Свет
Загина 11-годишно момче кога врз него падна дрво: по страшното невреме, затворени градини и паркови во Санкт Петербург
![](https://makfax.com.mk/wp-content/uploads/2024/07/Screenshot-2024-07-02-111553.jpg)
Во Санкт Петербург 11-годишно момче загинало кога дрво паднало врз него за време на големо невреме, изјавија за „РИА новости“ од прес-службата на окружната управа.
„Навистина, единаесетгодишно момче загина кога врз него паднало дрво“, изјавил соговорник за агенцијата.
Според него, детето било хоспитализирано во тешка состојба, но не било можно да се спаси.
Претходно, беше соопштено дека во Санкт Петербург во понеделникот вечерта врнело, грмело, а дувал и силен ветер. Поради лошите временски услови, градините и парковите се затворени за јавноста од понеделникот вечер.
Силниот ветер урна дрвја и слабо обезбедени објекти, оштетени се десетина автомобили, а на градилиштето во авенијата Бољшевиков паднал кран.
Според Министерството за вонредни ситуации, една жена загинала, а друга жена и едно дете се повредени како последица од паѓање дрво на авенијата Јуриј Гагарин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
16-годишен ученик починал на екскурзија во Италија: се пожалил дека му е лошо
![](https://makfax.com.mk/wp-content/uploads/2024/07/ит.jpg)
16-годишен ученик од Бремен почина на екскурзија во Италија. Неговите родители се тажни и гневни поради загубата што ги снашла и сега решиле да упатат сериозни обвинувања против професорката што ги однела учениците на пат.
Тврдат дека наставничката ја прекршила должноста бидејќи не се јавила на лекар иако момчето било во лоша здравствена состојба.
Телото на момчето што почина на екскурзија во Тоскана е испратено на обдукција по што ќе се знае точната причина за смртта.
Момчето, кое било инвалид, имало помош од помошник што цело време бил со него за време на екскурзијата. Иако имал силни болки во грлото, тинејџерот многу сакал да замине на матурска екскурзија во Италија со своите пријатели.
За време на екскурзијата, неговото здравје нагло се влошило.
Татко му вели дека цело време за време на екскурзијата бил во контакт со синот.
„Кога разговараше со сестра си преку видеоповик, таа забележа дека лицето му е светлоцрвено. Тој се пожали на болки во грлото и силна главоболка“, рече тој.
За време на посетата на Пиза, неговата состојба толку се влошила што учителката решила да го откаже ова патување, а потоа ги известила родителите на момчето.
Родителите велат дека побарале од наставничката да го однесе момчето на лекар или во аптека, но таа не го направила тоа. Наместо тоа, момчето било испратено во бунгаловот да се одмори сам.
„Кога вечерта повторно се слушна со сестра си, едвај успеа да ги отвори очите. Тие беа целосно отечени“, вели татко му.
Потоа додаде дека околу 20 часот синот му пратил фотографии и тоа било последното нешто што го добил од него. Утрото им се јавила наставничката и ги известила дека тој починал.
Семејството на момчето ги обвинува училиштето и наставниците дека ја занемариле својата должност за надзор и сега бараат строга казна.
Свет
Нетанјаху свика состанок на безбедносниот кабинет за да се разгледа предлогот на Хамас за прекин на огнот
![](https://makfax.com.mk/wp-content/uploads/2023/11/677z381_netanjahu-6554edf85e769.jpg)
Израелскиот премиер Бенјамин Нетанјаху ќе свика состанок на безбедносниот кабинет, на кој ќе се разговара за предлогот на Хамас за можен прекин на огнот и договорот поврзан со заложниците, изјави денеска неименуван извор од кабинетот на премиерот на Израел.
Според истиот извор, пред состанокот на кабинетот Нетанјаху ќе има консултации со неговиот преговарачки тим, пишува „Тајмс оф Израел“.
Израел го проучува одговорот на Хамас на предлогот, кој би вклучувал размена на заложници и прекин на огнот во Појасот Газа, објави вчера израелската разузнавачка и безбедносна агенција „Мосад“.
Свет
Путин: Кина и Русија постапуваат во согласност со сопствените интереси, тоа не е против други земји
![](https://makfax.com.mk/wp-content/uploads/2024/06/putin4-1.jpg)
Претседателот Владимир Путин во разговор со кинескиот лидер во Астана рече дека земјите што ги водат постапуваат во согласност со сопствените интереси – и дека тоа не е насочено против ниту една друга земја, пренесува „Гласот на Америка“.
Двајцата државници разговарале и за Украина и се согласиле дека мировните преговори без присуство на Русија се залудни, изјави Дмитриј Песков, медиумски претставник на рускиот претседател.
„Во контекст на Украина беше забележана бескорисноста на какви било формати без руско учество“, рече Песков.
Шји и Путин се сретнаа на самитот на евроазискиот безбедносен и одбранбен блок, на кој Москва и Пекинг гледаат како средство за спротивставување на влијанието на САД и нивните сојузници.
Станува збор за организација создадена како Шангајска организација за соработка, основана во 2001 година, која ја сочинуваат Русија, Кина и земјите од централна Азија.
Белорусија првпат присуствува на самитот како полноправна членка на организацијата, соопшти Кремљ.
„Лидерите на земјите членки ќе разговараат за актуелната ситуација и изгледите за продлабочување на соработката и подобрување на нејзините активности“, соопшти Кремљ.
Индискиот премиер Нарендра Моди не присуствува на самитот – земјата ја претставува шефот на дипломатијата.
Организацијата се залага за формулирање заеднички пристапи кон надворешните безбедносни закани, фокусирана е на спротивставување на внатрешната нестабилност и проширување на влијанието на нејзиното влијание во Азија.
Во разговорите учествуваат и Бахреин, Камбоџа, Египет, Кувајт, Мјанмар, Непал, Катар, Саудиска Арабија и Обединетите Арапски Емирати.
Кина и Русија прогласија таканаречено партнерство без граници, во февруари 2022 година, кога Путин го посети Пекинг. Тоа се случи неколку дена по почетокот на агресијата врз Украина.
Оттогаш Шји и Путин го продлабочија своето партнерство. Двајцата лидери сметаат дека ерата по Студената војна, во која веруваат дека доминира САД, пропаѓа, пишува „Гласот на Америка“.