Свет
Зголемен број пребарувања „дали можам да го променам својот глас“ на изборите во САД

На помалку од една недела од трката меѓу претседателот Доналд Трамп и неговиот предизвикувач од Демократската партија, Џо Бајден, се чини дека многу Американци, кои гласаа предвреме, се обидуваат да го сменат своето мислење – и на некои места можеби ќе може да го сторат тоа, пренесува РТ.
Очигледно, бројот на пребарувања „дали можам да го променам својот глас“ масовно се зголеми по последната претседателска дебата минатата недела и е во постојан пораст, објави „Фокс‘френдс“ во вторникот. Трамп, кој е љубител на утринската емисија за вести, побрза да твитне за тоа и рече дека овој тренд „се однесува (на) промена за мене“.
Strongly Trending (Google) since immediately after the second debate is CAN I CHANGE MY VOTE? This refers changing it to me. The answer in most states is YES. Go do it. Most important Election of your life!
— Donald J. Trump (@realDonaldTrump) October 27, 2020
„Одговорот во повеќето држави е ДА. Одете и направете го тоа!“, ги повика тој гласачите.
Ник Флор, професор по медиуми на Универзитетот во Њу Мексико, ја гледал истата емисија и направил свое истражување создавајќи вистински графикон што го покажува скокот во пребарувањата.
BTW, did you hear that "Can I change my vote" is trending as a search term on Google? ROFL!
Started peaking right after the final debate / Hunter Biden controversy. This is why social media is trying so hard to censor.#FoxAndFriends
The answer is yes:https://t.co/xrQwOeoOAU pic.twitter.com/qZA3tPmK3u
— Nick Flor-ProfessorF (@ProfessorF) October 27, 2020
Подоцна тој се спротивстави на тврдењата дека ова се случува на секои избори објавувајќи друг графикон, кој покажа голем скок во 2016 година, но сепак помал од сегашниот.
LOL, no it is not EVERY election this happens — contrary to what the correct-the-record mob is frantically trying to post.
And this is the highest level ever for "Can I change my vote" (dashes indicate still climbing, see below) pic.twitter.com/uOC9TdVmHZ
— Nick Flor-ProfessorF (@ProfessorF) October 27, 2020
Додека пребарувањето е популарно во Аризона, Тенеси и во Вирџинија, има лоши вести за гласачите во тие држави – тие всушност не може да го променат својот глас по гласањето. Но, Мичиген, Минесота, Вашингтон и Висконсин имаат закони што им дозволуваат на своите граѓани да ги поништат ливчињата по пошта и да гласаат лично.
Државната изборна комисија во Висконсин испрати меморандум во понеделникот велејќи дека многу гласачи се јавиле со барање да ги променат или откажат своите дадени гласови. Државниот закон дозволува три шанси за откажување на гласачкото ливче.
Портпаролот на изборната комисија во Висконсин, Рид Магни, ги повика гласачите што сакаат да ги сменат своите гласачки ливчиња да не чекаат до последната секунда велејќи дека може да потрае „до седум дена за службеникот да ви испрати ново гласачко ливче“.
Многу американски држави го проширија гласањето по пошта оваа година повикувајќи се на загриженост поради пандемијата на Ковид-19. Раното испраќање по пошта и личното гласање веќе се одвиваше на многу места до моментот кога Трамп и Бајден излегоа на последната дебата на 22 октомври.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Санторини и Миконос се најскапи: од денес, туристите плаќаат нов данок во Грција

Од денес, патниците на крузери ќе плаќаат данок од 20 евра ако патуваат до островите Санторини и Миконос, како и пет евра ако одат на други грчки острови, објави Министерството за финансии на таа земја.
„Како што диктира регулативата, оваа такса ќе се однесува на Санторини, Миконос и други острови во помала мера“, изјави претставник на Министерството за финансии, пренесуваат медиумите во регионот.
Грција минатата година донесе закон за да се обиде да го регулира пристигнувањето на големи бродови на популарните туристички дестинации и да ја олесни инфраструктурата.
Даноците ќе се наплаќаат од 1 јуни до 20 септември, а според регулативата, крузерите ќе ги плаќаат од сопствен буџет, а подоцна ќе ги вклучат во цената на билетот за патниците.
Патувањето со крузери станува сè попопуларно во последните неколку години, а приходите во овој сектор се зголемија за 22,4 проценти во текот на изминатата година.
Свет
Новинарка: Ќе го депортирате ли Маск?; Трамп: Не знам, ќе мора да видиме

Претседателот на САД, Доналд Трамп, денес изјави дека не е сигурен дали да го депортира Илон Маск, објави дописничката на „Дејли мејл“, Емили Гудин, за X.
„Го прашав претседателот Трамп дали би го депортирал Илон Маск, а тој рече дека ќе мора да го разгледа тоа“, објави Гудин.
Подоцна таа го објави одговорот на Трамп на прашањето дали би го депортирал Маск.
„Не знам. Ќе мора да видиме. Можеби ќе треба да испратиме DOGE кај Илон. Знаете ли што е DOGE? Тоа е чудовиште, кое можеби ќе мора да се врати и да го изеде Илон“, рече Трамп.
Регион
Милановиќ: Лицемерни и неискрени ветувања за Украина за членство во ЕУ

Хрватскиот претседател Зоран Милановиќ денес изјави дека, за жал, Европската Унија со години убива некои земји, а за тоа недостига волја кај некои актери со одложување на нивните преговори.
„Тоа се Црна Гора, Албанија. Па во таа смисла легитимно е да се зборува за Украина во ЕУ, но можам да забележам дека тоа е земја чии територијални перспективи не се јасни. Таа е во војна, а што се однесува до општите услови за членство, не гледам дека ги исполнува. Тоа се фактите. Што ќе се случи потоа, ќе одлучи ЕУ“, рече Милановиќ.
Милановиќ им го кажа ова на новинарите откога го угости својот полски колега Петер Пелегрини одговарајќи на прашање за членството на Украина во Европската Унија.
„Искрено, мислам дека таквото ветување е лицемерно и неискрено. Ова е ставот кон Украина од првиот ден, од 2013 година. Многу зборував за тоа“, рече Милановиќ, а потоа продолжи да зборува за средствата за одбрана:
„Практично, ѝ дадовме на Украина 35 тенка подарок и ништо не добивме за возврат. Добивме трошки од Германија“.
„Способности, а не проценти, тоа е она што е важно“, рече Милаовиќ и продолжи:
„Разговарав со американскиот претседател Доналд Трамп кажувајќи му, без никаков сарказам, дека цените на оружјето треба да се намалат. Американците, Германците, Французите и Британците се како агенти за продажба на сопствените одбранбени индустрии. А ние, од друга страна, сме купувачи и купуваме неверојатно скапа стока кога ќе ја добиеме. Тоа се фактите и на оној што не му се допаѓа нека престане да живее во свет на фантазии“.
Тој исто така коментира за критиките дека словачкиот претседател Роберт Фицо е руски човек.
„Руски човек, што значи тоа? Го познавам. Тој не е руски човек, дури ни во однос на афинитетите, но во некои критични ситуации ќе се однесува како што се однесува“, рече Милановиќ.
Тој вели дека нема никаква врска со Русите, но не може да биде изненаден кога тоа доаѓа од луѓе што ги поминале своите кариери како руски пудлици.
„Дали е ова уреден начин на комуникација?“, праша претседателот на Хрватска и рече:
„Овие приказни дека сум руски човек се одвратни и доаѓаат од луѓе што треба да внимаваат што зборуваат“, објави хрватскиот портал „Дневник“.