Свет
Ердоган ја претстави турската „Челична купола“
Турскиот претседател Реџеп Таип Ердоган вчера официјално го отвори интегрираниот систем за воздушна одбрана на Турција, познат како „Челична купола“, кој го опиша како пресвртница за земјата и нејзината одбранбена индустрија.
„Ова е знак на сила за Турција. Воведуваме нова ера за нашата сакана Турција во воздушната одбрана“, рече Ердоган на настан во објектите на одбранбената компанија Аселсан во Анкара. Владата на Ердоган го објави почетокот на развојот на Челичната купола, кој интегрира платформи за воздушна одбрана и сензори од морето и копното во мрежа за заштита на турското небо, во август минатата година.
Ердоган истакна дека најновата фаза од проектот се состои од 47 возила во вредност од речиси 400 милиони евра кои ќе „влеат доверба кај пријателите и страв кај непријателите“. Турската влада не прецизираше кога системот ќе биде целосно оперативен.
„Ниту една земја која нема способност да развива сопствени радарски и воздушни одбранбени системи не може да гледа кон иднината со доверба во однос на актуелните безбедносни предизвици, особено во нашиот регион“, рече Ердоган.
Турција претходно се обидуваше да ја зајакне својата воздушна одбрана со купување на ракетниот систем С-400 од Русија во 2019 година. Сепак, овој потег доведе до тоа Американците да ја суспендираат продажбата на невидливи авиони Ф-35 на Турција, поткопувајќи ги одбранбените цели на Анкара, пишуваат медиумите.
Конфликтите во Сирија и Украина, како и неодамнешните израелски напади врз Иран, ја интензивираа потребата на Турција да развива подобра воздушна одбрана.
Ердоган, исто така, ги претстави новите производствени капацитети на Аселсан, кои треба да се отворат во 2026 година. „Во следните 50 години, Турција ќе биде земја која не само што ги задоволува сопствените потреби, туку и ќе биде лидер во светот во својата технологија“, рече тој.
Фото: принтскрин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски најави бесплатен превоз со воз и фиксни цени на енергијата за граѓаните
Украинскиот претседател Володимир Зеленски најави воведување програма за бесплатни патувања со воз и замрзнување на цените на енергенсите во текот на зимата.
Зеленски соопшти дека секој граѓанин ќе може бесплатно да патува до 3.000 километри на украинската железница, а целта е државното претпријатие да покаже дека буџетските средства навистина се користат во служба на граѓаните.
Покрај тоа, владата ќе воведе мерки за ублажување на зимските трошоци, слично на ланскaта програма од која корист имаа 14 милиони Украинци.
„Цената на гасот и електричната енергија оваа зима нема да се зголемат“, порача Зеленски.
Цената на киловат-час моментално е нешто под 0,09 евра, а по руските напади на енергетската инфраструктура, делови од земјата сè уште имаат струја само неколку часа дневно.
Свет
Сведок за нападот во воз во Англија: Видов човек кој трчаше и ги предупредуваше другите дека е избоден
Полицијата во Кембриџшир соопшти дека вооружени полицајци пристигнале на местото на настанот откако добиле извештаи за напад во воз во Англија.
„Вооружени полицајци пристигнале на местото на настанот и возот бил запрен во Хантингдон, каде што биле уапсени двајца мажи“, соопшти полицијата.
Службата за брза помош на Источна Англија започнала голема операција за инцидентот. Портпаролот изјавил дека голем број амбулантни возила, тактички команданти и нивниот тим за одговор на опасни подрачја биле на местото на настанот.
„Можеме да потврдиме дека превезовме повеќе пациенти во болницата“, додаде тој.
Еден сведок кој бил во возот раскажал како видел некого како се движи низ вагонот и ги предупредува другите: „Имаат нож, избоден сум“.
Multiple people stabbed on train in Huntingdon.
2 people arrested.Britain is under terror attack.
Our politicians are bringing more terrorists in UK, via plane 1st class.
Wake up! pic.twitter.com/vTGKIxRZip
— Tony 🇬🇧 (@TonyL_01) November 1, 2025
Сведокот изјавил за „Скај њуз“ дека човекот бил „екстремно крвав“.
„Тоа лице заврши колабирајќи на подот. Беше однесено во амбулантно возило речиси веднаш“, истакнал тој.
Други сведоци, исто така, велат дека ранети луѓе трчале низ возот, бегајќи од напаѓачот со нож.
„Подоцна, вооружени полицајци биле видени како го насочуваат оружјето кон човек кој стоел на перонот со голем нож“, рекол еден сведок.
Потоа човекот бил онеспособен со електрошокер и врзан.
Девет лица се во животна опасност по нападот. Полицијата уапсила две лица, а британскиот премиер Кир Стармер го нарече настанот „страшен инцидент“. Полицијата потврди дека била активиран кодниот збор „Платон“ – сигнал за можен „подвижен терористички напад“, но подоцна таа квалификација била повлечена, и засега не е познат мотивот за нападот.
Свет
(Видео) Над 20 загинати во пожар во продавница во Мексико
Во пожар што избувнал во продавница во градот Ермосиљо, на северозападот на Мексико, загинале повеќе од 20 лица, пренесуваат локалните медиуми.
Претседателката Клаудија Шејнбаум изрази сочувство до семејствата на загинатите и соопшти дека испратила тимови за помош на повредените и нивните блиски, пренесе „Ројтерс“.
Градоначалникот на Ермосиљо потврди дека бројот на жртвите е голем, а началникот на противпожарната служба изјави дека причината за пожарот сè уште не е утврдена.
Enluta a México explosión e incendio en tienda Waldo's de Hermosillo, con al menos 23 muertos -hombres, mujeres, menores- y 12 heridos por presunto estallido en transformador CFE.
Autoridades niegan atentado.
Otra vez un siniestro en Sonora que recordó tragedia en Guardería ABC. pic.twitter.com/T1LbuboogG— Jesús Rubén Peña (@revistacodigo21) November 2, 2025

