Свет
Зајакната безбедноста на „Шарите“ по подобрувањето на состојбата на Навални

Полицијата го зајакна обезбедувањето во берлинската болница „Шарите“ бидејќи рускиот блогер Алексеј Навални, кој се наоѓа на лекување таму, сега може да разговара и веројатно се сеќава на деталите за тоа што се случило пред да падне во бессознание во авионот, пренесува ТАСС.
Полицијата не ја потврдила оваа информација.
„Не знаеме за овој напис, затоа не можеме да даваме никакви коментари. Подоцна ќе обезбедиме информации“, рекле од полицијата.
Болницата не ја коментираше состојбата на Навални поради доверливост. „Шпигел“ пишува дека клиниката ја зајакнала безбедноста бидејќи Навални ќе може да прими повеќе посетители откако ќе се подобри неговата состојба.
Навални беше пренесен во локалната болница во сибирскиот град Омск на 20 август откако му се слоши за време на летот Томск-Москва. Тој падна во кома и бил ставен на вентилатор во одделот за интензивна нега. На 22 август бил пренесен со хеликоптер во Берлин и примен во болницата „Шарите“.
Минатата недела германската влада тврдеше дека испитувајќи ги примероците земени од Навални, токсиколозите од Бундесверот дошле до заклучок оти тој бил отруен со токсичен агенс од групата новичок.
Портпаролот на Кремљ, Дмитриј Песков, изјави дека Русија останува подготвена за каква било соработка со Германија и посочи дека не биле откриени отровни материи во системот на Навални пред неговото пренесување во Берлин.
На 7 септември лекарите на германската клиника објавија дека Навални е разбуден од медицински предизвиканата кома и се одвикнува од механичка вентилација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Иран и Израел наскоро ќе постигнат мировен договор, објави американскиот претседател Доналд Трамп

Иран и Израел наскоро ќе постигнат мировен договор, објави американскиот претседател Доналд Трамп на својата социјална мрежа Truth Social.
– Иран и Израел треба да постигнат договор – и ќе постигнат. Исто како што успеав Индија и Пакистан да постигнат договор, напиша Трамп.
Тој додава дека во моментов се одржуваат многу разговори и состаноци.
– Наскоро ќе имаме МИР меѓу Израел и Иран! Работам напорно и никогаш не ги добивам заслугите, но тоа е во ред, луѓето разбираат. Да го направиме блискиот Исток повторно голем“, нагласува Трамп.
Свет
Ердоган повика на итно запирање на конфликтот меѓу Израел и Иран

Турскиот претседател Реџеп Таип Ердоган денеска телефонски разговарал со американскиот претседател Доналд Трамп, и повикал на „итна акција“ за да се спречи конфликтот меѓу Израел и Иран да го запали целиот регион.
– Претседателот Ердоган ја поздрави денешната изјава на претседателот Трамп за решавање на конфликтот меѓу Израел и Иран и ја нагласи потребата од итно дејствување за да се спречи катастрофа што би можела да го запали целиот регион, се вели во соопштението од кабинетот на турскиот претседател.
За време на телефонскиот разговор меѓу двајцата лидери, втор во последните 24 часа, „претседателот Ердоган потврди дека спиралата на насилство предизвикана од израелските напади врз Иран предизвика непоправлива економска и цивилна штета на двете страни и дека оваа опасна ескалација треба да се запре“, се додава во соопштението.
Ердоган, исто така, му соопштил на Трамп дека може да ја преземе улогата на медијатор за решавање на конфликтот, откако претходно и рускиот претседател Владимир Путин изрази потготвеност за посредување меѓу Израел и Иран.
Свет
Иран попладнево започна нов бран ракетни напади врз цели во Израел

Иран попладнево започна нов бран ракетни напади врз цели во Израел, објави иранската новинска агенција Фарс. Во Тел Авив и други локации во централен Израел се објавени тревоги, а сирените се огласија и на северот од земјата.
Израелското Министерство за национална безбедност ги повика граѓаните да останат блиску до засолништата и бункерите.
Секое движење на јавни места треба да се сведе на минимум и да се избегнуваат јавни собири. Овие наредби ќе останат во сила додека не се објави ново известување, соопштија израелските власти.
Ова е прв пат од почетокот на конфликтот Иран да изврши дневен напад врз Израел. Досега сите напади беа изведувани во текот на ноќта