Европа
Зеленски на Собранието на НАТО: Русија е терористичка држава

Володимир Зеленски апелира до Парламентарното собрание на НАТО за меѓународно владеење на правото да се обедини и да се справи со тероризмот споредувајќи го нападот на, како што ја нарече, терористичката организација врз Израел со слични тактики што ги користи Русија, а за која рече дека е терористичка држава.
Говорејќи преку видеоврска, тој рече дека светот може да се согласи за збир на дефиниции за тероризмот. „Не силувајте жени. Не убивајте. Не третирајте ги децата како трофеи. Не полнете села и градови со крв. Не пукајте во цивили во автомобили… Тоа треба да биде основата“, рече тој.
Тој рече дека Хамас и Русија ја користеле истата тактика и дека израелските новинари што биле во Украина и биле сведоци на последиците од злосторствата таму сега гледаат дека истото тоа се случува и во нивната татковина.
Зеленски потоа рече нешто што може да се смета за критика насочена кон републиканците во американскиот Конгрес. „Ова не е време да се повлечеме од меѓународната арена во внатрешни спорови. Не е време да се молчи“, додавајќи дека луѓето не треба да се преправаат дека тероризмот на еден континент нема да влијае на остатокот од светот.
Украинскиот претседател го поврза Иран со инвазијата на Украина и нападот врз Израел велејќи дека Иран не може да каже дека нема никаква врска со она што се случува во Украина ако продава беспилотни летала „Шахед“ на Русија и дека не може да тврди дека нема никаква врска со она што се случува во Израел доколку неговите официјални лица тврдат дека го поддржуваат Хамас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Зеленски пристигнува на погребот на папата

Украинскиот претседател Володимир Зеленски ќе присуствува на погребот на папата Франциско, пренесе АФП повикувајќи се на извор од украинскиот претседателски кабинет.
Според истиот извор, канцеларијата на Зеленски ја подготвува неговата посета на Рим за Зеленски лично да се прости од поглаварот на Католичката црква.
Како што претходно беше најавено, погребот на папата Франциско ќе се изврши в сабота, 26 април, во 10 часот по локално време. Досега Трамп и Макрон потврдија дека ќе бидат на погребот, но се очекува да присуствуваат многубројни светски лидери и стотици илјади верници.
Европа
Украина: Русите го зголемуваат военото присуство во Мариупол

Руските сили продолжуваат да го зголемуваат своето воено присуство во привремено окупираниот град Мариупол. Како што соопшти денеска на „Телеграм“ градскиот совет на Мариупол, во градот веќе се формирани две воени бази.
„Руските окупатори го прошируваат своето воено присуство во Мариупол“, се вели во соопштението.
Според Центарот за проучување на окупацијата, во текот на март и април 2025 година се појавиле две нови воени бази: една во областа Калмиус на северозапад од градот и логистичка база во областа Ливобережњи, во станбената зона Шхидни. Втората база, како што се наведува, главно се користи за сместување персонал и воена опрема.
„На овој начин руските окупатори постепено го зголемуваат своето присуство во Мариупол. Центарот за проучување на окупацијата нагласува дека ова е план за трансформирање на градот во главна и полноправна логистичка и воена база не само за стоки туку и за опрема и персонал, со широка мрежа на паркинзи, бази за поправка и точки на трајно и привремено распоредување персонал. Ова е олеснето и со развојот на железничките и пристанишните врски што ги спроведуваат окупаторските власти“, се вели во соопштението на градскиот совет на Мариупол.
Европа
Знамиња со кукасти крстови се појавија во Стокхолм на роденденот на Хитлер, полицијата почна истрага

Три нацистички знамиња со кукасти крстови беа поставени на влезот на автопат во областа Есингеледен во Стокхолм, главниот град на Шведска, на 20 април, на роденденот на Адолф Хитлер.
Портпаролот на полицијата во Стокхолм, Матс Ериксон, изјави дека започнале истрага за злосторство од омраза.
Ериксон нагласи дека не е соодветно да се случуваат такви работи во Шведска. Тој посочи дека на влезовите на автопатите често се појавуваат транспаренти со политички пораки.
„Конкретно активистите споделуваат политички пораки бидејќи тука има густ сообраќај. Не е убаво да се споделуваат такви пораки“, рече Ериксон.
Тој додаде дека нацистичкото знаме најверојатно било поставено за да го одбележи роденденот на нацистичкиот диктатор Адолф Хитлер, кој е роден на 20 април.