Европа
ЕУ постигна договор за штедење на гасот
Земјите на Европската унија денеска ја усвоија конечната, ублажена верзија на вонредниот план за намалување на потрошувачката на гас по низа компромиси и исклучоци за одделни членки и во очекување на дополнителни намалувања на снабдувањето со овој извор на енергија од Русија.
Европа се соочува со дополнителен притисок на гасот оваа недела откако руски Гаспром рече дека уште еднаш ќе го намали протокот кон Европа преку гасоводот Северен тек 1 на само една петтина од нејзиниот капацитет.
„Тоа не беше невозможна мисија! Министрите за енергетика на 27-те земји-членки собрани во Брисел успеаја да постигнат политички договор за намалување на побарувачката на гас за претстојната зима“, објави чешкото претседателство на Твитер, пренесува АФП.
Со оглед на тоа што десетина земји од ЕУ веќе се соочуваат со намалени испораки од Русија, Брисел предупреди дека е веројатно целосно намалување на снабдувањето и ги повикува земјите да се подготват со заштеда на гас и складирање за зимата.
ЕУ стравува дека прекинот на испораките на гас од Русија е многу веројатен и дека Москва ќе го стори тоа како одмазда за санкциите кои Западот и’ ги воведе на Русија поради војната во Украина.
Министрите за енергетика го усвоија предлогот сите членки на ЕУ доброволно да ја намалат потрошувачката на гас за 15 отсто од август до март.
Иако целта е доброволна, Комисијата би можела да ја направи обврзувачка во случај на криза со снабдување, но постојат исклучоци за голем број земји и индустрии. Германскиот министер за енергетика Роберт Хабек рече дека овој договор ќе му покаже на претседателот Владимир Путин дека Европа се’ уште е обединета.
„Нема да не поделите“, рече Хабек.
Унгарија беше единствената земја која се спротивстави на планот, според двајца европски претставници.
Обврски со исклучоци
Сепак, планот се соочи со отпор од голем број влади пред неговото прифаќање, а членовите го преработија за да вклучи исклучоци за голем број земји и индустрии.
Некои предупредија дека благите правила значат ризик дека државите нема да можат да заштедат доволно гас за зимата. Додека владите, вклучително и Германија, најголемиот корисник на гас во Европа, ги зајакнаа своите мерки за заштеда на енергија, земјите од ЕУ ја намалија комбинираната употреба на гас за само 5 отсто, и покрај повеќемесечните поскапувања и намалените резерви на Русија.
Според ревидираниот предлог, земјите како Ирска и Малта, кои не се поврзани со гасните мрежи на ЕУ, ќе бидат изземени од обврзувачката цел. Земјите кои извезуваат гас во други и оние со речиси целосно складирање на гас би можеле да имаат поблаги цели, а индустриите како хемикалиите и челикот би можеле да бидат изземени.
Планот ја тестираше солидарноста на ЕУ, при што некои држави велат дека наметнувањето ист процент на намалувања за сите земји е неправедно. Меѓу критичарите се Шпанија, која не се потпира на рускиот гас, и Грција, која вели дека би можела да се справи со прекинот на руското снабдување.
Полски официјален претставник рече дека земјата ќе се спротивстави на какви било правила што би можеле да им дозволат на другите членки на ЕУ да ги користат полските резерви на гас. Руски Гаспром ги наведе проблемите со турбината како објаснување за последното намалување на испораките на гас, но европскиот комесар за енергија Кадри Симсон тврди дека потегот е „политички мотивиран“.
Пред инвазијата на Украина на крајот на февруари, Русија испорачуваше 40 отсто од гасот на ЕУ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Украинците ја нападнаа најголемата рафинерија на рускиот нафтен гигант
Украинските беспилотни летала нападнаа неколку руски нафтени објекти синоќа вклучувајќи ја најголемата рафинерија на „Роснефт“ во Рјазан и складиште за нафта во окупираниот регион Луганск. Веста ја потврди Роберт (Мадијар) Бровди, командант на украинските беспилотни сили, објави „Киев индепендент“.
„Бензинот (во Русија) е при крај, а гасот и нафтата бргу исчезнуваат“, напиша Бровди на социјалните медиуми.
💥 Drones hit a refinery in Russia’s Ryazan, setting it ablaze. Ukraine confirms strikes on both the Ryazan refinery & an oil depot in occupied Luhansk. #MakeRussiaPay pic.twitter.com/PaSlQskXGq
— Iuliia Mendel (@IuliiaMendel) September 5, 2025
Жителите на Рјазан, град на 180 километри југоисточно од Москва, им ги пријавија на руските медиуми експлозиите околу 2 часот наутро, проследени со голем пожар што го осветли ноќното небо. Фотографиите и видеата што бргу се проширија на интернет покажаа густ црн чад што се издига од рафинеријата на јужните периферии на градот.
Објектот, со капацитет од 13,8 милиони тони годишно, веќе беше цел на украински беспилотни летала на 2 август кога две од неговите три главни единици беа принудени да се затворат.
— 🪖MilitaryNewsUA🇺🇦 (@front_ukrainian) September 5, 2025
Регионалниот гувернер Павел Малков изјави дека осум дрона биле соборени, а остатоците паднале врз индустриската зона тврдејќи дека немало жртви или штети на станбени згради. Тој не коментира директно за извештаите за пожарот во рафинеријата.
Во меѓувреме, во окупираниот регион Луганск локалните жители пријавија дека виделе црн чад доцна во четвртокот вечерта. Мадјар потврди дека украинските беспилотни летала погодиле складиште за нафта во регионот, иако обемот на штетата сè уште не е познат.
Руското Министерство за одбрана соопшти дека во текот на ноќта соборило вкупно 92 украински беспилотни летала.
фото: принтскрин
Европа
Руски дрон уби двајца мажи и една млада жена во Украина
Во напад со руски беспилотни летала загинаа три лица во регионот Харков во источна Украина, изјави синоќа гувернерот Олег Синегубов.
„Околу 21:30 часот по локално време, Русите го нападнаа селото Хотимља со беспилотни летала“, напиша тој на Телеграм. Во нападот загинаа двајца 40-годишни мажи и една 25-годишна жена, рече тој. Двајца други мажи се исто така повредени и хоспитализирани.
Украина: Жртвите работеле на поправки на патишта
Синегубов, исто така, рече дека некои од жртвите работеле на поправки на патишта.
Претходно во четврток, двајца украински деминери беа убиени за време на руски напад во северна Украина, во област што руските сили ја окупираа на почетокот на инвазијата, објавија украинските власти и една невладина организација.
Руското Министерство за одбрана, од своја страна, извести за „уништување на точка за подготовка и лансирање на беспилотни летала со долг дострел што им припаѓаат на украинските вооружени сили во регионот Чернигов“, негирајќи дека жртвите биле хуманитарни работници.
Неколку предупредувања за воздушни напади беа издадени во Украина синоќа по самитот на Коалицијата на волните во Париз.
фото: принтскрин
Европа
26 земји се согласија да испратат војници во Украина; Русија: Не може
Странските воени контингенти не може да обезбедуваат сигурносни гаранции за Украина и треба да се заврши многу работа пред да се одржи состанок на високо или највисоко ниво меѓу Москва и Киев за решавање на конфликтот во Украина, изјави портпаролот на Кремљ, Дмитриј Песков, за новинската агенција РИА во четвртокот.
Во четвртокот 26 земји ветија дека ќе обезбедат повоени безбедносни гаранции за Украина, што вклучува меѓународни сили на копно, на море и во воздух.
„Може ли безбедносните гаранции на Украина да бидат обезбедени и дадени од странските, особено европски и американски воени контингенти? Дефинитивно, не, не може“, изјави портпаролот на Кремљ, Дмитриј Песков, за руската државна новинска агенција РИА на маргините на Источниот економски форум во Владивосток. „Ова не може да послужи како безбедносна гаранција за Украина, што би била прифатлива за нашата земја“, рече тој.
И покрај обидите на американскиот претседател Доналд Трамп да најде решение за конфликтот, се чини дека нема крај на повидок на војната што Русија ја почна со целосна инвазија на Украина во февруари 2022 година.
Кремљ: Сè е содржано во договорот од Истанбул 2022 година
Песков исто така изјави за РИА дека сите потребни безбедносни гаранции за Украина се содржани во одредбите од договорот постигнат на мировните преговори во Истанбул 2022 година.
Според Рамковниот договор од Истанбул, Украина ќе се откаже од амбициите за НАТО и ќе усвои неутрален статус без нуклеарно оружје. За возврат ќе добие безбедносни гаранции од САД, Русија, Кина, Велика Британија и од Франција. Песков исто така изјави за РИА дека Москва е задоволна од сегашното ниво на претставници на разговорите меѓу Русија и Украина.
„Пред состанокот на високо или највисоко ниво треба да се заврши огромна количина, да речеме, работа за решавање мали проблеми, мали технички проблеми, кои заедно го сочинуваат целиот процес на решавање“, рече тој.
фото: принтскрин
24-годишник осомничен за полови дејствија врз 5-годишно девојче
Основното јавно обвинителство Скопје донесе Наредба за спроведување истражна постапка против едно лице за кое постои основано сомнение дека вршело...
Интерната комисија проверува дали се правеле непотребни операции на срце, методологијата за работа е утврдена
Интерната комисија за кардиолошки и кардиохируршки интервенции ја утврди методологијата за работа, која што ќе биде основата за анализата не...
(Видео) Утната процедура е можна причина за одложување на седницата за прислушувањата, Петровска бара декласификација
Пратеничката на СДСМ, Славјанка Петровска, денеска на прес-конференција оцени дека власта намерно прави деловнички грешки со закажувањето на седницата на...
Поплаки за искинати учебници стигнале и до Јаневска: Потрошивме 11 милиони евра, што побарале училиштата, тоа добиле
Учебниците законски се менуваат на пет години, учениците треба да се грижат за нив, наставниците да ги научат на тоа,...
Кривични за стружаните кои запалија душеци на депонија за да ги извадат федерите и да ги продадат
Струшката полиција поднесе кривична пријава против двете лица на возраст од 38 и 61 години кои палеа душеци на депонија....
Поранешниот директор на Онкологија не се чувствува виновен – продолжи судењето против Васев и тројцата онколози
Поранешниот директор на Клиниката за онкологија, Никола Васев, кој заедно со тројца други онколози е обвинет за несовесно лекување пациенти,...
Седницата за сомнежите за незаконско прислушување е одложена
Седницата на Комисијата за надзор над работата на Агенцијата за национална безбедност (АНБ) и Агенцијата за разузнавање (АР), која беше...
Кошта: На Северна Македонија да ѝ се гарантира дека нема да има нови барања, но договореното мора да се исполни
Претседателот на Европскиот совет, Антонио Кошта, изјави дека Република Северна Македонија треба да ги исполни преземените обврски за да може...
Поднесено обвинение против уште едно лице за пожарот во „Пулс“
Обвинителскиот тим, кој постапува во предметот во врска со пожарот во кочанската дискотека „Пулс“, денеска, до Основниот кривичен суд Скопје...
Македонски филмски триумф во Венеција: „Силјан“ ја освои наградата на најинспиративен филм
Во срцето на Венеција, на најстариот и најпрестижен филмски фестивал во светот, Македонија испиша ново златно поглавје. „Силјан“, новиот документарен...
„Ем шуто ем боде“, реагира ВМРО-ДПМНЕ на најавата на СДСМ
„ВМРО-ДПМНЕ има одговор до СДС за овие нивни обиди за спас на нарачателите и организаторите на следењето на опозицијата, и...
Нема активни пожари во државата, под контрола еден
Во последното деноноќие, до 07:00 часот утрово на територијата на Македонија имало вкупно осум пожари на отворен простор, од кои...
Усмртен пешак во Гостиварско, уапсен возачот
Вчера во ОВР Гостивар било пријавено дека околу 20:25 часот на регионалниот пат Гостивар – село Градец, во село Добридол,...
„Влен“: Во ДУИ се нервозни затоа што Изет Меџити ги искорнa од Изборната единица 1
„ДУИ и вистината се разделија одамна, но повеќе од сè, ги изгоре моментот кога Изет Меџити ги искорени Блерим Беџети,...
Венецуелски ловци прелетаа над американскиот разорувач: „Исклучително провокативно“
Два венецуелски борбени авиона „Ф-16“ прелетаа над американскиот разорувач со водни ракети „УСС Џејсон Данам“ во јужниот дел на Карипското...
26 земји се согласија да испратат војници во Украина; Русија: Не може
Странските воени контингенти не може да обезбедуваат сигурносни гаранции за Украина и треба да се заврши многу работа пред да...
Судот ја отфрли жалбата на Трамп: пасошите за небинарни лица ќе продолжат да се издаваат
Апелацискиот суд на САД денес ја потврди пресудата на понискиот суд со која ѝ беше наредено на администрацијата на Трамп...
Земјотрес со јачина од 5,4 степени го погоди Авганистан
Земјотрес со јачина од 5,4 степени по Рихтер денес го погоди југоисточен Авганистан, соопшти Германскиот истражувачки центар за геонауки. Земјотресот...
Трамп ќе го преименува Министерството за одбрана во Министерство за војна
Американскиот претседател Доналд Трамп планира денес да потпише извршна наредба за преименување на Министерството за одбрана во „Министерство за војна“,...
Кој има посилна војска, САД или Кина: споредено низ бројки
Големата воена парада по повод 80-годишнината од крајот на Втората светска војна му овозможи на кинескиот претседател Кси Џинпинг да...
