Свет
Захарова: Западните земји се скрија зад врата и веруваат дека некаде на друго место е опасно

Портпаролката на руското Министерство за надворешни работи, Марија Захарова, денес побара од НАТО и од Европската Унија да објаснат дали телефонскиот разговор меѓу рускиот претседател Владимир Путин и францускиот претседател Емануел Макрон се одржал со нивна согласност и со каква мотивација имајќи ги предвид постојаните обвинувања против Русија.
„Би сакала сега да ги чујам како го оценуваат чекорот на нивниот колега – дали се согласиле за ова на самитот на НАТО или ЕУ, дали нивниот сојузник ги предупредил, дали овој став бил договорен и на кое ниво“, рече Захарова во радиоемисијата „Спутник“.
Таа исто така ја покани француската амбасада во Москва да го коментира разговорот меѓу Путин и Макрон.
Таа изјави дека ако западните земји активно ја обвинуваат Русија, сега мора да ја објаснат мотивацијата за постапките на нивниот сојузник.
Захарова додаде дека Париз требало да ги предупреди своите сојузници за контакт со рускиот лидер и да ги координира таквите чекори на ниво на алијансата.
Таа истакна дека француската страна претходно дала неколку изјави дека Русија треба да биде изолирана и дека никој никогаш нема да разговара со Москва.
„Еве, ве молам, постои факт што се случил, ве молам коментирајте го од француска страна. Кажете ни за мотивацијата. Кажете ни зошто претходно зборуваа за некои други работи“, рече Захарова.
Таа потсети дека земјите од НАТО и ЕУ неодамна одржаа цела низа настани, каде што повторно се согласија да ја ограничат или спречат Русија.
„Имаше цртан филм за три мали прасиња, знаете, кога сè одлета и сите се скрија зад вратата, веќе беше смешно. Западните земји ставија врата пред нив, се скрија зад неа и сега веруваат дека некаде на друго место е опасно, но тие се безбедни“, заклучи Захарова.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Џими Кимел се враќа на екранот

Американскиот водител Џими Кимел утре се враќа на екранот со својот популарен ноќен шоу-програм, откако продукцијата беше привремено стопирана поради неговите контроверзни коментари за убиството на Чарли Кирк, соопшти Дизни.
„Емисјата ја суспендиравме за да избегнеме дополнителни тензии во чувствителен момент за земјата“, порачаа од компанијата, додавајќи дека по разговори со Кимел, одлучиле да продолжат со снимањето.
Кимел, познат по својата критика кон Доналд Трамп, на 14 септември коментираше дека осомничениот напаѓач, Тајлер Робинсон, бил поддржувач на поранешниот претседател. Тој ја исмеа и реакцијата на Трамп по убиството на Кирк, прикажувајќи изјава во која претседателот зборува за реновирање на Белата куќа.
„Ова не е начин на кој возрасен човек тагува по убиство на пријател. Вака четиригодишно дете тагува за златна рипка“, саркастично додаде Кимел.
Емисјата на Кимел се емитува на „Еј-би-си“, телевизија во сопственост на Дизни.
Свет
Франција ја призна Палестина

Францускиот претседател Емануел Макрон вечерва на Генералното собрание на ОН потврди дека Франција ја признава Палестина како независна држава.
Со ова, Франција се приклучува на земји како Обединетото Кралство, Канада и Австралија, кои го направија истиот чекор во последните недели.
„Светот е на чекор до губење на шансата за мир. Време е да се стави крај на војната во Газа“, порача Макрон, додавајќи дека решението со две држави е единствен пат.
Израел остро реагираше, оценувајќи дека признавањето е награда за тероризмот и повтори дека палестинска држава нема да се случи.
Палестинските власти го поздравија чекорот и го оценија како неповратен пат кон дводржавно решение.
Со Франција, вкупно 153 земји-членки на ОН – речиси 80 отсто ја имаат признато Палестина.
Во меѓувреме, Израелската офанзива продолжува. Според здравствени власти во Газа, во последните 24 часа загинале 61 лице, со што вкупната бројка од 7 октомври 2023 достигнува 65.344 загинати.
Свет
Голем напад со беспилотни летала врз Москва, небото е затворено

Москва вечерва беше нападната со беспилотни летала.
Градоначалникот на Москва, Сергеј Собјанин, објави дека противвоздушните сили собориле вкупно девет дронови , а подоцна уште два. Жителите на Московскиот регион слушнале експлозии на пристапот кон градот, а според првите информации што ги објавија руските медиуми, нема повредени или голема материјална штета.
Многу откажани и одложени летови
Повеќе од 35 летови беа откажани и одложени на московските аеродроми Шереметјево, Домодедово и Внуково во вечерните часови поради украински напади со беспилотни летала. Работата на аеродромот Шереметјево беше привремено суспендирана.
„До 20:19 часот по московско време, 21 лет беше одложен, а уште еден откажан во Шереметјево. Девет одложувања и две откажувања беа регистрирани во Домодедово, а четири летови беа одложени во Внуково“, објавуваат руските медиуми.
Руските медиуми наведуваат дека по нападот, тајната служба на ФСБ и Истражниот комитет ќе спроведат истрага и дека се очекува кривична постапка за тероризам. Оперативните служби на терен ги проверуваат остатоците од беспилотните летала и проверуваат дали предизвикале дополнителна штета.