Свет
Зеленски откри колку севернокорејски војници има на територијата на Курск

Украинскиот претседател Володимир Зеленски изјави дека 11.000 војници од Северна Кореја се распоредени на територијата на Курската област, која граничи со Украина, нагласувајќи дека поради зголемувањето на нивниот број, нема зголемување на одговорот на партнерите.
Претседателот зборуваше во видеообраќање до нацијата, пренесува „Укринформ“.
„Денес, имаше и специјален извештај од Одбранбената разузнавачка служба на Украина и Службата за надворешно разузнавање за севернокорејските војници на територијата на Русија. Веќе има 11.000 од нив во регионот Курск. Гледаме зголемување на Севернокорејците. За жал, нема зголемување на одговорот на нашите партнери“, рече Зеленски.
Тој извести дека имал средба и со врховниот командант на вооружените сили на Украина, генерал Александар Сирски, и началникот на Генералштабот, Анатолиј Бархилевич.
„Се разговараше за моментната борбена ситуација на сите фронтови, со посебно внимание, се разбира, на насоките во Донецк, иако гледаме и руска активност на југот на Украина. Одбранбените сили мора да дадат одговор. Денеска разговаравме за Курск“, рече Зеленски.
Како што претходно објави „Укринформ“, Андриј Коваленко, шеф на Центарот за сузбивање на дезинформации при Националниот совет за безбедност и одбрана, изјави дека првите севернокорејски војници биле под оган во руската област Курск, која граничи со Украина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Затворската казна за Саркози ја подели земјата околу тоа како судиите се справуваат со случаите на политички криминал

Затворската казна изречена на поранешниот француски претседател Никола Саркози ја подели земјата околу тоа како судиите се справуваат со случаите на политички криминал, додека лидерката на крајната десница Марин Ле Пен се подготвува да се обиде да ја поништи пресудата за проневера и да се кандидира за претседател во 2027 година, објави Ројтерс.
Парискиот суд ја шокираше политичката сцена во четвртокот кога на Саркози му изрече казна затвор од пет години затвор за криминален заговор во врска со обидот за собирање средства за кампања во Либија, објави агенцијата.
Саркози ќе биде и првиот претседател на Франција по Втората светска војна, кој ќе биде затворен.
Свет
Зеленски ќе возврати ако Москва предизвика прекин на електричната енергија во Украина

Претставници на украинската Влада ќе ги посетат Соединетите Американски Држави кон крајот на септември или октомври за разговори за прашања, како што се економијата и оружјето, изјави денеска украинскиот претседател Володимир Зеленски.
Украинскиот претседател беше во САД оваа недела, каде учествуваше на Генералното собрание на Обединетите нации и се сретна со американскиот претседател Доналд Трамп.
Тој рече дека споделил со Трамп „одредена визија за тоа што може да се направи“ како одговор на руските дејствија. Зеленски вети дека ќе возврати доколку Москва предизвика прекин на електричната енергија во Украина.
Свет
Најголемата воена база во Данска ја надлетуваат неидентификувани беспилотни летала

Неидентификувани беспилотни летала синоќа се регистрирани над најголемата воена база во Данска, соопшти данската полиција.
– Можам да потврдам дека во петокот околу 20 часот и 15 минути имавме мал инцидент што траеше неколку часа. Еден или два дрона се забележани пред и над воздухопловната база во Каруп. Не ги соборивме, изјави претставник на данската полиција.
Изминатите денови дронови надлетуваа над цивилни и воени објекти, поради што привремено беше затворен воздушниот простор на Данска.
Премиерката на Данска, Мете Фредериксен претходните инциденти со нарушувањето на воздушниот простор ги поврза со наводни руски активности со дронови низ Европа, но не понуди докази. Москва ги негираше обвинувањата.