Свет
Жена избодена додека го носела детето на училиште во Велс

29-годишна жена е пренесена во болница во Јужен Велс откако била избодена со нож додека го носела своето дете на училиште.
Бројни училишта низ Велс веднаш беа затворени по овој инцидент, но веднаш не беше објавено за што точно се работи.
Потрагата по осомничениот се уште трае, а според очевидци, тој ја избодел жената неколку пати.
Граѓаните на новинарите им кажале дека мислеле дека се работи за трудница, пренесува Гардијан. Таа била пронајдена во локва крв на тротоар во Аберфан.
Од полицијата соопштија дека повредите на жената не се опасни по живот и дека и била соодветно третирана.
„Осомничениот го напуштил местото на настанот веднаш по инцидентот и истрагата е во тек. Вооружени полицајци вршат претрес на непосредната околина. Локалните училишта ги активираа своите протоколи за да ги заштитат учениците. Ги молиме луѓето да ја избегнуваат областа за да можеме ефективно да го истражуваме овој инцидент. Жената е пренесена во болница со повреди за кои се верува дека не се опасни по живот“, се вели во соопштението на полицијата.
Училиштето Гринфилд на социјалната мрежа Икс (Твитер) соопшти дека ги заклучило вратите и дека учениците се внатре.
Затворено е и блиското основно училиште „Инисовен“.
Нападот се случил на околу 800 метри од местото на трагедијата во Аберфан во 1966 година, во која загинаа 116 деца и 28 возрасни лица кога планински врв се урна врз селско училиште.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Иранската ТВ ги цензурираше колената на финската и шведската министерка

Иранската државна телевизија изврши цензура на снимки од министерката за надворешни работи на Финска, Елина Валтонен, и нејзината шведска колешка, Марија Малмер Стенергард, замаглувајќи ги нивните голи колена за време на извештај од дипломатски средби на Генералното собрание на Обединетите нации (ОН) во Њујорк.
Иранската активистка и новинарка Масих Алинеџад на платформата „X“ ја сподели снимката, опишувајќи ја цензурата како симптом на пошироките ограничувања на женските слободи во Иран.
On Iranian TV the knees of Finland’s and Sweden’s foreign ministers were blurred — so as not to “disturb” local viewers🙈
🇫🇮🇸🇪This week, Iran’s IRIB channel aired a report on Foreign Minister Abbas Araghchi’s meeting with Elina Valtonen and Maria Malmer Stenergard in New York… pic.twitter.com/MCHDEYqNqU
— NEXTA (@nexta_tv) September 29, 2025
Валтонен, во интервју за финскиот „Хелсингин Саномат“, истакна дека не ја прилагодува својата облека според тоа со кого се среќава:
„Имам политика да не присуствувам на настани каде е задолжително покривање на косата или лицето. Овој извештај е тажен и ја отсликува положбата на жените во Иран“, изјави таа.
Иранските државни медиуми редовно менуваат меѓународни снимки со жени кои не ги следат локалните исламски правила за облекување, а замаглувањето на делови од телото е дел од вообичаена практика.
Состанокот меѓу Валтонен, Стенергард и иранскиот министер за надворешни работи Абас Арагчи се одржал на маргините на Генералното собрание на ОН, при што темите вклучувале регионална стабилност, човекови права и улогата на жените во дипломатијата.
Свет
Трамп воведува 100 проценти царина на сите филмови направени надвор од САД

САД ќе воведат 100 проценти царина на сите филмови направени надвор од земјата, објави денес американскиот претседател Доналд Трамп во објава на социјалната мрежа Truth Social.
„Нашата филмска индустрија е киднапирана од други земји, исто како што крадат бомбони од деца. Калифорнија, со својот слаб и некомпетентен гувернер, е особено силно погодена! Затоа, за да го решам овој долгогодишен и бесконечен проблем, ќе воведам 100 проценти царина на сите филмови направени надвор од Соединетите Американски Држави. Ви благодарам за вашето внимание“, објави тој.
Според „Ројтерс“, Трамп се заканил дека ќе воведе такви тарифи во мај, но понудил малку детали, што довело до забуна кај лидерите во индустријата за забава.
Акциите на Netflix и Warner Bros Discovery паднаа за 1,4 проценти и 0,6 проценти, соодветно, во претпазарното тргување.
Фото: ЕПА
Свет
Украинците тврдат дека опколиле неколку руски единици во регионот Донецк

Украинските сили опколиле неколку руски воени единици во близина на градот Добропиља во регионот Донецк, објави Врховниот командант на вооружените сили на Украина, Олександр Сирски, како што објави Киев Индепендент.
Во текот на изминатиот месец, украинските сили ги потиснуваат руските сили кои напредувале 15-20 километри кон стратешки важниот пат Добропиља-Краматорск, во близина на градот Покровское, околу кој сè уште се водат жестоки борби. Од крајот на август, украинските војници успеале да ослободат неколку села во регионот.
Според Сирски, украинските сили ослободиле 175 квадратни километри територија за време на оваа контраофанзивна операција, додека дополнителни 195 квадратни километри се исчистени од саботажни групи.
Руските сили претрпеа значителни загуби во близина на Добрипили, со вкупно 3.185 регистрирани жртви, вклучувајќи 1.769 смртни случаи. Украинската војска, исто така, соопшти дека уништила или запленила 969 парчиња руско оружје и воена опрема.
Изјавата доаѓа во време кога украинските сили се наоѓаат во стратешка одбранбена позиција на истокот од земјата речиси две години, но сега сè повеќе започнуваат контранапади. На почетокот на септември, тие ги ослободија населбите Зарично, Новоекономично и Удачине.
Сепак, Русија одржуваше висок интензитет на офанзивни операции низ фронтовската линија во текот на летото. Според украинската истражувачка и мониторинг група „Дип Стејт“, руските сили годинава зазедоа 1.548 квадратни километри територија, двојно повеќе од 659 квадратни километри заземени во истиот период во 2023 година.