Свет
Зеленски го повика НАТО: Покажете дека не се плашите од Русија
Украинскиот претседател Володимир Зеленски во интервју објавено денеска го повика НАТО „да покаже дека не се плаши од Русија“.
Зеленски го изјави ова како одговор на прашањето дали добил некаков одговор од Северноатлантскиот договор за барањето за членство, односно кога очекува одговор на НАТО на барањето на Украина.
„Мојата клучна порака до НАТО е – не треба да се плашите од никого“, рече тој.
Зеленски истакна дека „важно е да се договорат безбедносни гаранции за целиот свет, така што никој не ни помислува да стане автократ, па дури и да е автократ, да не ни помисли дека може да освои туѓи територии“.
„НАТО не е толку силен во Источна Европа без Украина“.
„За тоа е потребно единство. Мислам дека без Украина, алијансата не е толку силна, особено не на европскиот континент. Мислам дека (влезот на Украина во НАТО) е важен чекор за силата на алијансата во Источна Европа. На НАТО му ја нудиме таа шанса и благодарни сме му за неговата поддршка“, рече Зеленски и го повика НАТО „да покаже решителност“.
„Не само Украина мора да ја покаже својата сила на Русија, туку и НАТО мора да го направи тоа, мора да покаже дека не се плаши од Русија. Знам дека сите разбираат оти безбедносните гаранции се нешто што ѝ треба на Украина. Мислам дека сме на тој пат, ние, дефинитивно, сакаме да одиме на тој начин. За жал, колку бргу ќе оди не зависи само од Украина“, рече тој, пренесе „Индекс.хр“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

