Свет
Захарова за безбедносната конференција во Минхен: Тоа е змија што си ја голта сопствената опашка

Портпаролката на руското Министерство за надворешни работи, Марија Захарова, денеска ја критикува Минхенската безбедносна конференција. Таа рече дека конференцијата се обложува на режимот во Киев, а не на безбедносната политика, пренесува ТАСС.
„Конференцијата во Минхен е фантастична приказна за змија што не само што си ја одгриза опашката туку и почна да се проголтува себеси“, рече таа.
„Минхенската конференција порано беше место за сериозна дискусија за прашања од меѓународната политика и можност за искрен дијалог. Тоа не беше место за малтретирање, туку можност да се разговара за горливите прашања, проблемите на европскиот континент и неговата безбедност и да се презентираат фактите искрено и отворено наместо да се читаат прирачници што делегациите на западните земји ги добија од центарот во Брисел“, посочи Захарова.
Таа е убедена дека денес другите платформи играат водечка улога во меѓународните дискусии, а како пример ги наведе форумот „Валдаи“ во Руската Федерација и конференциите одржани во Белорусија, Индија, Катар, Обединетите Арапски Емирати и во Турција.
„Нема свирежи во салата кога се кажуваат важни работи што не се совпаѓаат со идејата на група држави. Нема платени другари што седат на тие платформи кои почнуваат да трескаат врати, да викаат или да настапуваат ако на говорницата излезат оние што се поблиску до вистинските настани. Таму се чува и негува културата на дијалог и почит“, рече Захарова.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Затворската казна за Саркози ја подели земјата околу тоа како судиите се справуваат со случаите на политички криминал

Затворската казна изречена на поранешниот француски претседател Никола Саркози ја подели земјата околу тоа како судиите се справуваат со случаите на политички криминал, додека лидерката на крајната десница Марин Ле Пен се подготвува да се обиде да ја поништи пресудата за проневера и да се кандидира за претседател во 2027 година, објави Ројтерс.
Парискиот суд ја шокираше политичката сцена во четвртокот кога на Саркози му изрече казна затвор од пет години затвор за криминален заговор во врска со обидот за собирање средства за кампања во Либија, објави агенцијата.
Саркози ќе биде и првиот претседател на Франција по Втората светска војна, кој ќе биде затворен.
Свет
Зеленски ќе возврати ако Москва предизвика прекин на електричната енергија во Украина

Претставници на украинската Влада ќе ги посетат Соединетите Американски Држави кон крајот на септември или октомври за разговори за прашања, како што се економијата и оружјето, изјави денеска украинскиот претседател Володимир Зеленски.
Украинскиот претседател беше во САД оваа недела, каде учествуваше на Генералното собрание на Обединетите нации и се сретна со американскиот претседател Доналд Трамп.
Тој рече дека споделил со Трамп „одредена визија за тоа што може да се направи“ како одговор на руските дејствија. Зеленски вети дека ќе возврати доколку Москва предизвика прекин на електричната енергија во Украина.
Свет
Најголемата воена база во Данска ја надлетуваат неидентификувани беспилотни летала

Неидентификувани беспилотни летала синоќа се регистрирани над најголемата воена база во Данска, соопшти данската полиција.
– Можам да потврдам дека во петокот околу 20 часот и 15 минути имавме мал инцидент што траеше неколку часа. Еден или два дрона се забележани пред и над воздухопловната база во Каруп. Не ги соборивме, изјави претставник на данската полиција.
Изминатите денови дронови надлетуваа над цивилни и воени објекти, поради што привремено беше затворен воздушниот простор на Данска.
Премиерката на Данска, Мете Фредериксен претходните инциденти со нарушувањето на воздушниот простор ги поврза со наводни руски активности со дронови низ Европа, но не понуди докази. Москва ги негираше обвинувањата.