Свет
Засилени безбедносни мерки за инаугурацијата на Бајден
Градоначалничката на Вашингтон, Мјуриел Баузер, побара да бидат воведени дополнителни мерки за безбедност за време на инаугурацијата на новоизбраниот американски претседател Џо Бајден.
Нејзината одлука доаѓа по минатонеделните немири и упадот во американскиот Конгрес на поддржувачите на претседателот во заминување Доналд Трамп.
Опишувајќи го минатонеделниот упад во зградата на Конгресот како невиден терористички напад, градоначалничката на Вашингтон во изјавата рече дека инаугурацијата на Бајден на 20 јануари ќе бара поинаков пристап во споредба со претходните инаугурации.
„Иако ќе им се обратам на голем број локални, регионални и федерални служби за зајакнување на меѓусебната соработка на овој настан, јас првенствено го повикувам Министерството за внатрешни работи да подготви соодветен пристап кон инаугурацијата во сегашните околности“, напиша Баузер во писмото до Чад Волф, кој е на чело на министерството, пренесува „Ројтерс“.
Во своето писмо, градоначалничката наведува дека Колумбија, во која се наоѓа Вашингтон, бара прогласување на состојба пред катастрофа со цел да се овозможи федерална помош.
Таа го повика Министерството за внатрешна безбедност да ја координира својата работа со Министерството за правда, Министерството за одбрана, Врховниот суд и Конгресот и да изготви федерален план за распоредување на безбедносните сили со цел да се заштити целиот федерален имот.
Вашингтон останува во состојба на готовност пред инаугурацијата на Бајден и иако настанот традиционално привлекува стотици илјади посетители на градот, тоа сега не се очекува поради тешката состојба со пандемијата на Ковид-19, а самиот Доналд Трамп минатата недела потврди дека нема да присуствува на инаугурацијата на новиот претседател, наведува агенцијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Почина бебето кое беше извадено од утробата на мртвата мајка во Газа
Почина бебето кое во неделата со царски рез во Газа беше спасено од утробата на мртвата мајка, пишува Би-Би-Си.
Бебето е родено по итен царски рез извршен врз трудница која била убиена во израелски напад врз градот Рафа во Газа.
Освен мајката на Сабрин Ал Сакани, меѓу загинатите се и таткото на новороденото девојче и нејзината тригодишна сестра Малак.
Бебето при раѓањето тежело 1,4 килограми, а се родило во триесеттата недела од бременоста на мајката. Веднаш по царскиот рез беше сместено во инкубатор во болницата во Рафа заедно со уште едно бебе.
Но, девојчето после неколку дена почнало да има сериозни здравствени проблеми. Лекарите го реанимирале, но сепак починало вчера.
16 деца биле убиени за време на два воздушни напади на Рафа минатиот викенд, при бомбардирање на комплекс од станбени згради.
Израелските одбранбени сили (ИДФ) соопштија дека цел биле борците и инфраструктурата на Хамас и воените комплекси.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.