Свет
Жена во Турција одбила понуда за брак, нејзиното момче ја турнало од карпа од 30 метри височина
Полицијата го уапсила момчето на жената која паднала 30 метри од карпа во Турција, откако властите во текот на истрагата откриле знаци на насилна расправија. Низаметин Гурсу беше уапсен пет месеци откако неговата 39-годишна девојка Јесим Демир падна од карпа во Чанаккале, град во северозападна Турција, на 6 јули, објави Newsflash.
Гурсу им рекол на властите дека токму тогаш ја запросил Демир и таа му рекла „Да“, но додека тој отишол по храна и пијалоци до својот автомобил, кога слушнал крик и видел дека неговата девојка паѓа преку карпа. Меѓутоа, во текот на истрагата, полицијата открила дека прстенот за кој Гурсу тврдел дека и’ го дал на Демир откако таа го прифатила неговиот предлог сè уште се наоѓал во кутија во неговиот џеб.
Нивните сомнежи се зголемиле откако на местото на свршувачката пронашле скршени чаши и скршен звучник, што укажува на физичка пресметка. Семејството на убиената и’ кажало на полицијата дека таа планирала да раскине со Гурсу и дека не сакала да го прифати неговиот предлог за брак.
Нејзиното семејство, исто така, тврдело дека Демир страдала од напади на паника и никогаш не би сакала да биде толку блиску до работ на карпа. Гурс е уапсен откако семејството на Демир поднело пријава против него. Во моментот на нејзината смрт, Гурсу глумел вереник со скршено срце, кажувајќи и’ на полицијата дека решиле да се свршат на тоа место бидејќи мислеле дека ќе биде романтично.
„Го избравме за да имаме романтично сеќавање по запросувањето. Испивме малку алкохол. Сè се случи одеднаш. Таа изгуби рамнотежа и падна“, изјави тогаш Гурсу. Демир првично го преживеа тешкиот пад од височина од 30 метри, но подоцна им подлегна на повредите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Фон дер Лајен: Ако Путин го прекине бомбардирањето, мировните преговори може да почнат следниот ден
Претседателката на Европската комисија Урсула фон дер Лајен изјави дека доколку рускиот претседател Владимир Путин престане да ја бомбардира Украина, мировните преговори може да почнат следниот ден, пренесе Анадолија.
Фон дер Лејен, која дојде во Рим за време на изборната кампања за Европскиот парламент (ЕП), се сретна со млади гласачи заедно со Антонио Тајани, лидерот на Форца Италија (ФИ).
Таа на средбата зборуваше за војната меѓу Русија и Украина.
– Доколку Путин го прекине бомбардирањето, следниот ден може да се одржат мировни преговори. Но, мировниот процес мора да го водат Украинците. Нивно право е да го направат тоа, рече таа.
Регион
(Видео) „Мислевме дека е мачка“: се огласи момчето кое најде бебе во канта за ѓубре во Загреб
Синоќа во Запрешич во Загреб во канта за ѓубре било пронајдено новороденче.
„Се враќавме од тренинг и слушнавме плачење. Застанавме и мислевме дека е куче или мачка и некој ги фрлил. После тоа, пријателот собра храброст и погледна во кантата. Виде бебе со крвава глава завиткано во крпа“, изјави М.Ј, момче кое во понеделникот вечерта во Загреб заедно со другарот пронашле новороденче во канта за ѓубре.
View this post on Instagram
„Кога другар ми рече дека бебето е внатре, бев во шок, не можев ни да погледнам, веднаш се јавив на 112. Госпоѓата која одговори не праша дали можеме да го извадиме бебето од канта. Бебето сепак беше внатре додека не дојде брзата помош“, вели момчето.
Новородено бебе, кое синоќа беше пронајдено, завиткано во ќебе и фрлено во контејнер, е надвор од животна опасност.
Свет
Зeленски: Нашите војници го уништуваат окупаторот кој се обидува да напредува
Претседателот на Украина, Володимир Зеленски изјави каква е ситуацијата на фронтот.
„Олександар Сирски извести за состојбите во областите на борбените операции. Регионот Доњецк, регионот Харков – каде што е најтешко сега. Тој е на клучните места – работи со бригади, на борбени позиции. Се уште е рано да се носат заклучоци, но ситуацијата е под контрола“, рече Зеленски и додаде:
„Нашите војници го уништуваат окупаторот кој се обидува да напредува. Сè е доволно стресно. Но, ги зајакнавме насоките, особено Харков. Сега многу војници, особено жителите на Харков дојдоа во одбрана на регионот Харков, благодарност до сите за нивната ефикасност“, додаде претседателот на Украина.