Регион
Захарова: Русија адекватно ќе одговори на хрватското протерување на дипломатите

Русија адекватно ќе одговори на хрватското протерување на 18 руски дипломати и шестмина вработени во Амбасадата, изјави денеска за „РИА новости“ портпаролката на руското Министерство за надворешни работи, Марија Захаровa.
„Русија ќе одговори соодветно“, рече таа.
Претходно, хрватското Министерство за надворешни работи соопшти дека од Загреб протерува 18 дипломати и шестмина административно-технички вработени во руската амбасада.
Од руското дипломатско претставништво во Хрватска денеска за „РИА новости“ потврдија дека Министерството за надворешни работи на Хрватска побарало некои од вработените да ја напуштат таа земја.
Претходно, хрватскиот министер за надворешни работи, Гордан Грлиќ-Радман, изјави дека Загреб ќе протера неколку руски дипломати во врска со настаните во Украина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.
Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.
Регион
(Видео) Турист падна во базен откога му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот.
Снимка од инцидентот кој можел да заврши трагично беше објавена на популарната страница Подгорички времеплов, со опис:
„Туристот имал многу среќа што поминал без повреди. Имено, станува збор за странски државјанин кој во Бечичи останал неповреден кога поради силен ветер се откопчал падобранот што го влечел глисер. Туристот паднал во базен. Станува збор за адреналинскиот спорт парасејлинг.“
View this post on Instagram
Полицијата, според досегашните информации, не добила пријава за овој инцидент.