Свет
Зеленски: Путин и Асад заслужуваат да бидат во затвор

Претседателот на Украина, Володимир Зеленски, по повод Денот на човековите права, кој се одбележува денеска, го повика светот да се обедини во борбата против, како што наведе, „диктаторските режими“.
„Овогодинешниот Ден на човековите права беше проследен со ужасни фотографии од сириските затвори и центри за тортура кои беа отворени по бегството на сирискиот претседател Башар ал Асад. Таму луѓето беа понижувани многу години. Мажи и жени биле тепани, мачени, силувани.
Илјадници и илјадници луѓе поминаа низ оваа фабрика на насилство“, напиша Зеленски на Телеграм, пренесува украински Интерфакс.
Зеленски изјави дека режимот на Асад се потпира исклучиво на насилство со децении и оцени дека „такви се сите режими поддржани од рускиот претседател Владимир Путин“. Тој потсети на затворите и „неописливото насилство“ и други злосторства на украинските територии окупирани од руските сили.
„Затоа ние, Украинците, сме толку трогнати кога гледаме Сиријци како излегуваат од затворите и центрите за тортура на Асад.
Асад и Путин не се само вазали и господари. Тие се соучесници во насилството. Диктаторите како Асад не можат да опстанат без диктатори како Путин. А Путин ќе се обиде да се одмазди за падот на Асад“, рече Зеленски.
Тој го повика светот да се обедини во спротивставувањето на режимите кои, како што рече, „сеат понижување и зад себе оставаат само страдања, болки и урнатини“.
„Со помош на Украина во борбата против руската диктатура, меѓународната заедница им помага на многу други региони во светот да ја вратат безбедноста.
Мора да има казна за страшните злосторства и кршење на човековите права. Впрочем, само Путин и Асад заслужуваат да бидат во затвор, а не тие невини луѓе кои се затворени со години“, заклучи претседателот на Украина, пренесува Танјуг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Македонски камионџија уапсен во Грција по несреќата во која загинаа татко и дете

34-годишен возач на камион од Македонија е уапсен вчера попладне во Грција, откако учествувал во страшна сообраќајна несреќа во која животот го загубија татко и неговиот 13-годишен син. Трагедијата се случила на стариот магистрален пат Солун – Верија, околу 16 часот.
Според информациите на грчкиот портал protothema.gr, до несреќата дошло на делницата меѓу Халкидони и Лудија, каде под сè уште неразјаснети околности дошло до жесток фронтален судир меѓу камионот и патничко возило во кое патувало четиричлено семејство.
Во судирот, 44-годишниот возач на автомобилот починал на самото место, а неговиот 13-годишен син им подлегнал на повредите кратко потоа. 43-годишна сопруга и нивниот 9-годишен син се здобиле со тешки повреди и биле веднаш пренесени со возило на итната медицинска служба ЕКАБ во болницата „Гениматас“ во Солун.
Според близок роднина на семејството, трагедијата се случила додека се враќале од патување и шопинг во Солун кон нивниот дом во едно село во регионот Пела. Роднината вели дека семејството е во целосен шок, а точните причини за несреќата засега остануваат непознати.
Фотографиите од местото на трагедијата, објавени од protothema.gr, прикажуваат целосно деформирано возило, што сведочи за силата на ударот. Грчката полиција продолжува со истрагата за да ги утврди причините за фаталната несреќа.
Свет
(Видео) Киев повторно му зададе удар на Путин, еве што му направија од аеродромот на Крим

Безбедносната служба на Украина (СБУ) изврши напад со беспилотни летала врз воениот аеродром Кировск на Крим во ноќта од петок кон сабота, објави официјалниот Телеграм канал на СБУ.
Нападот наводно уништил три руски хеликоптери – Ми-8, Ми-26 и Ми-28 – како и самооден противвоздушен ракетен и топовски систем Панцир-С1.
СБУ вели дека од пожарот биле оштетени и летала со екипаж, системи за воздушна одбрана, складишта за муниција, како и извидувачки и борбени беспилотни летала.
Во раните утрински часови, од аеродромот биле примени извештаи за секундарни детонации.
Пожежа на аеродромі “Кіровське” в ніч на 28 червня, відео: Кримський вітер pic.twitter.com/EijG9gbPeT
— Українська правда ✌️ (@ukrpravda_news) June 28, 2025
„СБУ систематски работи на намалување на способноста на Руската Федерација да спроведува воздушни и бомбардирачки напади на територијата на Украина“, соопшти службата.
Во соопштението се вели дека „окупаторите мора да разберат дека нивната скапа воена опрема и муниција не се безбедни никаде – ниту на фронтовската линија, ниту на привремено окупираните територии, ниту длабоко во заднината“.
На почетокот на јуни се појави информација дека цивилниот аеродром во Керч, град окупиран од Русија, на околу 100 километри од воениот аеродром Кировск, се претвора во воена база со цел лансирање беспилотни летала во Украина, според нова истрага на проектот „Шема“ на Радио Слободна Европа/Радио Либерти.
Свет
Хорор на базен во Германија! Четворица Сиријци сексуално нападнале 9 девојчиња, најмладата има 11 години

Малолетничките само сакале да се забавуваат и сакале да се разладат со пријателите. Но, наместо тоа, денот завршил ужасно. Бројни малолетни девојки биле злоупотребени во отворен базен во Хесен.
Нападите се случиле минатата недела во Барбаросабад во Гелнхаузен (население од околу 23.000 жители). Неколку девојки пријавиле кај персоналот на базенот во југоисточен Хесен околу 17 часот дека група мажи ги допирале по целото тело во просторијата за џакузи.
Полицијата успеала да уапси четворица осомничени, на возраст меѓу 18 и 28 години. Се вели дека друг маж го напуштил базенот без да биде идентификуван. Мажите се сириски државјани, потврди портпаролката на полициската станица во југоисточен Хесен во Офенбах за Билд. Двајцата се во роднинска врска. Против сите нив се поднесени кривични пријави. Исто така, им е забранет пристапот до базенот.
Првично, пет ученички се јавија да ги пријават инцидентите. Откако сексуалните напади на отворениот базен станаа јавно познати, уште девојки го следеа примерот. Тие исто така сведочеа дека биле сексуално вознемирувани. „Моментално имаме девет девојчиња“, изјави полицијата за Билд. Најмладата жртва има 11 години, а најстарата 17.
Инцидентот беше прв од ваков вид во Барбаросабад оваа година, рече градоначалникот Кристијан Лицингер, според Хесише Рундфунк.
Во моментов, не може да се исклучи можноста дека и други девојчиња или жени биле жртви на Сиријците.