Свет
Животот во Вухан се врати во нормала, градот е безбеден

Ситуацијата во кинескиот град Вухан се врати во нормала, соопштија властите. Економијата, училиштата и туристичките атракции се отворени и работат на вообичаен начин, а властите тврдат дека градот е безбеден во целост.
Градот ги повика сстранските новинари на официјална обиколка на градот за да известат за напорите кои се преземени во тој град со цел закрепнување на економијата, по пандемијата на коронавирус, пренесува Ројтерс.
Властите тврдат дека Вухан во целост е безбеден кога станува збор за состојбата со коронавирусот. Во овој град се потврдени над 80 проценти смртни случаи од Ковид-19, од вкупниот број на сите заразени во Кина. Но, локални случаи на трансмисија во Вухан не се забележани уште од мај, додека рестриктивните мерки, воведени за време на двомесечниот карантин, се ублажени.
Властите беа обвинети за бавно реагирање во првата фаза на пандемијата поради стравот од влошување на економската ситуација во земјата и незадоволството од политичкото раководство во Пекинг.
Критичарите велат дека цензурата на медиумите и замолчувањето на оние кои алармираа, му дало на вирусот време брзо да се прошири.
Вухан останува неодлучен за расветлување на потеклото на вирусот, кој досега зарази повеќе од 27 милиони луѓе ширум светот и уби речиси 900 000. Пристапот до пазарот од кој се верува дека потекнуваат првите случаи на коронавирус е сè уште ограничен.
Пекинг ги негираше теориите дека коронавирусот е создаден во лабораторија во Вухан. Иако официјалните лица го затворија пазарот, наводно, поврзан со првите случаи на инфекција, сè поголем број научници веруваат дека вирусот не потекнува од местото. Некои студии покажуваат дека вирусот веќе циркулирал пред да се појави на пазарот, преку повисока патека за пренос, и на многу прашања за неговото потекло сè уште треба да се одговори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Пукањето во Белград на само 300 метри од куќата на Мирослав Илиќ, пејачот се огласи: „Боже господе, што се случува“

Во пукањето во Вишњичка бања се повредени пет лица, меѓу нив и една жена за чијшто живот се борат лекарите.
Според неофицијални информации, на пукањето му претходела тепачка, а сè се случило на нешто повеќе од 300 метри од куќата на познатиот пејач на народна музика, Мирослав Илиќ, пишува „Блиц“.
Илиќ по повод настанот се огласи за домашните медиуми.
„Живеам во мирна улица, во мирен крај. Чувај Боже што се случува. Не сум гледал вести и не сакам да знам“, изјави Мирослав за Телеграф.
Иако првичните информации укажуваа дека една жена починала, докторите во Ургентниот центар успеале да ја оживеат.
Неофицијално, повеќе вооружени лица излегле од бело комбе и почнале да пукаат. Овие информации засега не се официјално потврдени, а во тек е полициска потера по напаѓачите.
Очевидци опишале дека од белото комбе излегле неколку лица и почнале да пукаат насекаде.
Регион
(Видео) Полицијата се’ уште трага по напаѓачите по пукањето во кафулето во Белград

Пет лица беа ранети во пукање во кафуле во белградската населба Вишњичка бања, а едно лице е во животна опасност. Напаѓачите, кои пристигнале со бело комбе, влегле во локалот и отвориле оган по гостите.
Повредените – две жени и три мажи – се пренесени во Ургентниот центар. Полицијата покрена акција и сè уште трага по сторителите, јавува „Н1“.
Очевидци раскажаа дека на автобуската станица во близина имало голем број деца кои се разбегале уплашени, а пристигнувањето на итната помош се чекало долго. Жителите потсетуваат дека веќе подолг период имаат проблеми со навивачки групи во оваа населба.
Свет
(Видео) Ураган ја потопи Ибица

Ураганот „Габриел“, кој со денови пустоши над Атлантикот, денеска ја погоди Ибица и Форментера, предизвикувајќи поплави и голема материјална штета.
Видео-снимки од социјалните мрежи покажуваат автомобили, мотори и контејнери како ги носи надојдената вода, а улиците се претворени во реки од кал и дожд.
Flooding due to heavy rain on the island of Ibiza, Spain 🇪🇸 (30.09.2025) pic.twitter.com/4gM7xFwDVW
— Disaster News (@Top_Disaster) September 30, 2025
Туристи биле принудени да се симнат од брод во вода до колена.
Jeeze! Passengers step off the sea ferry in Ibiza directly into floodwaters 😳
Bizarre!pic.twitter.com/eH7tE9TLnk
— Volcaholic 🌋 (@volcaholic1) September 30, 2025
Пожарникарите на Ибица интервенирале на повеќе од 20 повици само утринава. Затворени се неколку патишта, меѓу нив и пристапот до аеродромот. Во близина на аеродромот за неколку часа наврнале 74 милиметри дожд, а има и прекини во снабдувањето со струја.
👀 This is on the Spanish Island of Ibiza before the mobile phone warning was sent out. There is a RED warning in place = Danger to life.
📹 @BailoAndrespic.twitter.com/BdXDlvFZF0
— Volcaholic 🌋 (@volcaholic1) September 30, 2025
Силното невреме предизвика проблеми и на Мајорка, каде што северниот дел на планинскиот венец Трамунтана бил најтешко погоден, како и во регионот Валенсија и Мурсија.