Свет
Захарова му одговори на Руте: Почнете да учите руски – веднаш
Изјавата на генералниот секретар на НАТО, Марк Руте, дека ако aлијансата не ги зголеми трошоците за одбрана, жителите на Европа набргу ќе мора да учат руски или да одат на Нов Зеланд, е националистичка, изјави портпаролката на МНР на Русија, Марија Захарова.
Покрај тоа, таа ги советуваше граѓаните на земјите од ЕУ и НАТО веднаш да почнат да учат руски јазик.
„Мислам дека ова е болно. Се прашувам дали Нов Зеланд е навреден поради тоа што го третираат со презир? Не сум ни сигурна што е поодвратно во оваа изјава на Руте – дали се работи за лага за руската експанзија или за национализам. Притоа, не само во однос на нас, туку и на Нов Зеланд“, нагласи Захарова.
Таа рече дека Руте треба да зборува за тоа дека Европејците се веќе под надворешна контрола и потсети дека во Европа има американски бази и американско нуклеарно оружје до кои самите Европејци немаат пристап и немаат контрола.
„Има и американски нарачки, чиј гас треба да се купи и кои цивилни инфраструктурни проекти треба да се уништат. Европската Унија долго време работи како што диктираат Соединетите Американски Држави“, ја оцени портпаролката актуелната ситуација во ЕУ.
Таа иронично ги советуваше граѓаните на земјите од ЕУ и НАТО веднаш да почнат да учат руски јазик.
„Можете да го направите тоа бесплатно или како процент од БДП на вашите земји, како што сакате. Тоа е прекрасен јазик“, изјави Захарова.
Дипломатот потсети дека рускиот јазик е еден од официјалните јазици на Обединетите нации и дека на него се напишани дела кои се составен дел на светските уметнички класици.
„Не гледам зошто рускиот јазик да не се учи“, заклучила Захарова, пренесува „Спутник“.
Претходно, генералниот секретар на НАТО, Марк Руте, ги предупреди земјите од Европската Унија дека за неколку години ќе мора да го научат рускиот јазик или да одат на Нов Зеланд доколку не одвојат значително повеќе пари од сегашните два отсто од БДП за воени цели, пренесоа светските медиуми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Момче во Германија повлекло девојка под воз што доаѓал од спротивен правец, двајцата се мртви
Во Хамбург во четврток, две лица загинаа на метро станицата Вандсбек Маркт откако маж влечеше жена на шините пред воз што доаѓаше од спротивната насока. Полицијата се сомнева во убиство и започна истрага, а според првичните информации, сторителот и жртвата не се познавале, пишува Шпигел.
Според досегашните сознанија на полицијата, жртвата е 18-годишна девојка која чекала на перонот воз во правец на центарот на градот.
Сторителот, 25-годишен маж по потекло од Јужен Судан, стоел одвоено од неа. Во еден момент, тој одеднаш ѝ се приближил, ја зграпчил и, од сè уште непознати причини, ја влечел на шините, точно пред возот што влегувал во станицата. Двајцата починале на местото на несреќата.
Свет
46 жртви во железничката несреќа во Шпанија
Смртта на 43-годишна жена која била на одделот за интензивна нега во болницата Реина Софија во Кордоба го зголеми бројот на жртви во железничката несреќа кај Адамуз, која се случи на 18 јануари, на 46, соопштија владини извори.
Дваесет и осум од вкупниот број жртви биле од провинцијата Уелва, пренесе „Паис“.
Жртвата, жителка на Ла Палма дел Кондадо, била меѓу патниците на возот Алвија од Мадрид. Во моментот на несреќата се враќала по полагање испит за затворски чувар. По несреќата била на интензивна нега поради сериозни проблеми со белите дробови.
Од вчера, 16 од 126-те повредени патници и понатаму се во болниците во Андалузија, од кои двајца се на интензивна нега. Андалузиската здравствена служба извести за уште едно отпуштање од болница и за еден пациент кој го напуштил одделот за интензивна нега.
Поради смртта на најновата жртва, шпанската влада одлучи да ја одложи државната комеморација закажана за денеска. Шпанскиот премиер Педро Санчез вети дека државата ќе продолжи со истрагата и ќе им дава поддршка на семејствата погодени од трагедијата.
Свет
Пак загинати во израелски напади во Газа
Најмалку 12 Палестинци утрово загинаа во израелски напади на јужниот и северниот дел на Појасот Газа, соопштија болниците во Газа.
Ова е еден од израелските напади со најголем број жртви откако стапи во сила примирјето во Појасот Газа на 10 октомври.
Во нападите се погодени локации на северот и југот на Појасот Газа, вклучувајќи станбена зграда во градот Газа и шатор во Кан Јунис, рекле официјални претставници на болниците. Тие навеле дека меѓу жртвите има две жени и шест деца.
Министерството за здравство на Газа, кое е под контрола на Хамас, соопшти дека повеќе од 500 Палестинци се убиени во израелски напади од почетокот на примирјето на 10 октомври.

