Австралискиот парламент донесе нови закони со кои ќе се казнува употребата на нацистички поздрави и симболи на омраза со задолжителни затворски казни од една до шест години. Овие измени на законите за криминал од омраза доаѓаат во време на бранот антисемитски напади што предизвикаа жестока дебата во земјата.

Владејачката Лабуристичка партија ги нарекува овие мерки „најстрогите закони за криминал од омраза во австралиската историја“.

Отсега, давањето нацистички поздрав ќе резултира со задолжителни затворски казни.

Според новите закони, секој јавен чин на истакнување нацистички симболи или изведување нацистички поздрав автоматски носи минимум една година затвор. Дополнително, финансирањето тероризам сега носи минимална казна затвор од три години, додека оние кои се осудени за планирање или извршување терористички напади ќе добијат минимум шест години затвор.

Поранешниот сенатор на Лабуристичката партија Ким Кар ја обвини сопствената партија за кршење на сопствената платформа и отстапување од нејзината политика против задолжителните затворски казни. Лабуристите досега тврдеа дека таквите казни не ја намалуваат стапката на криминал, ја поткопуваат независноста на судовите и често се дискриминаторски во пракса.

Но, ниту опозициските партии не го дочекаа законот со ентузијазам. Либералниот сенатор Џејмс Патерсон го обвини премиерот дека бил принуден да го донесе законот под притисок на јавноста.

„Парламентот не ги донесува овие закони поради решителноста на Лабуристичката партија“, изјави Патерсон на новинарите во Канбера. „Премиерот беше буквално принуден да воведе силни закони кои ќе обезбедат вистинска казна за ваквото однесување.

Забраната за нацистичкиот поздрав и симболите на омраза беше воведена во Австралија уште во јануари 2024 година, со казна затвор до една година. Но, со последните измени на законот оваа затворска казна сега е задолжителна, без можност за условна.

Министерот за внатрешни работи Тони Бурк го бранеше законот, велејќи дека „ова не е политичко прашање“.

„Ова е за тоа дали австралискиот парламент ќе испрати јасна порака дека не е прифатливо да се заканува, да се залага или да врши насилство врз некого поради тоа кој е, на која религија припаѓа или кого сака“, рече Бурк во парламентот.

Овие промени доаѓаат по неколку сериозни антисемитски напади во Австралија во последните месеци.

Минатата недела австралиските власти пронајдоа караван во Сиднеј со експлозиви и антисемитска порака. Само една недела претходно беше запалена градинка во близина на еврејско училиште и синагога, а на нејзините ѕидови се појавија графити со антисемитски пораки.

Во декември минатата година беше разгорен пожар во синагога во Мелбурн додека верниците беа внатре. Никој не е сериозно повреден, но инцидентот ја потресе целата земја.

Рускиот претседател Владимир Путин го разреши Јуриј Борисов од функцијата генерален директор на Роскосмос и на негово место го назначи Дмитриј Баканов, објави каналот Телеграм на Кремљ.

Одлуката за смена на шефот на руската државна корпорација за вселенски активности стапува во сила денеска, пренесува ТАСС. Пред неговото именување во Роскосмос, 39-годишниот Баканов работел во Министерството за транспорт како заменик министер.

На оваа позиција тој беше особено вклучен во прашањата за иновациите, вклучувајќи го и беспилотниот транспорт, соопшти агенцијата.

Пред да се приклучи на руското Министерство за транспорт, Баканов беше на чело на сателитскиот систем Гонец од 2011 до 2019 година.

Руското Министерство за транспорт соопшти дека му честитало на Баканов за неговото назначување и му посакало континуиран успех на новата функција. Борисов беше на чело на Роскосмос од 2022 година, кога го замени Дмитриј Рогозин.

Пред неговото именување, тој работеше како вицепремиер на Руската Федерација, надгледувајќи го технолошко-одбранбениот комплекс, а пред тоа беше заменик министер за одбрана на Русија, јави ТАСС.

Демонстранти во Бангладеш ја вандализираа и запалија поранешната семејна куќа на соборениот премиер Шеик Хасина, како и домовите на другите членови на нејзината партија.

Немирите избија по веста дека Хасина ќе и се обрати на нацијата преку социјалните мрежи од Индија, каде што е во егзил откако беше соборена во студентските протести минатата година, јавува Би-би-си.

Хасина, 77-годишна политичарка која го водеше Бангладеш 20 години, се сметаше за автократ чија влада безмилосно го потиснуваше секое несогласување.

#BREAKING: Bangladesh: Violent mob of students has vandalised the historic home of Bangabandhu Sheikh Mujibur Rahman at Dhanmondi-32 of Dhaka, minutes before an online address of Sheikh Hasina. Protesters demanded ban on Awami League. Massive violence continues at this moment. pic.twitter.com/ABMTTJE8Ud

— Aditya Raj Kaul (@AdityaRajKaul) February 5, 2025

Вчера вечерта багер ја урна куќата на покојниот татко на Хасина, Шеик Муџибур Рахман, кој е и основач на Бангладеш. Таа зграда беше претворена во музеј. Таткото на Хасина е широко почитуван како херој за независност, но гневот кон неговата ќерка го извалка неговото наследство меѓу критичарите на Хасина. Во директен пренос на Фејсбук, Хасина го осуди нападот и побара правда. „Можат да срушат зграда, но не можат да ја избришат историјата“, рече таа.

Хасина беше прославена и како икона на продемократското движење, но нејзиниот углед опадна откако дојде на власт. Таа е обвинета за местење избори и затворање критичари, а нејзината администрација нашироко се смета за корумпирана. Против неа се издадени налози за апсење и поради задушување на студентските протести минатата година, во кои животот го загубија стотици луѓе.