Свет
Зеленски ќе претстави нов план следната недела

Украинскиот претседател, Володимир Зеленски, најави дека следната недела ќе претстави нов план составен од 10 точки.
„Продолжуваме да работиме на нашиот внатрешен план, на се што е потребно за да се осигураме дека Украина е силна. Опфативме неколку точки, вклучително и културниот суверенитет, кој го вклучува културното наследство на Украина, современата култура и културната дипломатија“, рече Зеленски, пренесува „Укринформ“.
Тој посочи дека е разработен и делот од планот кој се однесува на безбедноста.
Министерството за внатрешни работи и Службата за безбедност имаат изработено некои добри решенија и дефинитивно се ќе спроведеме, рече Зеленски.
Тој додаде дека детално се разговарало и за точките поврзани со енергијата и оружјето, односно со нивното производство во соработка со партнерите.
„Севкупно, има десет точки што ќе бидат презентирани следната недела и за секоја точка, заедно со граѓанското општество и со сите што се подготвени да придонесат со рационални идеи, ќе подготвиме фундаментален, доктринарен документ за Украина, за нашата отпорност“, рече Зеленски. .
Тој посочи дека еден од клучните елементи на внатрешниот план за зајакнување на Украина е нејзината економска компонента.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
26 земји се подготвени да испратат војници во Украина

Дваесет и шест земји се подготвени да учествуваат во меѓународните сили како дел од безбедносните гаранции за Украина во случај на мировен договор со Русија, објави денес францускиот претседател Емануел Макрон по самитот на сојузничките земји во Киев.
„Како форма на зајакнување на мирот, 26 земји се обврзаа да распоредат војници во Украина, каде што ќе бидат присутни на копно, на море или во воздух“, изјави Макрон пред новинарите, стоејќи до украинскиот претседател Володимир Зеленски во Елисејската палата во Париз.
Францускиот претседател не кажа кои земји ги понудија своите војници, но се знае дека Франција и Велика Британија се меѓу нив.
„Вечерњи лист“ објави дека Хрватска не е меѓу земјите кои се подготвени да испратат војници во Украина, ниту пак се Италија и Полска.
Макрон рече дека тој, колегите европски лидери и украинскиот претседател имале телефонски разговор со американскиот претседател Доналд Трамп по нивниот самит и дека придонесот на САД кон планираните гаранции ќе биде финализиран во наредните денови.
Свет
Извор од Белата куќа: Трамп ѝ порача на Европа дека мора да престане да купува нафта од Русија

Американскиот претседател Доналд Трамп им порача на европските лидери дека континентот мора да престане да купува руска нафта затоа што ѝ помага на Москва да ја финансира својата војна во Украина, изјави за „Ројтерс“ функционер од Белата куќа.
Републиканскиот претседател се придружи на повикот на „коалицијата на добронамерните“ предводена од францускиот претседател Емануел Макрон за безбедносни гаранции во случај на мировен договор со Русија.
„Претседателот Макрон и европските лидери го поканија претседателот Трамп на нивниот состанок на ‘коалицијата на добронамерните’. Претседателот Трамп нагласи дека Европа мора да престане да купува руска нафта што ја финансира војната – затоа што Русија доби 1,1 милијарда евра од ЕУ за една година од продажба на гориво“, рече функционерот.
Трамп, исто така, нагласил дека „европските лидери мора да извршат економски притисок врз Кина“ за нејзината помош на Русија во војната. Европската комисија предложи целосно запирање на увозот на руски гас и нафта до 1 јануари 2028 година.
Американскиот претседател е фрустриран од неговата неспособност да ги запре борбите во Украина откако за време на кампањата објави дека ќе успее во рок од 24 часа по враќањето во Белата куќа, објави „Ројтерс“.
Средбата на „коалицијата на добронамерните“, во која учествуваа и украинскиот претседател Володимир Зеленски и претседателката на ЕК Урсула фон дер Лајен, беше на тема „безбедносни гаранции за Украина“, рече функционерот.
„Претседателот јасно стави до знаење дека ова не е негова војна и дека Европејците треба да покажат повеќе“, рече функционерот.
Фото: ЕПА
Свет
(Видео) Шверцери истоварија дрога на плажа полна со туристи во Шпанија

Група шверцери со дрога се уапсени откако го истовариле својот товар пред шокираните туристи и капачи на популарна плажа на Коста дел Сол во Шпанија.
Целиот инцидент се случил на плажата Плаја Анча, а видеото од настанот стана вирално. На него се гледа како глисер се приближува кон брегот, а потоа екипажот предава неколку големи пакети на група мажи на копно, кои брзо ги товарат во џип паркиран на песок.
Na Espanha, narcotraficantes descarregaram uma carga de haxixe marroquino em plena luz do dia e na frente dos banhistas.
Ocorreu na praia de Casares no último sábado (30/08). pic.twitter.com/QeCwvF6ysa
— Submundo Criminal (@submundodocrime) September 2, 2025
Осомничените, од кои многумина ги криеле лицата со маички, носеле тешки торби преку плажата, поминувајќи покрај капачи и семејства со деца. Откако товарот бил истоварен, друг маж скокнал од глисерот и им се придружил на остатокот од групата во џипот, кој потоа ја напуштил плажата со голема брзина. Глисерот истовремено се упатил назад кон морето.
Според шпанскиот весник „Диарио де Понтеведра“, глисерот пристигнал од Мароко, а користениот теренец наводно бил украден во Гибралтар.
Градоначалникот на Касарес, Хуан Луис Виљалон, потврди дека истрагата ја презема специјалната единица за борба против трговијата со дрога.
„Вакви настани никогаш порано не се случиле во Касарес, а камоли сред бел ден. Ова е причина за тревога и повик за јавна акција“, рече тој. „Единицата ни кажа дека ја презеле истрагата, но оваа ситуација ни предизвикува голема загриженост.“
Шпанија се смета за една од главните влезни точки за дрога на европскиот пазар. Тамошните власти редовно ги евидентираат најголемите заплени на кокаин и канабис во Европската Унија, при што повеќето пратки пристигнуваат по морски пат од Централна и Јужна Америка и Африка.