Свет
Земјите од БРИКС имаат повеќе од 20 отсто од светските резерви на злато

Земјите од БРИКС имаат повеќе од 20 отсто од светските резерви на злато, најмногу Русија и Кина, пренесува РИА Новости, повикувајќи се на податоци на Светскиот совет за злато.
Во вториот квартал од 2024 година, вкупните светски резерви на злато изнесуваат 29,03 илјади тони, од кои 6,2 илјади тони или 21,4 отсто се регистрирани во земјите членки на организацијата БРИКС, според медиумот.
Русија има најмногу злато од сите земји на БРИКС, поточно 2,34 илјади тони, што претставува 8,1 отсто од сите светски резерви и 37,6 отсто од резервите на организацијата БРИКС.
На второ место е Кина, која има 2,26 илјади тони злато, односно 7,8 отсто од глобалните резерви и 36,4 отсто од резервите на БРИКС.
Индија, Саудиска Арабија, Бразил, Египет, Јужна Африка и Обединетите Арапски Емирати имаат помалку од три отсто од вкупните златни резерви во светот.
САД, според написитем имаат најголеми резерви на злато, односно 8,1 илјади тони или речиси една третина од сите светски резерви. Следува Германија со 3,35 илјади тони и 11,6 отсто резерви, Италија со 2,45 илјади тони и 8,5 отсто резерви, Франција со 2,44 илјади тони и 8,4 отсто резерви, додека Русија е на петто место, наведува РИА Новости, пренесува Танјуг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Птичји грип потврден во Полска

Полска пријави појава на високопатоген птичји грип H5N1 на две живинарски фарми, објави вчера Светската организација за здравје на животните (WOAH).
Вирусот е откриен на фарма за гуски и на фарма за мисирки во градот Суш и уби приближно 4.000 птици, објави WOAH повикувајќи се на извештај од полските власти.
Во мај Варшава го потисна вирусот H5N1, според WOAH.
Во меѓувреме, вирусот повторно почна да се шири во Европа и од крајот на август Норвешка, Германија, Португалија и Бугарија пријавија појава на птичји грип. Во средината на јули болеста се појави и на фарма за мисирки во Шпанија.
Птичјиот грип обично се шири меѓу живината во Европа на почетокот на есента, забележува „Ројтерс“.
Варшава минатата недела изјави дека се надева дека ќе ги продолжи испораките во Кина во рок од еден месец по потпишувањето на договорот со Пекинг. Извозот беше суспендиран поради ширењето на птичјиот грип во 2023 година.
Вредноста на извозот на полска живина во Кина се проценува на две милијарди злоти (470,69 милиони евра).
Свет
(Видео) Новиот кинески носач на авиони има технологија каква што имаат само Американците

Најновиот и најнапреден носач на авиони во Кина, „Фуџијан“, успешно лансира три типа авиони користејќи го својот нов електромагнетен катапулт. Кинеските државни медиуми објавија снимки од лансирањето нарекувајќи го голем технолошки пробив и пресвртница во модернизацијата на морнарицата, објави Си-ен-ен.
Снимките објавени од државниот радиодифузер CCTV го прикажуваат ловецот од петта генерација, невидливиот „J-35“, повеќенаменскиот ловец „J-15T“ и авионот за рано предупредување и контрола „KJ-600“ како полетуваат од носачот. Сите беа лансирани со помош на напреден систем познат како EMALS (Електромагнетен систем за лансирање авиони).
Освен Кина, единствената земја во светот што ја има оваа технологија се САД на нивниот најнов носач на авиони, USS Gerald R. Ford. Аналитичарот и поранешен капетан на американската морнарица, Карл Шустер, верува дека успешните тестови би можеле да значат дека „Фуџијан“ би можел да влезе во официјална служба со Морнарицата на Народноослободителната армија (PLAN) за само неколку недели.
Системот EMALS им овозможува на авионите да полетуваат со поголем товар оружје и гориво во споредба со двата постари кинески носачи, „Шандонг“ и „Лијаонинг“, кои користат рампи за полетување од типот ski-jump. Ова ќе им овозможи на авионите од „Фуџијан“ да напаѓаат цели од поголеми растојанија и ќе им даде на кинеската морнарица таканаречени можности сина вода, односно можност за дејствување на отворен океан.
Сепак, за разлика од американските носачи, кои се на нуклеарен погон, „Фуџијан“ користи конвенционално гориво, што го ограничува неговото време на море.
фото: принтскрин
Европа
Шведскиот министер до Русија: Имаме право на вооружен одговор без предупредување

Полска ќе собори сè што ќе го наруши нејзиниот воздушен простор, изјави полскиот премиер Доналд Туск, а шведскиот министер за одбрана Пол Јонсон одговори дека Шведска исто така ќе употреби сила доколку е потребно. Острите пораки доаѓаат во услови на зголемено руско кршење на воздушниот простор на земјите членки на НАТО на исток, објавува „Афтонбладет“.
Само минатиот петок три руски борбени авиони „миг-31“ влегоа во естонскиот воздушен простор и останаа таму најмалку дванаесет минути. Неколку дена пред тој инцидент, Полска и Романија исто така беа принудени да реагираат на приближувањето на руските беспилотни летала.
„Апсолутно никаква дискусија“
Полскиот премиер Доналд Туск нагласи дека неговата земја нема да се двоуми да собори авиони што го нарушуваат нејзиниот воздушен простор. „Ќе собориме летачки објекти кога ќе ја нарушат нашата територија и ќе летаат над Полска. Апсолутно никаква дискусија за тоа“, рече Туск на прес-конференција.
Сепак, Туск додаде дека мора двапати да размисли пред да преземе мерки што би можеле „да предизвикаат многу акутна фаза од конфликтот“. Тој исто така нагласи дека Полска сака да се осигури дека сите членки на НАТО ќе дејствуваат на ист начин доколку ситуацијата ескалира: „Морам да бидам апсолутно сигурен дека сите сојузници ќе се однесуваат кон ова на ист начин како што се однесуваме ние“.
Ваквите ситуации носат ризик од ескалација. Во 2015 година, Турција, исто така членка на НАТО, собори руски борбен авион Су-24 по десет предупредувања. Инцидентот предизвика голема дипломатска криза меѓу двете земји, а претседателот Реџеп Таип Ердоган на крајот се извини на семејството на загинатиот пилот.
Министерката за надворешни работи на Велика Британија, Ивет Купер, исто така коментира за моментната ситуација велејќи дека Обединетото Кралство и силите на НАТО се подготвени за вооружена конфронтација со Русија: „Ако треба да се соочиме со авиони што се наоѓаат во воздушниот простор на НАТО без дозвола, ќе го сториме тоа. Тие отвораат врата за директна вооружена конфронтација меѓу НАТО и Русија“.
Шведскиот министер за одбрана Пол Џонсон го дели ставот на Туск. „Ниедна земја нема право да го наруши шведскиот воздушен простор. Шведска има право да го брани својот воздушен простор, со сила доколку е потребно, и ќе го брани својот воздушен простор“, рече тој во коментар за „Афтонбладет“.
Џонсон објасни дека владата им дала на шведските вооружени сили јасни упатства за тоа како да дејствуваат во вакви случаи: „Ова го вклучува правото, доколку е потребно, да употребат вооружена сила, со или без претходно предупредување“.
Лидерката на шведските социјалдемократи, Магдалена Андерсон, исто така се согласува со Полска и со Обединетото Кралство. „НАТО е одбранбен сојуз, но ако Русија го наруши воздушниот простор на НАТО со беспилотни летала или авиони, мора да бидеме подготвени да им се спротивставиме. Мора да бидеме подготвени да ја браниме секоја педа од територијата на алијансата“, напиша таа на социјалната мрежа „Икс“.
фото: принтскрин