Свет
Зеленски предупреди дека Русите се подготвуваат за гранатирање на Одеса
Украинскиот претседател Володимир Зеленски изјави дека руските сили се подготвуваат да ја бомбардираат Одеса, град на брегот на Црното Море на Украина.
„Ракети против Одеса? Ова ќе биде воено злосторство“, рече Зеленски во телевизиско обраќање.
Тој истакна дека не е доцна руските граѓани да се обидат да ја запрат оваа војна.
„Ова е време кога можеме да го победиме злото, кога не е доцна. Руски граѓани, ова е борба не само за мир во Украина, ова е борба за нашата слобода Ако молчите сега, во иднина само вашата сиромаштија ќе зборува во ваше име. Не молчете“, порача Зеленски.
Тој нагласи дека Украина заробила припадници на руската армија и зборуваше за доказите што ги нашле кај затворениците.
„Стотици руски војници и пилоти фрлаа бомби врз нашите градови, ги слушнавме нивните сведоштва, видовме документи, докази како мапи. Ова не е некоја импровизирана војна, тоа е намерна, одлучна намера. Тие ја планираа оваа војна“, рече тој, нагласувајќи дека Женевската конвенција се почитува во односот кон воените заробеници.
Зеленски рече дека руската армија не ги постигнала своите цели, но дека речиси 10.000 руски војници загинале во борбите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Трагедија на забава, еден загинат откако рачна бомба експлодирала во раката на 25-годишно момче во Хрватска
Забава во подрум во Книн во Хрватска завршила со експлозија на рачна граната. Загина 25-годишен маж, а тешко се повредени двајца млади на возраст од 25 и 23 години, една девојка на 21 година и еден малолетник.
Полицијата во саботата во 23 часот добила дојава дека ескплодирала непозната експлозивна направа. По увидот било утврдено дека се работи за рачна граната М-75.
„Од спроведените увиди е откриено дека повредениот 25-годишник од спалната соба од станот што го користел за време на забавата донел рачна бомба М-75 и ја предал на друг 25-годишник. Поради нестручно ракување дошло до несакано активирање на рачна бомба во раката на починатиот 25-годишник“, се вели во полициското соопштение.
Полициски службеници ја продолжуваат кривичната истрага за утврдување на околностите за набавката и поседувањето на споменатата минска експлозивна направа.
Европа
Снежната бура остави без струја околу 33.000 домаќинства во Франција
Околу 33.000 домаќинства останаа без струја вчера во Франција, главно во Нормандија и долж реката Лоара на запад, поради бурата Каетано што го зафати регионот, соопшти компанијата „Енедис“, која управува со електричната мрежа.
„Во 13 часот 33.000 домаќинства останаа без струја“, соопшти мрежата, додавајќи дека најпогодени домаќинства се во Нормандија (15.000 домаќинства) и околу реката Лоара (12.000 домаќинства).
Невремето предизвика прекини на многу сообраќајни правци, а влијаеше и на железничкиот сообраќај.
Мобилизирани се 2.200 техничари за да ги отстранат нарушувањата и да обезбедат електрична енергија, по налетот на бурата што предизвика врнежи од снег и брзина на ветер до 130 километри на час.
Свет
Близу 80 отсто од потврдените смртни случаи во Газа се луѓе убиени во израелски напади
Околу 80 отсто од потврдените смртни случаи во Газа се луѓе убиени во израелски напади врз станбени згради, објави агенцијата на ОН за палестински бегалци (УНРВА), повикувајќи се на Канцеларијата за човекови права.
УНРВА соопшти дека во нападите на израелските сили продолжуваат да се уништуваат станбени згради во опколената палестинска енклава, со што се зголемува бројот на цивилни жртви, пренесува Ал Џезира.
Исто така, се вели дека 90 отсто од населението, околу 1,9 милиони луѓе се внатрешно раселени и дека многу од нив морале да се преселат 10 или повеќе пати, бегајќи од израелските напади.