Свет
Задолжителна евакуација во Џорџија и Јужна Каролина поради ураганот Дориан

Гувернерите на Џорџија и Јужна Каролина наредија евакуација на населението поради ураганот Дориан, кој се приближува кон овие сојузни американски држави.
Гувернерот на Џорџија, Брајан Кемп нареди задолжителна евакуација во неколку окрузи. Евакуацијата би требало да почне на пладне по локално време, а се однесува на окрузите Брајан, Камден, Чатам, Глин, Либерти и Мекинтош.
Околу 54.000 луѓе живеат на брегот на оваа држава оддалечена 160 километри.
Задолжителна евакуација нареди и гувернерот на Јужна КАролина, Хенри МекМастер и тоа за цело крајбрежје, што значи евакуација на 830.000 жители и оваа евакуација треба да почне на пладне по локално време.
И властите на Флорида наредија задолжителна евакуација во некои загрозени крајбрежни делови.
Ураганот Дориан кој синоќа беше прогласен за ураган од петта најсилна категорија, вчера дојде до копно на островот Абако, каде властите пријавија катастрофални услови, како и удари на бурата од 290 километри на час. Жителите на овој остров пријавија дека им се уништени домовите, а поплавени се патишта и откорнати се дрвја насекаде.
Невремето се движи кон запад со брзина од 5 километри на час
Во меѓувреме, нова тропска бура се формира југозападно од Мексико и се очекува денеска да стане ураган.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Нови кинески авиони снимени во лет: ги споредуваат со најсмртоносниот американски „Ф-35“

Најновите снимки ги прикажуваат кинеските борбени авиони од петтата генерација „J-35A“ во служба на војската на Народна Република Кина бидејќи САД сè повеќе го фокусираат своето одбранбено внимание на Индо-пацифичкиот Регион и можните кинески воени планови кон Тајван.
Авионот е во развој во рамките на кинеската воена индустрија веќе некое време, а првпат беше јавно прикажан во ноември минатата година на голем аеро-саем откога претходно беше претставен неговиот поморски модел „J-35“ за носачи на авиони.
China’s 5th generation J-35A stealth jet officially entered service with the PLAAF’s 1st Air Brigade, joining J-20s. pic.twitter.com/Ct2EuTdyve
— Clash Report (@clashreport) July 7, 2025
Авионот „J-35A“ припаѓа на петтата генерација борбени авиони, опремен е со напредни сензори, авионика и е дизајниран да биде невидлив за непријателските радари и да ја пробива непријателската воздушна одбрана.
Кинеските државни медиуми го опишуваат како полесен и поразновиден од веќе постојните кинески стелт-авиони „J-20“, со можност за справување со копнени и морски цели.
A formation of Chinese J-16D Electronic Warfare (EW) aircraft, J-20 Stealth Air Superiority Fighters, and J-35A Stealth Multirole Fighters flying over Beijing. pic.twitter.com/pYuBXCxv14
— OSINTWarfare (@OSINTWarfare) July 7, 2025
Авионот често се споредува со американскиот „Ф-35“, кој производителот Lockheed Martin го опишува како „најсмртоносниот и најспособен борбен авион во светот“. „Ф-35“ се продава на сојузниците на САД во целиот свет, а САД го користат и „Ф-22 рапорт“, кој не се извезува.
Како и САД, и Кина сега управува со два стелт-борбени авиона – „J-20“ и „J-35“, а двете сили веќе работат на нова генерација уште понапредни авиони со подобрена автоматика, помала видливост и посилно оружје.
Европа
Лавров ги објави руските услови за мир

Рускиот министер за надворешни работи Сергеј Лавров ги изложи барањата на Москва за мировен договор за прекин на руската инвазија на Украина. Тој бара Украина да стане неутрална и демилитаризирана, териториите што ги окупирала да бидат меѓународно признати и сите западни санкции да бидат укинати. „Овие одредби мора да бидат дел од правно обврзувачки договор за мирно решение“, рече Лавров во интервју за унгарскиот весник „Маѓар Немзет“.
Лавров вели дека Русија сака да ја елиминира „безбедносната закана што ѝ ја претставува проширувањето на НАТО“, а особено можноста Украина да се приклучи кон него. Затоа бара „демилитаризација на Украина за да остане неутрална“.
Тој исто така вели дека Русија сака „заштита на етничките Руси и руската култура во Украина“. Лавров бара руската контрола врз Крим, Севастопол, Донецк, Луганск, Запорожје и Херсон да биде меѓународно признаена.
Тој исто така бара укинување на сите санкции врз Русија, повлекување на сите тужби против неа и враќање на рускиот имот запленет на Запад.
Свет
Шефот на НАТО: Ако Кина го нападне Тајван, кинескиот претседател ќе побара од Путин да го нападне НАТО

Доколку Кина започне инвазија на Тајван, би можела да побара од Русија истовремено да отвори втор фронт против земјите-членки на НАТО, изјави генералниот секретар на НАТО, Марк Руте, во интервју за „Њујорк тајмс“.
Тензиите околу Тајван се зголемија уште повеќе откако Русија ја нападна Украина во февруари 2022 година, а таа војна сè повеќе се гледа како можен модел за тоа како меѓународната заедница би можела да реагира ако Пекинг одлучи да го нападне Тајван.
„Станува сè појасно, и да не се лажеме – ако Кси Џинпинг одлучи да го нападне Тајван, прво би го повикал својот помлад партнер во сето ова, Владимир Путин, и би му рекол: ‘Преминувам на оваа акција, ми требаш да нападнеш територија на НАТО’“, рече Руте.
„Тоа е најверојатното сценарио. И за да ги одвратиме, треба да направиме две работи. Прво, НАТО мора да биде толку силен што Русија никогаш нема да се обиде да го стори тоа. Второ, треба да соработуваме со Индо-пацифичкиот регион – што претседателот Трамп силно го поддржува“, додаде тој.
Западните претставници предупредија за нагло зголемување на руските воени трошоци за време на војната во Украина. Според Меѓународниот институт за стратешки студии, буџетот за одбрана на Русија се зголемил за 42 проценти во реални услови во 2024 година, на дури 462 милијарди долари – што ги надминува вкупните воени трошоци на сите европски земји заедно.
Сојузниците на НАТО го наведуваат овој раст, саботажата и континуираната агресија врз Украина како причини за дополнителни инвестиции во одбраната. Руте претходно предупреди дека Русија би можела да ја обнови својата воена моќ во следните пет години до ниво на кое повторно би можела сериозно да ја загрози безбедноста на територијата на НАТО и ги повика членовите да дејствуваат без одлагање.