Јуни 2024 година е најтоплиот јуни откако се регистрирани мерењата на глобалната температура.

Со просечна температура на воздухот од 16,66 степени, тој беше за 0,67 степени потопол од просекот за периодот од 1991 до 2020 година и за 0,14 степени потопол од минатиот јуни, објави Службата за климатски промени Коперник (C3S) на Европската унија.

Ова е неверојатен 13-ти месец по ред, кој е најтопол откако се следат температурите, се наведува во соопштението.

June #Temperature highlights from #C3S. Last month was:

🌡 globally warmer than any previous June on record, at 0.67°C above the 1991-2020 average;
🌡 the 13th month in a row that is the warmest on record for the respective month of the year.

For more 👉https://t.co/JHUFYxOtte pic.twitter.com/yTbbRdt0jS

— Copernicus ECMWF (@CopernicusECMWF) July 8, 2024

Според податоците, јуни бил за 1,5 степени потопол од истиот месец во периодот од 1850 до 1900 година, што претставува прединдустриска референца. Тоа значи и дека ова е 12-ти месец по ред кога е пробиена границата од 1,5 степени во однос на прединдустриската ера – наведува C3S.

Кога станува збор за Европа, температурите во јуни 2024 година беа за 1,57 степени повисоки од просекот од 1991 до 2020 година. Ова го направи овој втор најтопол јуни во европската историја.

„Јуни е 13-ти месец по ред кога се уриваат глобалните температурни рекорди и 12-ти месец потопол за повеќе од еден и пол степен во однос на прединдустриската ера. Ова е повеќе од статистички необична бројка, но нешто што ја истакнува големата и постојана промена на нашата клима. Дури и ако оваа екстремна серија наскоро заврши, ќе видиме дека се поставуваат нови рекорди додека затоплувањето продолжува. Ова е неизбежно доколку не ја намалиме емисијата на штетни гасови со ефектот на стаклена градина“ – изјави Карло Буонтемпо, директор на Коперник.

Според податоците, оваа година веројатно ќе ја надмине 2023 година како најжешка во историјата, пренесува Ројтерс.

Научникот Зик Хаусфадер проценува дека сега има околу 95 отсто шанси, 2024 година да ја надмине претходната година и да стане најтоплата откако се направени мерењата на температурата.

Британската Лабуристичка партија сака да склучи заеднички безбедносен пакт со ЕУ, кој ќе опфати широк спектар на прашања, вклучувајќи одбрана, климатска криза, пандемии и нерегистрирана миграција, изјави новиот министер за надворешни работи на Велика Британија, Дејвид Леми.

Тој за „Гардијан“ изјави дека безбедносниот пакт нема да ја загрози посветеноста на лабуристите да останат надвор од единствениот пазар на ЕУ и царинската унија.

Леми посочи дека сакаат структуриран дијалог со ЕУ и изјави дека Лабуристичката партија сака безбедносна соработка со ЕУ со структура слична на Советот за трговија и технологија ЕУ – САД, кој е составен од многубројни поткомитети и одржува годишен самити.

Исто така, новиот британски премиер Кир Стармер во неделата, за време на посетата на Единбург, која ја најави како „итно ресетирање“ на односите со регионалните влади на Шкотска, Северна Ирска и Велс, зборуваше за тоа како ќе работи на подобрување на пропаднатиот трговски договор на Обединетото Кралство и ЕУ, пренесува АП.

„Мислам дека можеме да постигнеме многу подобар договор од неуспешниот договор со кој (поранешниот премиер) Борис Џонсон ја оптовари Велика Британија“, рече Стармер за договорот по брегзит.

Стармер рече дека претстојат многу разговори со цел зајакнување на трговските и одбранбените односи со ЕУ, како и во истражувачкиот сектор, пренесува „Танјуг“.

Германскиот канцелар Олаф Шолц денеска го изрази своето задоволство од резултатите од вториот круг од парламентарните избори во Франција, каде што левичарската коалиција Нов народен фронт (ЛФИ) освои најмногу гласови и 182 места во националното собрание.

„Ослободени сме поради резултатите од изборите во Франција. Се надеваме дека претседателот и новите членови на парламентот ќе успеат конструктивно да формираат нова коалиција“, изјави Шолц, пренесува „Ројтерс“.

Тој посочи дека доброто функционирање на Европската Унија е „можно само со Франција“.