Свет
Првпат во историјата: Австралиец преживеал 100 дена со вештачко срце

40-годишен Австралиец преживеал 100 дена со вештачко срце од титаниум додека чекал трансплантација на срце од донор, со што станал најдолговечната личност со оваа технологија. Тој го добил имплантот за време на операција во Сиднеј минатиот ноември. Во февруари тој стана првиот човек во светот што ја напушти болницата со апаратот, што му овозможи да ја чека достапноста на донорско срце на почетокот на овој месец, пренесува Си-ен-ен.
Според заедничката изјава на болницата „Св. Винсент“, Универзитетот „Монаш“ и компанијата BiVACOR, која го развила уредот, пациентот, кој страдал од тешка срцева слабост, добро закрепнува.
Овој медицински пробив се смета за главен чекор кон правење вештачкото срце да биде долгорочно решение за пациентите со срцева слабост. Иако уредот сѐ уште е во фаза на тестирање и не е достапен за широка употреба, резултатите од досегашните тестови покажуваат голем потенцијал.
BiVACOR Total Artificial Heart (TAH) е иновативен уред со еден подвижен дел – ротор, кој се движи со помош на магнети. Изработен е од титаниум и е дизајниран да нема вентили или механички лежишта, кои би можеле да бидат предмет на абење. Неговите пумпи ја заменуваат функцијата на двете срцеви комори и овозможуваат снабдување со крв во телото и белите дробови.
Според Светската здравствена организација, кардиоваскуларните болести се водечка причина за смртност во светот, одговорни за речиси 18 милиони смртни случаи годишно.
Една од клучните цели на вештачкото срце на BiVACOR е да ги спаси пациентите што чекаат трансплантација. Сегашниот капацитет на донорски срца не е доволен – само во 2024 година во САД биле извршени приближно 3.500 трансплантации на срце, а на листата на чекање биле додадени 4.400 нови пациенти, покажуваат податоците на Министерството за здравство на САД.
„Во следните десет години ќе видиме дека вештачкото срце ќе стане алтернатива за пациентите што не може да чекаат донорско срце или кога едноставно не е достапно“, рече Хејворд, кој го надгледува закрепнувањето на австралискиот пациент и беше вклучен во подготовката на уредот за клинички испитувања.
Вештачкото срце на BiVACOR веќе е тестирано во раните фази на испитувања од страна на американската Администрација за храна и лекови (ФДА). Како дел од ова испитување досега пет пациенти успешно го примиле имплантот. Првиот пациент беше 58-годишен маж со напредна срцева слабост на кого уредот му беше вграден минатиот јули во Медицинскиот центар во Тексас. Вештачкото срце го одржуваше во живот осум дена додека не се најде донор.
Во безбедноста и ефикасноста на апаратот учествувале уште четворица пациенти, а планирано е истражувањето да се прошири на вкупно 15 пациенти.
Имплантација на вештачко срце во Австралија е дел од голем истражувачки проект вреден 50 милиони австралиски долари (приближно 31 милион американски долари), спроведен од Универзитетот „Монаш“ преку програмата за граници на вештачко срце. Целта на програмата е развој и комерцијализација на три иновативни апарати за третман на срцева слабост, пренесува медиумот.
Овој напредок ја отвора вратата за иднината во која вештачките срца би можеле да станат стандардна алтернатива за пациентите што не може да добијат донорска трансплантација на срце.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Тројца Хрвати продавале лажно злато на златари во Германија

Тројца Хрвати се осомничени за измама во областа Лудвигсбург и Баден-Баден, пренесува Феникс. Полицијата ги сомничи дека продавале лажно злато и со тоа сториле кривично дело.
Мажите на возраст од 49, 53 и 65 години се во притвор од минатиот петок. Тие се осомничени дека минатата недела најмалку три пати продавале накит, кој бил речиси безвреден, на златарници и трговци со злато.
Тројцата осомничени биле уапсени откако златар од Лудвигсбург минатата недела го прегледал претставениот накит и сфатил дека станува збор за бижутерија, а не за злато.
Наводно, 65-годишниот осомничен потоа ја вратил нараквицата во џеб и побегнал. При последователната проверка на 65-годишниот и неговите двајца помагачи, што ја извршиле службите за итна помош на Линденштрасе, бил запленет повеќе безвреден накит, по што мажите привремено биле уапсени.
„Понатамошните истраги открија докази дека истите осомничени веќе измамиле купувач на злато и златар неколку часа претходно во Вајхинген ан дер Енц и еден ден претходно во Баден-Баден“, соопшти полицијата.
На барање на државното правобранителство во Штутгарт денеска пред судијата на судот во Лудвигсбург се изведени тројца мажи со хрватско државјанство. Судијата издал налог за апсење и ги ставил во притвор. Истрагата е во тек.
Свет
Поради земјотресот во морето кај Чиле, евакуирана е и базата на Антарктикот

Земјотрес со јачина од 7,4 степени според Рихтеровата скала го погоди брегот на Чиле во преминот Дрејк меѓу Кејп Хорн и Антарктикот на длабочина од само 10 километри, соопшти Американскиот геолошки институт, по што беше објавен повик за евакуација поради закана од цунами.
Чилеанската агенција за катастрофи соопшти дека нема штета на клучната инфраструктура или луѓе, но повика на евакуација долж јужниот брег поради опасност од цунами.
„Повикуваме на евакуација на брегот во целиот регион Магаланес“, рече претседателот Габриел Борич на „Икс“, додавајќи дека сите државни ресурси ќе бидат достапни за да се ублажат можните последици од ударот.
На видеата споделени на социјалните мрежи може да се види како луѓето мирно се евакуираат, додека во позадина се слушаат сирени.
Чилеанската хидрографска и океанографска служба проценила дека брановите во наредните часови ќе стигнат до Антарктикот, а потоа и до градовите на крајниот југ на Чиле.
Чилеанскиот антарктички институт изјави за Ројтерс дека базите се евакуираат. Според локалните власти, евакуирани се околу 2.000 луѓе.
На Антарктикот се очекуваат бранови од 0,3 до 1 метар, а во Чиле се очекуваат бранови од 1 до 3 метри.
Свет
Принцот Хари остана без телохранител, ја загуби правната битка и сега мора да плати речиси 2 милиони евра

Принцот Хари ја загубил правната битка за заштита при неговите идни посети на Велика Британија, која би била платена на сметка на британските даночни обврзници, објави весникот „Дејли мејл“.
Хари сега мора да плати вкупно околу 1,74 милиони евра судски трошоци.
Принцот тврдеше дека му била ускратена соодветна заштита откако се повлече од кралските должности, настан познат како „Мегзит“.
Неговите адвокати тврдеа дека неговиот живот е во опасност поради немањето соодветна заштита.
Принцот Хари го тужеше Министерството за внатрешни работи, кое одлучи да му даде пониско ниво на заштита додека е во Британија.
Одлуката дека на принцот не му е потребна заштита ја донело телото за заштита на кралското семејство, Равец, кое смета дека на принцот не му е потребна заштита како во периодот пред да ги напушти кралските должности.
Хари присуствуваше на сослушувањето, а сега се соочува со можност да поднесе жалба на новата пресуда до Врховниот суд на Обединетото Кралство.