Свет
Ердоган не признава дека Крим е дел од Русија
Турскиот претседател, Реџеп Таип Ердоган, повторно изјави Анкара да не го признава повторното обединување на Крим со Русија и дека ќе продолжи да ја следи состојбата на кримските Татари, пренесува „Спутник“.
„Ќе продолжиме да го поддржуваме територијалниот интегритет на Украина. Нема да ја признаеме незаконската анексија на Крим. Кримските Татари се важен аспект од нашите блиски односи со Украина и ние продолжуваме да ја следиме нивната состојба“, истакна Ердоган пред заминувањето во официјална посета на Украина.
Портпаролот на рускиот пртседател, Дмитриј Песков, соопшти дека Ердоган има валиден предлог да го посети Крим за самиот да може да ја проучи ситуацијата со правата на кримските Татари.
„Во врска со тоа категорично не се сложуваме со нашите турски партнери за формулациите што ги користат во овој контекст. Повеќепати истакнавме дека не постои никаква загриженост во врска со Кримските Татари“, одговори Песков на барањето да ја прокоментира изјавата на Ердоган.
Крим стана дел од Русија во март 2014 година по референдумот одржан по државниот преврат во Киев. За обединување со Русија гласаа 96,77 отсто од гласачите на Република Крим и 95,6 отсто од жителите на Севастопол. Според рускиот претседател, Владимир Путин, прашањето на Крим е затворено, а Украина и понатаму го смета Крим за своја привремено окупирана територија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Телото на последната жртва од поплавите пронајдено во Јабланица, уште едно лице се бара во Коњиќ
Спасувачките екипи во соработка со полицијата и другите надлежни служби го пронашле телото на последниот загинат во поплавите во Доња Јабланица, потврдија за порталот „Аваз“ од полицијата.
Телото е пронајдено во близина на браната на ХЕ Грабовица, со што вкупниот број на жртви од оваа катастрофа во Јабланица се искачи на 19, додека во Коњиќ досега се потврдени четири смртни случаи. Потрагата по уште едно исчезнато лице од Коњиќ се уште трае, јавува „Аваз“.
Поради големи поплави и одрони, сообраќајот на автопатот Коњиќ – Јабланица – Комадиново Врело беше во прекин претходните седум дена. Одроните предизвикаа голема штета, одземајќи делови од коловозот и железничките пруги, но интервентната санација овозможи да минат спасувачките екипи и итните служби.
Свет
ЕУ ќе инвестира во воено-индустрискиот комплекс во Украина
Европската унија го менува пристапот кон воената помош за Украина и преминува на инвестиции во воено-индустрискиот комплекс на земјата, кој ќе произведува ракети, беспилотни летала и друго оружје со долг дострел.
Посветеноста на ЕУ од 440 милиони долари за поддршка на украинската одбранбена индустрија „означува значителна промена“ во пристапот на блокот кон војната и исто така ги открива слабостите на нејзиниот одбранбен сектор во производството на оружје и муниција додека Европејците се борат да бидат во чекор со побарувачката, објави украинската новинска агенција Униан, цитирајќи го Вашингтон пост.
ЕУ не може да го произведе целото оружје и муниција што им е потребно на Вооружените сили на Украина, поради што се префрла на инвестиции во украинскиот воено-индустриски комплекс.
Регион
За само еден ден 11 земјотреси го погодија Врање
Од вчера до денес Врање го погодиле дури 11 земјотреси, од кои најсилниот бил со јачина од 3,7 степени според Рихтеровата скала, покажуваат податоците на веб-страницата на Републичкиот сеизмолошки завод.
Најсилниот земјотрес се случи кај Врање во селото Корбевац со јачина од 3,7 степени според Рихтеровата скала.
Првиот земјотрес е забележан во неделата (13 октомври) во 04:28 часот, а епицентарот бил во селата околу Врањска Бања.
Додека последниот земјотрес беше регистриран рано утринава околу шест часот по локално време, магнитудата беше 2,3 степени според Рихтеровата скала.