Свет
Зеленски му одговори на сенаторот Греам: Само народот на Украина одлучува за мојата оставка

Претседателот на Украина, Володимир Зеленски изјави дека единствено украинскиот народ може да одлучи за неговата оставка. Неговата реакција дојде по изјавата на американскиот републикански сенатор Линдзи Греам, кој повика на негово повлекување.
„Не знам дали сенаторот Греам ќе биде задоволен од моите зборови, но само украинскиот народ може да донесе таква одлука“, истакна Зеленски. Сенаторот Греам синоќа го критикуваше Зеленски по неговата расправија со американскиот претседател Доналд Трамп во Белата куќа.
Греам изјави дека Зеленски „или треба да поднесе оставка и да испрати некого со кого ќе можеме да работиме, или треба да биде сменет“.
Во меѓувреме, демократите во Конгресот му изразија поддршка на Зеленски, а истото го сторија и украинската армија и граѓаните.
Главниот командант на украинската армија, Олександр Сирски, вечерва изјави дека војниците на земјата го поддржуваат претседателот.
„Вооружените сили се со Украина, со народот, со врховниот командант. Нашата сила е во единството“, напиша Сирски на социјалните мрежи, откако Зеленски ја напушти Белата куќа без постигнат договор со САД, а Трамп го обвини за „неблагодарност“ и „непочитување“ за време на разговорот.
Сирски додаде: „Продолжуваме да го уништуваме окупаторот и да се движиме кон победа“.
Поддршка за Зеленски изрази и премиерот на Украина, Денис Шмигал, кој на „Икс“ објави: „Прекин на огнот без гаранции е пат кон руска окупација на целиот европски континент“.
Украинскиот вицепремиер Михаил Федоров, пак, напиша: „Почит за претседателот за неговата храброст и за одбраната на честа на нашиот народ, кој ја плати својата слобода со својата крв“.
И украинските граѓани на интернет му изразија поддршка на Зеленски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Полска ја затвора вратата; „Не им верувајте на Путин и Лукашенко, тие ве лажат“

Полскиот премиер Доналд Туск денеска најави „информативна кампања“ во седумте земји од кои доаѓаат повеќето мигранти за да ги спречат да влезат во Полска преку Белорусија.
Поради оваа миграција, која, по Варшава, беше оркестрирана од Минск и Москва, на крајот на март, Полска го ограничи правото на азил на странците по пристигнувањето на границата со Белорусија.
Туск исто така рече дека „илјадници војници, граничари и полицајци, камери и дронови го следат секој метар од границата 24 часа на ден“.
Туск не прецизираше во кои земји ќе се одвива „информативната кампања“ што ја најави.
Најголем дел од мигрантите кои сакаат да влезат во Полска се од Блискиот Исток и Африка.
„Нашата порака ќе биде едноставна: полската граница е затворена! Не им верувајте на шверцерите, не верувајте му на белорускиот претседател Лукашенко, не му верувајте на Путин! Ве лажат кога велат дека ова е патот до Европа. Тоа не е точно! рече Туск.
Според полските граничари, повеќе од 30.000 луѓе се обиделе илегално да ја преминат границата со Белорусија во 2024 година.
Полска постави метална гранична ограда висока пет метри со софистицирани уреди за надзор и распореди илјадници војници по неа.
Регион
Младо момче пропадна низ отвор на лифт во Сараево

На Природно-математичкиот факултет во Сараево денеска млад човек паднал низ отворот од лифтот, пренесува Radiosarajevo.ba.
„Денеска во 13 часот и 44 минути пријавена е оваа несреќа. Млад човек се обидел да излезе од лифтот и паднал низ отворот“, изјавиле од противпожарната бригада на Сараево.
Пожарникарите за две до три минути биле на местото на несреќата и го ослободиле, а момчето било при свест.
Откако пожарникарите го извлекле младиот човек, брзата помош дошла да го пренесе во болница.
Не е познато според написите, дали младиот човек е потешко повреден.
Свет
Хотелите во Британија сo заканa дека ќе избркаат стотици баратели на азил

Хотели во Велика Британија се закануваат со бркање на стотици баратели на азил откако не ја добиле договорената исплата од сместувачката компанија „Stay Belvedere Hotels“ (SBHL), објавија британските медиуми.
Хотелите, претежно во лондонската област, најавија дека минатиот месец требало да добијат исплати од СБХЛ за сместување на баратели на азил, објави британски „Телеграф“.
Британското Министерство за внатрешни работи минатиот месец го отповика договорот на SBHL поради наводни неправилности.
Се проценува дека моментално има околу 38.000 баратели на азил сместени во хотели во Велика Британија.
Британското Министерство за внатрешни работи одвојува 5,5 милиони фунти дневно за нивно сместување, пренесува Танјуг.