Свет
Естонската премиерка по која Москва распиша потерница: „Нема да молчам, продолжува поддршката за Украина“
Естонската премиерка Каја Калас денеска ја осуди, како што рече, руската вообичаена тактика на заплашување откако Москва издаде налог по неа и други европски претставници.
Кремљ распишува потерници, обвинувајќи ги балтичките и полските власти за непријателство кон Русија поради различните ставови за историјата на нивните односи.
„Потегот на Руската Федерација не е изненадувачки бидејќи тоа е вообичаена руска тактика на заплашување“, рече Калас, ветувајќи дека ќе продолжи да ја поддржува Украина и да се бори против руската пропаганда.
„Нема да молчам, ќе продолжам силно да ја поддржувам Украина и ќе се залагам за зајакнување на европската одбрана“, рече таа.
Балтичките земји – членки на ЕУ и НАТО, кои во повеќе наврати истакнале дека стравуваат од воените амбиции на Кремљ, сметаат дека поранешниот СССР ги окупирал, додека Москва се гледа себеси како ослободител и секој друг пристап го смета за „фалсификување на историјата“, што е кривично дело во Русија.
Премиерката Калас и други високи балтички и полски функционери се гонат за уништување споменици на советските војници, изјави денеска портпаролката на руското Министерство за надворешни работи, Марија Захарова.
„Злосторствата против споменот на ослободителите на светот од нацизмот и фашизмот мора да бидат казнети. И ова е само почеток“, додаде таа.
Во балтичките земји и во Полска, во последниве години се демонтирани неколку споменици наследени од Втората светска војна, што датираат од советскиот период. Тие земји сакаа да истакнат дека го отфрлаат советскиот период и сметаат дека биле окупирани од СССР.
Во три поранешни советски републики – Естонија, Латвија и Литванија – денес членки на ЕУ и НАТО, кои имаат тензични односи со Москва, денес живеат руски малцинства. Меѓусебните односи дополнително се влошија по почетокот на конфликтот во Украина.
Балтичките земји, кои ја сметаат заканата од руска инвазија многу реална, активно го поддржуваат Киев во борбата против руската армија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Хумза Јусаф поднесе оставка, Шкотска има нов премиер
Новиот претседател на шкотската партија СНП, Џон Свини во шкотскиот парламент е избран за нов шеф на шкотската влада, на местото на Хумза Јусаф.
Тој доаѓа на местото на Хумза Јусаф (39), која поднесе оставка минатата недела по распадот на коалицијата со Зелените. Тие беа воздржани од гласање.
Изборот на Свини не е изненадување. Тој освои 64 од 129 гласови во парламентот каде Шкотската национална партија има големо водство пред опозициските партии, но нема апсолутно мнозинство. Тој допрва треба да положи заклетва пред Врховниот суд.
Претходно истиот ден, Јусаф формално ја поднесе својата оставка во писмо до британскиот крал Чарлс III. Тој беше на власт 13 месеци, по харизматичната Никола Старџен. Тој беше најмладиот шкотски премиер и првиот од националното малцинство.
„Како млад муслиман, роден и израснат во Шкотска, не сонував дека еден ден ќе бидам привилегиран да ја водам мојата земја“, напиша тој.
Регион
Александар Вулин: Пријателството меѓу Србија и Кина е челик затоа што го ковавме во оган
Вицепремиерот на Србија, Александар Вулин, на промоцијата на културната размена меѓу Кина и Србија на тема „Што ги делат планините и реките, пријателството обединува“, изјави дека пријателството меѓу двете земји е челик бидејќи е ковано во оган и дека Србија и Кина се разделени за многу работи, но најважното ги обединува, а тоа е одлуката на две држави да бидат слободни.
„Пријателството на нашите лидери, претседателот Вучиќ и претседателот Си Џинпинг, не обврзува да сториме сè, исто како нив, за нашите народи да бидат поблиски отколку што нè прави блиски географијата или историјата. Србите и Кинезите ги дели сè, ние сме различни во сè, но нас нè обединува она најважното – нашата одлука да бидеме слободни, нашата посветеност на најважната карактеристика на народите и луѓето – слободата“, рече Вулин на настан организиран од China Media Group.
Свет
Професорите на Универзитетот во Амстердам протестираа во знак на солидарност со студентите
Наставниот кадар на Универзитетот во Амстердам одржа протест во знак на солидарност со студентите, чии демонстрации против војната во Газа претходно беа насилно расчистени од полициските сили.
Полицијата со булдожер ги урна барикадите и уапси околу 140 демонстранти, а постојано има судири меѓу безбедносните сили и студенти, пренесува Ројтерс.
„Учениците и вработените пријавиле употреба на полициски палки и кучиња, како и булдожери во обид на полицијата насилно да ги отстрани. Поради прекумерната употреба на насилство, луѓето се повредени“, велат од групата Холандски научници за Палестина.