Европа
Зеленски е во Вашингтон и бара итна помош, републиканците се скептични
Украинскиот претседател Володимир Зеленски се сретна со американски конгресмени на Капитол Хил за да побара континуирана воена помош од САД во борбата против Русија за последен пат оваа година, но наиде на скептична реакција од некои републиканци. Зеленски се состана со американски сенатори зад затворени врати. Со нив беа Чак Шумер, лидерот на демократското мнозинство во Сенатот и Мич Меконел, лидерот на републиканците.
„Претседателот Зеленски јасно рече дека му треба помош и ако ја добие, може да победи во оваа војна“, им рече Шумер на новинарите по средбата. Но, некои републиканци се прашуваат дали новата помош ќе и помогне на Украина да ја победи Русија по летната офанзива која не даде јасни резултати. „Знам дека сите сакаат Украина да победи, едноставно не го гледам тоа во картите“, изјави републиканскиот сенатор Рон Џонсон.
Зеленски на вториот ден од посетата на Вашингтон приватно ќе се сретне со претседателот на Претставничкиот дом Мајк Џонсон. Потоа ќе се упати во Белата куќа каде ќе одржи прес-конференција со американскиот претседател Џо Бајден. Белата куќа му соопшти на Конгресот на 4 декември дека владата ќе остане без пари за испраќање оружје во Украина по крајот на годината.
Конгресот одобри повеќе од 110 милијарди долари за Украина од почетокот на руската инвазија во февруари 2022 година, но не се одобрени нови средства откако републиканците го презедоа Претставничкиот дом од демократите во јануари.
Претседателот на Претставничкиот дом, Мајк Џонсон, републиканец, рече дека пратениците бараат повеќе детали за целите на администрацијата во Украина. Неговите колеги републиканци истакнуваат дека новата помош мора да биде придружена со промени во миграциската политика, која е длабоко раздор на американската политичка сцена. Џонсон во вторникот рече дека чека одговор од Белата куќа.
Зеленски ги повика конгресмените брзо да ги решат разликите. „Ако некој е инспириран од нерешените прашања на Капитол Хил, тоа е само Путин и неговата болна клика“, рече тој во говорот.
Остануваат уште само три дена до одморот на Конгресот во петок, а републиканците во Претставничкиот дом не сакаат да одобрат предлог-закон со кој се обезбедува помош од 61,4 милијарди долари за Украина, доколку нема промени во миграциската политика.
Демократскиот сенатор Крис Марфи, кој ги води преговорите, рече дека мисли оти може да се постигне договор за миграциската политика и нови трошоци до крајот на годината. Републиканците не веруваат во тоа. „Сè попесимистична сум“, изјави сенаторката Сузан Колинс.
Бајден ја коментираше ситуацијата со мрачни зборови, велејќи дека „историјата строго ќе им суди на оние кои ѝ го вртат грбот на борбата за слобода“.
Американските трупи на крајот би можеле да бидат принудени да се борат против Русија, предупреди тој, доколку Путин нападне европски сојузник, членка на НАТО. Анкетата на Ипсос за Ројтерс минатиот месец покажа дека околу 41 отсто од Американците поддржуваат испраќање оружје во Украина, додека 32 отсто се против. Останатите не се сигурни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Украинците го нападнаа Крим со дронови: експлозии одекнуваат, руско складиште за муниција во пламен
Пожар избувна утрово во магацин за муниција во селото Перевалне во окупираниот од Русија Крим по серија експлозии предизвикани од напади со украински беспилотни летала, објави „Киев индепендент“.
126. независна бригада за крајбрежна одбрана на руската Црноморска флота наводно е стационирана во близина на селото Перевалне. Како одговор на инцидентот, локалните власти го блокираа патот што ги поврзува Симферопол и Алушта во централниот дел на полуостровот.
Crimean Wind објави снимки направени од локалното население, на кои се гледа чад што се издига од повеќе локации на Крим.
A long night for Russian forces. Massive explosions rocked a military ammo depot in occupied Crimea — fires and detonations still ongoing in Perevalne, road to Simferopol closed. Losses reported in the 126th Brigade & 8th Artillery Reg.
Meanwhile in Podolsk, Russia — an… pic.twitter.com/6hckmz32Se
— NOELREPORTS 🇪🇺 🇺🇦 (@NOELreports) May 16, 2025
Експлозии беа пријавени и во близина на воените воздухопловни бази Белбек и Кача во близина на Севастопол.
Украинските власти сè уште официјално не го коментираа нападот, а информациите не можеа да бидат независно потврдени.
За време на војната Украина постојано извршуваше успешни напади врз руски цели во окупираниот Крим и околните области значително ослабувајќи ја руската Црноморска флота.
Европа
(Видео) Почна состанокот меѓу САД, Украина и Турција во Истанбул
Трилатерален состанок на високо ниво меѓу делегациите од Турција, САД и Украина почна во петокот во Истанбул под водство на турскиот министер за надворешни работи, Хакан Фидан.
САД ги претставуваат државниот секретар Марко Рубио, амбасадорот во Турција, Том Барак, и специјалниот претставник за Украина, генерал Кит Келог.
Во делегацијата на Украина се вклучени Андриј Јермак, шеф на претседателската канцеларија, министерот за одбрана, Рустем Умеров, и министерот за надворешни работи, Андриј Сибиха.
📍High-level US-Ukraine-Türkiye talks begin under Turkish foreign minister’s leadership
Türkiye’s Foreign Minister Hakan Fidan, National Intelligence Organization (MIT) head Ibrahim Kalin, Ukraine’s Presidential Chief of Staff Andriy Yermak and Deputy Foreign Minister Andriy… pic.twitter.com/roz02DGFkB
— Anadolu English (@anadoluagency) May 16, 2025
Трилатералниот дијалог е фокусиран на мирот меѓу Украина и Русија, објави „Анадолија“.
Украинската делегација во Истанбул се сретна со претставници на САД, Велика Британија, Германија и на Франција
Утрово, во Истанбул, украинскиот советник за национална безбедност, Андриј Јермак, министерот за надворешни работи, Андриј Сибиха, и министерот за одбрана, Рустем Умеров, се сретнаа со советници за национална безбедност од Велика Британија, САД, Германија и од Франција.
Европа
Рубио пристигна во Истанбул на мировни преговори меѓу Русија и Украина
Американскиот државен секретар Марко Рубио утрово пристигна во Истанбул за да учествува на мировните преговори меѓу Русија и Украина, организирани од Турција.
Рубио и неговата делегација на аеродромот во Истанбул беа пречекани од генералниот конзул во Истанбул, Џули А. Еадех, и други официјални лица.
Делегацијата предводена од Рубио ќе учествува на трилатерален состанок меѓу Турција, САД и Украина во претседателската канцеларија Долмабахче во Истанбул.
Планирани се низа состаноци во разни формати, вклучувајќи трилатерални разговори меѓу САД, Украина и Турција, како и Русија, Украина и Турција, според извори во турското Министерство за надворешни работи.
На состаноците ќе учествуваат турскиот министер за надворешни работи, Хакан Фидан, американската делегација предводена од државниот секретар, Марко Рубио, украинската делегација предводена од министерот за одбрана, Рустем Умеров, и руската делегација предводена од Владимир Медински, советник на рускиот претседател, Владимир Путин.
Рубио исто така рече дека американската делегација ќе се сретне со високорангирана украинска делегација и ќе учествува во преговорите меѓу Русија и Украина.
Ексдиректорите осудени на една година и шест месеци затвор за пожарот во модуларната болница во Тетово
Ексдиректорите на Клиничката болница во Тетово, Флорин Бесими и Артан Етеми, се осудени на 1 година и 6 месеци затвор за...
Добив втора шанса за живот: се огласи повредениот гитарист на ДНК
По два месеца лекување во Солун од трагедијата во дискотеката „Пулс“ во Кочани, се огласи познатиот музичар и член на...
Меџити ќе чека на „Вреди“ да се приклучат членови од опозициските албански партии, а потоа ќе предложи нов министер за здравство
Вицепремиерот и министер за животна средина Изет Меџити како еден од лидерите на „Вреди“ денес рече дека предлогот за нов...
(Видео) Почна состанокот меѓу САД, Украина и Турција во Истанбул
Трилатерален состанок на високо ниво меѓу делегациите од Турција, САД и Украина почна во петокот во Истанбул под водство на...
Ја удирал со боксови и тупаници, па ја силувал во автомобил на паркинг во Сопиште: поднесено обвинение против 37-годишен скопјанец
Основното јавно обвинителство Скопје спроведе истражна постапка и поднесе Обвинителен акт против 37-годишен скопјанец за кривично дело – Полов напад...
До ОЈО Куманово доставен обдукцискиот наод за починатиот Ведат Адеми
Институтот за судска медицина до Основното јавно обвинителство Куманово го достави обдукцискиот наод за починатиот пациент Ведат Адеми. Наодот се...
Мицкоски за „Евроњуз“: Граѓаните живеат тешко, но се враќа надежта, постигнавме да сме први во Европа по странски инвестиции и ја намаливме инфлацијата
Премиерот Мицкоски во неговото интервју за „Еуроњуз“ се осврна и на економската состојба во Македонија и животниот стандард на македонските...
Сиљановска-Давкова на средбата со Кошта: Не смееме да бидеме колатерална штета на ветото и на билатерализацијата на процесот на евроинтегрaцијата
Претседателката Гордана Сиљановска-Давкова оствари средба со претседателот на Европскиот совет, Антонио Кошта, на која нагласи дека во процесот на европската...
„Оваа недела во Државниот архив на Северна Македонија ангажирани 14 нови вработени, сите Македонци и ниеден Албанец“, велат од ДУИ
„Оваа недела во Државниот архив на Северна Македонија се ангажирани 14 нови вработени – сите Македонци – и ниту еден...
Нема директни преговори меѓу Украина и Русија: трилатерални средби во Истанбул денес
Трилатерални средби најверојатно ќе се одржат во Истанбул денеска наместо мировни преговори што требаше да започнат меѓу делегациите на Русија...
Рубио: Сите членки на НАТО ќе издвојуваат 5 проценти од БДП за одбрана
Американскиот државен секретар Марко Рубио изјави дека на претстојниот самит на НАТО во јуни, сите негови членки ќе се согласат...
Хамас: Подготвени сме да ги предадеме сите заложници за да се стави крај на војната во Газа
Висок политички лидер на Хамас повтори дека се подготвени „веднаш да ги предадат сите затвореници“ доколку таков потег доведе до...
Дојава за бомба и евакуација на концерт на српски пејач во Јане Сандански
Драма во салата Јане Сандански во Скопје, каде за вечерва беше закажан музички концерт на Пеџа Јовановиќ. Како што информираа од...
Мицкоски за „Еуроњуз“: Нема аргументи за прифаќање на бугарските барања, жал ми е што корумпирани политичари за да останат на власт прифаќаа се и сешто
Премиерот, Христијан Мицкоски во интервју за „Директно со Миња Милетиќ“ на „Еуроњуз Србија“ истакна дека нема аргументи за прифаќање на...
Нема причина за вознемиреност по хаваријата во Пинтија, вели градоначалникот кој го повика Град Скопје да преземе мерки
Градоначалникот на Кисела Вода, Орце Ѓоргиевски вели дека граѓаните немаат причина за вознемиреност по хавријата во Пинтија, бидејќи од нивна страна...
Хемикалии се излеаа од објект во Пинтија, надлежните на терен
Во текот на денешниот ден во населбата Пинтија во Кисела Вода од резервоар на објект на приватна компанија за производство...
ЕУ ни порача: Тоа што е договорено е договорено, нема што ново да се договара
Тоа што е договорено е договорено, нема што повеќе да се договара, рече претседателот на Европскиот совет, Антонио Кошта, за...
Таравари официјално поднесе оставка: „Одлуката ја донесов по лична и професионална проценка“
Министерот за здравство, воедно и претседател на Алијансата за Албанците, Арбен Таравари, попладнево официјално поднесе оставка од министерската функција. Во...
Трамп: Ништо нема да се случи додека не се сретнеме со Путин
Американскиот претседател, Доналд Трамп, изјави дека ништо нема да се случи во врска со мировните преговори меѓу Русија и Украина...
Сите позиции на Алијансата за Албанците во Владата ќе останат во „Вреди“, вели Меџити
По излегувањето на Алијансата за Албанците на Арбен Таравари од Владата и од коалицијата „Вреди“ сите места отстапени на албанскиот...
