Свет
Земан го осуди уривањето на споменикот на советскиот маршал, кој ја ослободи Прага
Отстранувањето на споменикот на маршалот Иван Конев, кој ги предводеше советските трупи што ја ослободија Прага од нацистите во 1945 година, е глупав потег на луѓе што не постигнале ништо во своите животи, рече чешкиот претседател, Милош Земан.
„Маршалот Конев, кој ја ослободи не само Прага туку и Аушвиц, целосно го заслужи своето место во Прага“, истакна Земан во интервју за локалниот радиодифузер „Иприма“.
Говорејќи за уривањето на споменикот на командантот на армиската група на 1. Украински фронт, еден од најпознатите генерали на Црвената армија од Втората светска војна, тој ја нарече одлуката смешна и глупава.
„Оние што стојат зад тоа не постигнале ништо во животот. Тие им се љубоморни на оние што успеаја. За жал, има доста такви луѓе. Тие се водени од омраза и завист“, рече тој.
Властите на Шестиот округ во чешката престолнина ја отстранија статуата на Конев од нејзиниот пиедестал на почетокот на април. Среде строгите мерки за движење поради коронавирусот градоначалникот на округот, Ондреј Колар, се пошегува дека бронзениот командант е казнет затоа што немал маска.
Колар беше жестоко критикуван на нтернет како за неговите политики на поделба така и за неговата лоша смисла за хумор. Многумина се сомневаа дека намерно избрал да го сруши споменикот за време на избувнувањето на Ковид-19 за да спречи протести како оние што се случија минатиот септември кога беше донесена одлуката за статуата.
Овој потег предизвика остра реакција од Москва, која активно се спротивставува на обидите на Западот и некои нации од Источна Европа да ја преработат историјата на Втората светска војна. Рушењето на споменикот беше опишано како мрачен ден во историјата на Прага и провокација, чија цел е да се нарушат врските меѓу Русија и Чешката Република.
Руските обвинители поведоа кривична истрага против администрацијата на Шестиот округ во согласност со новиот закон, со кој се забранува уништување или оштетување на спомен-обележја на оние што загинале штитејќи ја земјата. Земан го критикува овој потег како контрапродуктивен за билатералните односи и мешање во внатрешните работи на Чешката Република.
Планирано е статуата на Конев да биде изложена во музеј посветен на тоталитарните режими присутни на чешката територија во разни периоди. Ова значи дека советскиот командант, кој беше дочекан како херој во Прага во мај 1945 година, најверојатно ќе биде дел од истата изложба заедно со нацистите што ја окупираа чешката држава – тогаш наречена Чехословачка – уште во март 1939 година, неколку месеци пред избувнувањето од Втората светска војна. Сепак, засега не е познато каде и кога ќе се отвори овој музеј, ако тоа воопшто се случи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Атентаторот на словачкиот премиер: Пукав зошто не се согласувам со политиката на владата
На социјалните мрежи е објавено видео на кое се гледа наводниот атентатор и на кое тој зборува за причините поради кои се обидел да го убие словачкиот премиер Роберт Фицо.
„Не се согласувам со политиката на владата“, наводно вели атентаторот на видеото.
#BREAKING 🚨‼️🇸🇰 Video of the assassin of Robert Fico Slovakia Premier. The reason for the assassination is that Fico is allegedly liquidating the media. Incredible statement from the suspect. #Slovakia #Fico pic.twitter.com/lRA4EFPOwG
— The Macro Story (@themacrostory) May 15, 2024
Фицо беше застрелан по состанокот на владата во Хандлова, околу 150 километри североисточно од Братислава. Атентатот се случил кога Фицо отишол меѓу насобраниот народ.
Според информациите, премиерот на Словачка бил застрелан со неколку истрели во градите и стомакот. Со хеликоптер итно бил пренесен во болница и според словачките медиуми состојбата е многу сериозна. Словачката влада објави дека животот на Фицо е во опасност.
Регион
Телото на Светлана Драгијевиќ на обдукција, соседите се сомневаат на срцев удар
Телото на Светлана Драгијевиќ, мајката на осомничениот за убиството на малата Данка, која денеска почина во Злот, е предадено на Службата за судска медицина на болницата Бор каде ќе биде извршена обдукција.
Имала проблеми со срцето и соседите се сомневаат дека се работи за инфаркт.
Од апсењето на нејзините синови Дејан и Далибор, осомничени за убиство на малата Данка и прикривање на злосторството, а подоцна и на нејзиниот сопруг Драгослав, Светлана живее сама и често се жалела на здравствени проблеми.
Таа самата го погреба својот син Далибор, кој почина во притвор на 7 април.
– Слушнавме дека денеска излегла во населбата да побара помош. Прво влегла во двор, па ја преминала улицата до куќата на другите соседи и успеала само да каже: „дај ми чаша вода, не се чувствувам добро“ и се струполила. Луѓето веднаш повикаа брза помош, но ништо не можеа, изјави еден од жителите на Злот, кој не сакал да ја коментира судбината на Драгијевиќ.
Свет
Путин го осуди атентатот на премиерот на Словачка: Пренесете му ги зборовите на најискрената поддршка и желби за брзо и целосно закрепнување
Претседателот на Русија, Владимир Путин, испрати телеграма до претседателката на Словачка и го осуди атентатот на премиерот на Словачка, Роберт Фицo.
Атентатот врз словачкиот премиер Роберт Фицо нема оправдување, тоа е грозоморно злосторство, изјави рускиот претседател Владимир Путин. Во телеграмата што и ја испратил на својата словенечка колешка Зузана Чапутова, тој изразил и желба за опоравување на Фицо, пренесува ТАСС.
„Со огорченост дознав за обидот за убиство на Роберт Фицо, премиерот на Словачка, ова монструозно злосторство не може да има никакво оправдување“, напиша Путин во својата телеграма на веб-страницата на Кремљ и додаде:
„Го познавам Роберт Фицо како храбар и подготвен човек, навистина се надевам дека овие квалитети ќе му помогнат да ја издржи оваа тешка ситуација“, се обрати рускиот лидер и продолжи: „Ве молам пренесете му ги зборовите на најискрената поддршка, исто така и желбите за брзо и целосно закрепнување“.