Американскиот претседател Доналд Трамп потврди дека Елон Маск и претставниците на новоформираното Министерство за владина ефикасност (DOGE) имаат пристап до платниот систем на Министерството за финансии, кој испраќа пари во име на целата сојузна влада.

„Тој има способност да отпушти луѓе за кои мисли дека не се добри ако се согласуваме со него. И само ако се согласуваме со него. Тој е многу талентиран човек од гледна точка на раководството и трошоците. И го ставивме да видиме што може да направи со одредени групи и одредени бројки“, објасни Трамп.

Тој додаде дека тимот на Маск наоѓа „огромен отпад“. „Ние се обидуваме да ја намалиме владата и тој веројатно може да ја намали како и секој друг, ако не и подобро. Онаму каде што мислиме дека има конфликт или проблем, нема да му дозволиме да се приближи до тоа. Но, тој има некои многу добри идеи“.

Кога новинарите подоцна директно го прашале дали поддржува се што Маск направил неодамна, Трамп одговорил: „Најчесто, да. Ако нешто не е во ред, ќе ве известам за тоа многу брзо“.

„Илон не може и нема да направи ништо без наше одобрение. И ќе му дадеме одобрение каде што е соодветно. Каде што не е соодветно, нема“, заклучи Трамп.

Сеизмичката бура на Санторини не престанува. Познатиот грчки остров во последните 72 часа го погодија дури 39 земјотреси посилни од четири степени според Рихтеровата скала.

Како што пренесува грчкиот портал „Прототема“, овој остров во Егејското Море го напуштиле околу 9.000 туристи и жители кои стравуваат дека овие земјотреси се увертира за катаклизмичен удар.

🫨🫣#Mundo | Decenas de seísmos siguen sacudiendo las islas griegas de Santorini y Amorgos, que se encuentran en estado de alerta.🔗⬇https://t.co/PlVGZRCbxB

— Vanguardia (@vanguardiacom) February 3, 2025

Претходно во понеделникот грчкиот премиер Киријакос Мицотакис ги повика жителите на Санторини да останат смирени и „да ги слушаат упатствата на Цивилната заштита“.

„Мораме да управуваме со многу интензивен геолошки феномен. Побарав од ресорното министерство да изготви научен преглед на феноменот во следните неколку дена за сите да знаат со што се соочуваме“, рече тој.

Во меѓувреме, на социјалните мрежи се појавија снимки од пренатрупани патишта кои водат до главното пристаниште каде што се закотвуваат фериботите.

Спасувачките тимови утринава се вратија на реката Потомак во Вашингтон, трагајќи по телата на жртвите од судирот на воен хеликоптер и авион, кој беше најсмртоносната воздушна катастрофа во САД од 2001 година.

Властите досега пронајдоа и идентификуваа 55 од 67-те луѓе кои загинаа, а шефот на противпожарната и итната служба во Вашингтон, Џон Донели, вели дека се уверени дека сите ќе бидат пронајдени, пренесе Гласот на Америка.

Во секој момент, повеќе од 300 спасувачи учествуваат во потрагата по реката, соопштија властите. Екипите во текот на денот ќе започнат со работа на отстранување на остатоците од водата, со помош на веќе поставен кран. За подигање на тешките урнатини беа распоредени и два брода на морнарицата.

D.C. PLANE CRASH: Salvage crews have removed a large portion of a commercial jet from the Potomac River near Reagan National Airport after a midair collision last week that killed 67 people. https://t.co/4O0f6oXPOK

— WTOP (@WTOP) February 3, 2025

Нуркачите и спасувачите ги следат строгите протоколи и ќе престанат да поместуваат делови од авионот и хеликоптерот доколку се најде тело, изјави во неделата полковникот Френсис Б. Пера од Армискиот инженерски корпус.

„Достоинственото враќање на посмртните останки има предност пред се друго“, рече тој.

Деловите од авионот ќе бидат натоварени во камиони кои ќе ги однесат во хангари, каде што ќе продолжи истрагата. Во неделата, семејствата на жртвите го посетија местото на падот на авионот и хеликоптерот, на брегот на реката Потомак во близина на националниот аеродром Роналд Реган.

Федералните истражители се обидуваат да утврдат како се случила несреќата, а Националниот одбор за безбедност на транспортот соопшти дека прелиминарните податоци покажале различни височини за авионот и хеликоптерот.