Шпанската полиција пронашла подморница што ја користеле дилери за транспорт на дрога, што е трет таков случај во последните години, јавуваат шпанските медиуми.

Овој пат подморницата, која беше пронајдена во близина на брегот на регионот Галиција, се преполовила при операцијата за нејзино влечење до пристаништето Камаринас, пренесува Cadenaser.

Едната половина е потоната, а нуркачките тимови се обидуваат да ја извлечат за да можат агентите да ја испитаат.

Слична подморница беше пронајдена во 2019 година со товар од 3.000 килограми кокаин.

Во 2023 година во Шпанија беше откриена уште една подморница на дилер на дрога, но на бродот немаше дрога.

Севал Сахин (25) скокнала од 12 кат во хотелот Гранд Картал во Турција, бегајќи од огнената стихија која зафаќала се пред неа. Во очајнички обид да си го спаси животот, таа била тешко повредена, јавуваат турските медиуми.

Сахин работела како келнерка во хотелот, а кога избувнал пожарот веднаш го повикала својот татко. За време на видео повик со нејзиниот татко Ердал, девојката донела очајна одлука – скокнала од 12-ти кат.

Сахин, која живее во Бартун, пред месец и половина почнала да работи како келнерка во хотелот.

Кога избувнал пожарот, таа била на спратот каде што престојувал персоналот. Бидејќи не можела да побегне, отишла на горните катови. Во тој момент му се јавила на својот татко и му рекла дека има пожар. Бидејќи немала каде да бега, решила да скокне од 12-ти кат.

Таа е тешко повредена во обид да си го спаси животот и се наоѓа на одделението за интензивна нега во болницата.

Според медиумите, таа има тешки скршеници на различни делови од телото.

Турскиот министер за внатрешни работи Али Јерликаја синоќа изјави дека бројот на загинати во хотелот во ски-центарот Карталкаја се искачи на 76, а во врска со пожарот досега се приведени девет лица.

Пожарот избувнал околу 3 часот и 30 минути во ресторан на 12 кат во хотелот „Гранд Картал“ во зимскиот центар Карталкаја во провинцијата Болу.

Во моментот на пожарот во хотелот имало 234 лица.

Борис Писториус предупреди на теоретска закана од руски напад врз земјите на НАТО во 2029/2030 година. Според него, дотогаш Русија би можела да ја зголеми својата војска на 1,5 милиони војници.

„Со оглед на растот на руската армија, постои теоретска можност Русија да се обиде да ги нападне земјите на НАТО во 2029-2030 година. Затоа е особено важно дотогаш да се обезбедат одбранбените способности на Алијансата“, изјави германскиот министер за одбрана Борис Писториус, како што објави Украинска Правда.

Според Борис Писториус, воени експерти внимателно ја следат ситуацијата во Русија.

„Воените експерти многу внимателно ги следат настаните во Русија. Воената индустрија таму значително се развива, произведувајќи голем број тенкови и авиони, што значи дека руските вооружени сили значително растат. До 2026 година нивниот број може да се зголеми на 1,5 милиони војници “, рече Писториус.

Тој истакна дека воените експерти веруваат дека „Путин би можел да ги реорганизира своите вооружени сили до 2029/2030 година за да создаде соодветни услови за можен теоретски напад врз други земји“, вклучително и земјите од НАТО.

„Затоа, ние мораме дотогаш да ја обезбедиме нашата одбранбена способност. Оваа задача, се разбира, бара и време и пари, но ние сме посветени на оваа цел“, нагласи тој.