Свет
Захарова ја нарече администрацијата на Обама „група огорчени губитници“

Администрацијата на американскиот претседател на заминување Барак Обама е „група огорчени губитници“, порача ноќта кон петокот портпаролката на руското министерство за надворешни работи Марија Захарова, најавувајќи противмерки на Москва откако во четвртокот со указ на Обама воведе нови мерки против Русија.
На само три месеци од неговото заминување од должноста, претседателот Барак Обама протера 35 руски дипломати, затвори две згради што ги користеле руските службеници во Њујорк и Мериленд и воведе санкции за руски правни и физички лица, за наводните хакерски напади диригирани од Русија врз компјутерските системи на Демократската партија и мешање во американскиот изборен процес.
„Утре ќе следи официјално соопштение, противмерки и многу друго…“, напиша Захарова на својот профил на Facebook.
Во моментов американскиот народ е понижен од својот претседател, а не од меѓународни терористи или непријателски војски, оценува портпаролката на руската дипломатија.
„Овојпат шлаканица на Вашингтон му нанесе нејзиниот стопан, максимално зголемувајќи го количеството неодложни прашања за тимот што доаѓа. Требаше да има сеопфатни чекор на Блискиот исток, а не одмазда“,смета Захарова.
„Целиот свет… го гледа разорниот удар врз угледот на Америка и нејзиното лидерство што ѝ го нанесува Барак Обама и неговата неразборит надворешнополитички тим, откривајќи му ја на светот својата главна тајна – исклучителноста била маска за беспомошноста. И ниеден непријател на САД не можеше да им стори полошо“, додава Захарова./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Макрон по осудата на Ле Пен: Судството е независно, сите граѓани имаат право на жалба

Францускиот претседател Емануел Макрон денеска изјави дека судството е независно и дека сите граѓани имаат право на жалба, пренесува БФМ ТВ.
Макрон потсети на три факти поврзани со убедувањето на лидерката на крајнодесничарската партија Национален собир (РН) Марин Ле Пен, изјави владината портпаролка Софи Прима по завршувањето на Советот на министрите.
Макрон посочи дека судството е независно, потоа дека заканите упатени кон судиите што ја изрекле пресудата против Ле Пен се апсолутно неприфатливи и, конечно, дека секој има право на жалба и дека законот е ист за сите.
Судството веќе нагласи дека ново судење во Апелацискиот суд може да се одржи во роковите што оставаат можност за евентуална претседателска кандидатура на лидерот на екстремната десница во 2027 година, објави „Фигаро“.
Судијата Бенедикт де Пертуи претседаваше со тричлена комисија, која по судењето за проневера на средства од Европскиот парламент, во понеделникот донесе контроверзна пресуда против Ле Пен и ја осуди на четири години затвор, од кои две може да ги издржи во домашен притвор, пренесуваат медиумите.
Покрај тоа, Ле Пен е казнета со 100.000 евра и забрана за учество на избори во следните пет години.
По пресудата, сојузниците на Ле Пен во Европа и во Америка ја осудија одлуката на францускиот суд како недемократска, Марин Ле Пен рече дека Де Пертуа донела политичка одлука и дека го прекршила законот, пренесува „Танјуг“.
Свет
Итна порака на Зеленски до САД и до Европа: Не смееме да чекаме до 11 април

Украинскиот претседател Володимир Зеленски повика на глобален одговор по последниот напад со беспилотно летало извршен синоќа од страна на Русија велејќи дека против Русија мора да се реагира без одлагање.
Во директна порака до западните сојузници Зеленски истакна дека е потребен нов и опиплив притисок врз Москва за да се стави крај на војната.
„САД и европските земји не смее да чекаат до 11 април кога завршува цел месец откако Русија го отфрли предлогот на САД за прекин на огнот. Оваа систематска и постојана природа на руските напади јасно покажува дека Москва ги презира дипломатските напори на нашите партнери“, напиша Зеленски на социјалната мрежа X.
Според него, Путин не сака да обезбеди дури и делумен прекин на огнот.
„Не смееме да чекаме до 11 април кога ќе помине еден месец откако Русија му рече ‘не’ на американскиот предлог за прекин на огнот. Мора да се преземе акција што е можно побргу“, напиша Зеленски.
Тој додаде дека Киев е подготвен да соработува со партнерите од САД и Европа со цел да се постигне достоен и траен мир.
Свет
Унгарија има намера да воведе можност за одземање на државјанството

Унгарската влада сака да воведе можност за привремено одземање на унгарското државјанство на одредени двојни државјани.
Соодветниот предлог-закон синоќа до парламентот го поднесе владејачката партија на Виктор Орбан, јавува виенски „Ое24“.
Предлог-законот, кој се очекува да биде усвоен, има цел да им го одземе државјанството на лицата што се карактеризирани како закана за државата.
Според нацрт-законот, одземањето на унгарското државјанство може да важи само за двојни државјани, чие второ државјанство не е државјанство на земја од ЕУ, Швајцарија, Лихтенштајн, Норвешка или Исланд, пренесува „Танјуг“.
Одземањето на државјанството треба да биде можно, меѓу другото, доколку некое лице дејствува во интерес на странска сила или странска организација, ги постигнува целите на странска сила или странска организација и на тој начин претставува закана за јавниот ред и безбедност на земјата.
Предложениот закон може да влијае на унгарско-американските двојни државјани, кои се ангажирани во невладини организации, пишува австрискиот весник.
Одземањето на унгарското државјанство би овозможило протерување лице што е класифицирано како закана за земјата.