Свет
ЕУ почна со укинување на ограничувањето на патувањето за трети земји
Европската Унија и официјално почна со укинување на патните ограничувања на надворешните граници за жителите на трети земји, се вели во соопштението за печатот објавено од Советот на Европската Унија по напната двонеделна дискусија, пренесува ТАСС.
Списокот засега вклучува само 14 држави за кои е постигнат компромис помеѓу членките. Русија и САД не се на списокот на безбедни држави – тие сè уште не ги исполнуваат епидемиолошките критериуми.
Граѓаните на Алжир, Австралија, Канада, Грузија, Јапонија, Црна Гора, Мароко, Нов Зеланд, Руанда, Србија, Јужна Кореја, Тајланд, Тунис и Уругвај ќе бидат првите што ќе можат да планираат кратки патувања во Европа. Ова се однесува на продолжување на издавањето на стандардни краткорочни туристички Шенген визи или обезбедување на деловни визи.
Кина е исто така на списокот, но сепак е предмет на потврда за реципроцитет. Тоа значи дека кинеските граѓани ќе можат да патуваат во Европа дури откако кинеската влада ќе се согласи да ги отвори границите на Кина за Европејците.
Според документот, критериумите за утврдување трети земји за кои треба да се укине сегашното ограничување на патувањето ги опфаќаат пред се епидемиолошката состојба и мерките за контролирање на епидемијата како и економски и социјални аспекти.
Во однос на епидемиолошката состојба, наведените трети земји треба да ги исполнуваат следниве критериуми: број на нови случаи на Ковид-19 во последните 14 дена на 100.000 жители близу или под просекот на ЕУ (забележан на 15 јуни 2020 година); стабилен или опаѓачки тренд на нови случаи во овој период во однос на претходните 14 дена; целосен одговор на Ковид-19 земајќи ги предвид достапните информации, вклучително и за аспекти како што се тестирање, надзор, следење на контакт, ограничување, третман и известување. Реципроцитетот исто така треба да се зема предвид редовно и за секој случај засебно.
На 11 март 2020 година, СЗО ја прогласи појавата на коронавирус за пандемија. Според најновите статистички податоци, повеќе 10.429.000 луѓе се заразени во светот и пријавени се повеќе од 508.400 смртни случаи. Покрај тоа, досега повеќе од 5.689.000 лица закрепнале од болеста.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.