Свет
Затворен дизни-парк на Флорида поради мечки: животното направило метеж, посетителите итно евакуирани

Големиот парк на „Дизни“ на Флорида е привремено затворен откога персоналот забележал голема дива мечка како се качува по дрвја.
Посетителите не можеа да посетат голем број атракции во забавниот парк во Орландо откога мечка беше забележана на дрво. Се верува дека животното е во потрага по храна пред зимската сезона на хибернација.
Персоналот на Комисијата за зачувување на рибите и дивиот свет на Флорида (FWC) пристигна на местото за да ја фати мечката, потврди „Волт Дизни оврлд“, пренесува „Мирор“.
„Најдобро е во повеќето случаи мечките да добијат простор и сами да се движат, но со оглед на ситуацијата персоналот работи на фаќање и преместување на мечките“, наведуваат од Комисијата.
Додаваат дека во текот на есента мечките се поактивни бидејќи бараат храна поради резервите на маснотии за зимата.
„Оваа мечка, веројатно, се движела низ областа во потрага по храна“, додале тие.
Тие проценуваат дека Флорида е дом на речиси 4.000 црни мечки, кои се единствениот вид мечки во споменатата сојузна држава.
FWC на својата веб-страница забележува дека како што расте човечката популација на Флорида, расте и популацијата на мечки во државата.
„Урбаното ширење навлегува во традиционално оддалечените области доведувајќи ги луѓето во главното живеалиште на мечките. Како резултат на тоа, мечките и луѓето се среќаваат повеќе од кога било“, заклучуваат тие.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Израел денеска ги врати телата на 15 Палестинци во Газа

Израел денеска ги врати телата на 15 Палестинци во Газа, со што вкупниот број на вратени лица се искачи на 135, соопшти денеска Министерството за здравство на Појасот управуван од Хамас.
Според договорот за прекин на огнот постигнат со посредство на американскиот претседател Доналд Трамп, Израел требаше да ги врати телата на 15 Палестинци за секој вратен починат израелски заложник, објави „Тајмс оф Израел“.
Претходно денеска, канцеларијата на израелскиот премиер Бенјамин Нетанјаху соопшти дека Хамас мора да го почитува договорот и да ги врати останките од преостанатите 18 убиени заложници кои сè уште се наоѓаат во Појасот Газа.
Израелската војска (ИДФ) претходно го информираше семејството на убиениот Елијаху Маргалит дека Хамас го вратил неговото тело во Израел синоќа.
ИДФ соопшти дека, според разузнавачките информации, Елијаху (75) бил убиен на 7 октомври 2023 година, а неговото тело подоцна било однесено во Појасот Газа од кибуцот Нир Оз.
Смртта на Елијаху Маргалит беше потврдена од израелската војска во декември 2023 година.
Свет
Милиони Американци би можеле да останат без купони за храна

Околу 42 милиони Американци би можеле да останат без купони за храна во ноември поради тековниот прекин на работата на федералната влада, предупреди министерката за земјоделство Брук Ролинс.
Програмата за дополнителна помош во исхраната (SNAP), позната и како купони за храна, е дел од клучната национална мрежа за безбедност на храната и обезбедува просечен месечен надомест од 188 долари по лице, пишува Си-Ен-Ен.
Ролинс рече дека средствата за програмата ќе бидат исцрпени во рок од две недели и ги обвини демократите за блокадата на финансирањето.
Свет
Десетици илјади евакуирани на Филипините, се приближува ураган

Десетици илјади луѓе на Филипините се евакуирани денеска од своите домови на брегот на Пацификот поради опасност од поплави во момент кога тропската бура „Феншен“ го зафати регионот, јавија светските агенции.
Бурата попладнево со брзина на ветрот до 80 км на час ја погоди општина Губат, на југоисточниот врв на главниот остров Лузон, соопшти државната метеоролошка служба.
Откако жителите беа евакуирани од крајбрежните и другите ризични области, локалните власти соопштија дека нема извештаи за сериозни штети или жртви.
„Имаше обилни дождови и силни налети на ветер, иако не толку силни“, изјави Рајан Естреладо, спасувач во Губат.
Ураганот вечер треба да помине во близина на островот Катандуанес, кој има население од 270.000 жители, со брзина на ветер до 90 км/ч. Се очекува „Феншен“ да се засили пред да стигне до копното по втор пат во централен Лузон, соопшти националната метеоролошка служба.