Свет
Захарова бара список на поранешни нацисти од Јужна Америка

Портпаролката на руското Министерство за надворешни работи, Марија Захарова, изјави дека „неопходно е да се побара од Јужна Америка список на пријатели на Гуњко“.
Мислејќи на Јарослав Хунка, чие неодамнешно појавување во канадскиот парламент предизвика скандал.
Таа ја коментира неговата изјава дека сè што сака до крајот на животот е да го напушти овој свет во тишина со семејството, но дека „сега ќе биде принуден да патува кај своите пријатели во Јужна Америка“.
Захарова потсети дека само на крајот на четириесеттите години на минатиот век, односно по Втората светска војна, во Јужна Америка се населиле од 10.000 до 15.000 нацисти.
„И тоа беа само идеолози и оние што ги спроведуваа идеите на националсоцијализмот. А колаборационистите не се ни пребројани“, напиша таа на „Телеграм“.
Како што наведе, меѓу нив едни од најпознатите биле:
Доктор смрт Јозеф Менгеле, кој се криел во Бразил.
„Архитект на холокаустот“ – Адолф Ајхман. Во мај 1960 година израелските власти го префрлија од Буенос Аирес, Аргентина, на судот во Ерусалим.
Клаус Барби, наречен Лионскиот месар, кој беше на чело на Гестапо во Лион. Француското правосудство го пронајде џелатот во Боливија.
Сите тие, потсетува портпаролката, побегнале во Јужна Америка од Шпанија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Шахта во Њујорк експлодира неколку секунди откако по неа помина жена со деца

Безбедносна камера во американскиот град Паукипси, Њујорк, снимила драматичен момент кога капак на шахта експлодирал неколку секунди откако покрај неа поминала жена со количка и две деца, објави Би-Би-Си.
На видеото се гледа како жена турка количка и држи дете за рака додека оди по улица. Во моментот кога се оддалечени само неколку чекори има силна експлозија и од земјата избива оган и чад.
Според соопштението на противпожарната служба во инцидентот нема повредени, но во неколку згради во блокот била откриена висока концентрација на јаглерод моноксид.
„Жителите од околните згради се евакуирани додека нивото на гас не се сведе на безбедно ниво“, соопштија пожарникарите.
Причината за експлозијата се уште не е официјално потврдена, но се сомнева дека има технички дефект во електричната или гасната инфраструктура под коловозот.
Свет
Објавен мистериозниот портрет на Трамп кој Путин му го подари на американскиот претседател

Американската телевизиска мрежа Си-Ен-Ен го објави портретот што рускиот претседател Владимир Путин му го испрати на подарок на американскиот претседател Доналд Трамп во март.
На него е претставен американскиот претседател по обидот за атентат, а автор на портретот е рускиот уметник Никас Сафронов.
Сликата го покажува Трамп со крената тупаница и траги од крв на лицето – потсетување на моментот на атентатот за време на настап во кампањата во Пенсилванија на 13 јули 2024 година.
Зад него се вее американско знаме, а во позадина се видливи Статуата на слободата и Менхетен во Њујорк.
Свет
Зеленски: Спремни сме на директни разговори со Русија

Украинскиот претседател, Володимир Зеленски, изјави дека Украина е подготвена за директни разговори со Русија по прекинот на огнот
„Подготвени сме да седнеме во кој било формат“, изјави украинскиот претседател за новинарите на брифинг.
Да потсетиме дека вчера и рускиот претседател Владимир Путин изјави дека е подготвен за директни преговори со Киев.
Во изјавата за новинарите, Путин рече дека би било можно директно да се разговара со Киев за прекин на нападите врз цивилната инфраструктура.
„Имаме позитивен став кон прекинот на огнот“, рече Путин, мислејќи на одлуката на Русија да спроведе изненадувачки 30-часовен Велигденски прекин на огнот.