Свет
ЕУ ќе препорача забрана за пушење на отворено, и е-цигарите ќе бидат вклучени во забраната
Европската комисија ќе предложи продолжување на постојната забрана за пушење на отворени простори, според нацрт-предлогот пренесува „Еуроњуз“.
Според медиумот, плановите што треба да бидат усвоени од извршната власт на ЕУ денеска, ќе ги прошират актуелните упатства од 2009 година насочени кон намалување на изложеноста на пасивно пушење на јавни места, работни места и во јавниот превоз.
Европската комисија ќе препорача забрана за пушење на терасите на кафулињата, автобуските постојки и во зоолошките градини. Најновата верзија на нацртот, која сè уште е предмет на промени, се обидува да ги исчисти јавните простори од сите аеросоли, а не само од чадот од цигарите, така што е-цигарите исто така ќе бидат вклучени во забраната.
Упатствата не се правно обврзувачки, но обезбедуваат рамка за земјите членки да ја следат како дел од пошироките напори за борба против ракот на белите дробови предизвикан од пушењето. Комисијата тврди дека во првите неколку години од спроведувањето во 2009-2012 година веќе има пад на изложеноста.
Новите препораки на Комисијата имаат цел да се справат со поширок опсег на новите тутунски производи, вклучително и „загреани тутунски производи и електронски цигари, без разлика дали содржат никотин или не“.
Овие производи, кои често се прогласуваат за побезбедна алтернатива на традиционалното пушење, сè уште ги изложуваат случајните минувачи на штетни хемикалии. „Доказите за употребата на нови производи како помош за откажување од пушење се неубедливи“, се вели во документот.
„Појавените докази сугерираат дека гасовите од електронските цигари исто така ги изложуваат пасивните пушачи на сериозни нивоа на токсични честички и загадувачи“, се вели во нацртот, стои во написите.
Клучна карактеристика на предлогот е проширувањето на забраната за пушење на разни отворени простори, што досега беше регулирано од случај до случај во одделни земји членки.
Според новите упатства, отворените или полуотворените простори, дефинирани како делумно покриени или затворени простори како што се покриви, балкони, тремови и тераси, поврзани со услужни објекти како ресторани, барови и кафулиња, треба да станат зони без чад.
Јавните транспортни центри, вклучително и автобуските постојки и аеродромите, исто така ќе бидат покриени со ова, а пушењето исто така ќе биде забрането во отворени области поврзани со работните места, болниците и во домовите за стари лица. Вклучени се и рекреативните области, каде што се присутни деца, вклучувајќи јавни игралишта, забавни паркови, базени и зоолошки градини, како и образовни објекти од градинки до универзитети.
Ревидираните упатства се дел од поширокиот план на Комисијата за борба против ракот, чија цел е да се постигне генерација без тутун до 2040 година, да се намали употребата на тутун за 30 % до 2025 година и да се намали процентот на пушачи во ЕУ на само 5 %.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Француската министерка за култура: Грабежот во Лувр е пораз за сите
Француската министерка за култура Рашида Дати денес изјави дека немало внатрешен дефект кога станува збор за функционирањето на безбедносните уреди на денот кога се случил грабежот во Лувр, но истакна дека „тој спектакуларен грабеж е пораз за сите“.
Таа вети дека ќе ги „преземе сите потребни мерки“ по грабежот на Лувр кога станува збор за недостатоци и одговорност, и најави дека ќе се формира фонд посветен на безбедноста на музејот.
„Сè уште учиме за нашите неуспеси и кризни ситуации. Очигледно е дека проектот „Оживување на Лувр“ ќе биде забрзан бидејќи има потреба од безбедност и сигурност“, рече Дати, пренесува BFM TV.
Овој проект има за цел да воспостави дополнителен влез во музејот, а трошоците би изнесувале околу 500 милиони евра.
Комитетот за култура во францускиот Сенат денес ја сослуша министерката Дати во врска со предлогот за буџетот за 2026 година, но дел од прашањето се однесуваше и на безбедноста на музејот по грабежот на музејот Лувр.
Утрово, пред Лувр, претседателот на Комисијата за култура при Сенатот, Лоран Лафон, оцени дека безбедноста на таа институција „не е во согласност со нивото на безбедност што може да се очекува кога станува збор за музеј“, пренесува BFM TV.
Лафон рече дека грабежот во парискиот музеј „ја извади на виделина застареноста на некои од нашите најсимболични споменици“.
Откако делегацијата на Комисијата го посети местото на грабежот утрово, сенаторите забележаа дека безна почетокот на 20 век, нагласи Лафон, заклучувајќи дека многу работи треба да се подобрат.
„Денес е потребно да се извршат потребните работи, без разлика дали станува збор за мрежата или видео опремата за безбедност“.
За време на грабежот во Лувр пред девет дена, четворица крадци украдоа вреден накит, чија вредност се проценува на 88 милиони евра.
Во текот на викендот, полицијата уапси двајца осомничени за грабеж.
Фото: принтскрин
Свет
Хамас го одложи предавањето на телата на заложниците поради кршење на прекинот на огнот
Откако израелскиот премиер Бенјамин Нетанјаху нареди нови воздушни напади врз Појасот Газа поради, како што рече, кршење на прекинот на огнот од страна на Хамас, се појавија нови компликации во спроведувањето на договореното примирје, пишува Ал Џезира.
Бригадите Касам, военото крило на Хамас, објавија дека ќе го одложат предавањето на телото на израелски затвореник, кое беше пронајдено порано денес, „поради прекршувања“ од страна на Израел. Во соопштението се нагласува дека секоја израелска ескалација „ќе се меша во операциите за пребарување, копање и пронаоѓање, што ќе доведе до одложувања во пронаоѓањето на телата“ на мртвите затвореници, пишува Ал Џезира.
Израел претходно објави напади од Хамас врз неговите сили во јужна Газа, додека Хамас врати сет останки за кои Израел тврдеше дека му припаѓале на претходно спасен заложник.
Доцнењето во предавањето на телата, според написите, дополнително ги комплицира планираните следни фази од примирјето, вклучувајќи го разоружувањето на Хамас, распоредувањето на меѓународните безбедносни сили во Газа и договорот за управување со територијата. Хамас тврди дека има проблеми со пронаоѓањето на телата поради масовното уништување во Газа, додека Израел ја обвинува групата за намерно одложување.
Свет
Нетанјаху нареди напади врз Газа
Израелскиот премиер Бенјамин Нетанјаху им нареди на Израелските одбранбени сили да „извршат итни и моќни напади во Појасот Газа“, соопшти неговиот кабинет по свикувањето состанок за одговорот на Израел на повторените прекршувања на прекинот на огнот во Газа.
Одлуката дојде кратко откако војниците на израелските одбранбени сили беа нападнати во јужниот дел на Појасот Газа, а во услови на израелски гнев поради понатамошните прекршувања од страна на Хамас, вклучително и враќањето на телата на заложниците, објави „Тајмс оф Израел“.
Останките што Хамас ги предаде на израелските власти синоќа му припаѓаат на Офир Карфати, чие тело беше пронајдено од израелската армија во Појасот Газа во декември 2023 година, помалку од два месеци по неговото киднапирање за време на нападот на Хамас.
Кабинетот на израелскиот премиер Бенјамин Нетанјаху оцени дека со овој чин Хамас „јасно го прекршил договорот“ што го обврзува да ги врати телата на 13 убиени затвореници кои сè уште се во Газа.
Фото: принтскрин

