Украинската СБУ ја презеде одговорноста за нападот, велејќи дека тие го уништиле радарскиот систем Нева, сместувачките единици и магацините.
Според анализата на Киев пост, Украина во последните денови го зголемила интензитетот на нападите за 23 отсто во споредба со неодамнешната кампања на руски беспилотни летала во средината на мај, во која Русија лансираше повеќе од 500 беспилотни летала за три дена. Двете страни ги чуваат во тајност официјалните податоци за штетите.