Свет
Земјотресот во Турција остави многу деца без семејства, од траумата некои од нив не може ни да зборуваат

Катастрофалните земјотреси во Турција и Сирија досега однесоа најмалку 41.000 животи, а од урнатините продолжуваат да се појавуваат чудесни приказни за спасување на затрупаните, вклучувајќи и новороденче пронајдено со папочната врвца сè уште прикачена на мртвата мајка.
Тоа бебе го добило името Аја, што значи „чудо“, а таа е единствениот преживеан член од нејзиното потесно семејство кога во земјотресот во Сирија ги загубила родителите и четирите браќа и сестри. Откако фотографиите од повреденото девојче го обиколија светот, се појави ново прашање – што ќе биде со неа?
Од разни делови на светот почнаа да пристигнуваат стотици понуди од луѓе што сакаа да ја посвојат. Аја, сепак, има роднина што ќе се грижи за неа кога ќе излезе од болница иако и самиот моментно е бездомник. Салах ал-Бадран и неговото 11-члено домаќинство живеат во шатор бидејќи нивната куќа беше уништена во земјотресот, изјави тој за АП.
Би-би-си пишува дека многу деца спасени од урнатините биле донесени во болницата во Адана од други региони само затоа што таа е единствената институција што не е срушена во земјотресот.
Многу други медицински центри во зоната на катастрофата беа уништени или оштетени, а Адана стана место за спасување. Новородените бебиња биле префрлени во таа болница од породилиштето, кое било многу оштетено.
Би-би-си наведува дека повредените деца, кои се примени во градската болница во Адана, се премногу мали за да знаат што изгубиле. Има стотици случаи на неидентификувани деца, чии семејства се мртви, а меѓу нив има и шестмесечно девојче, чии родители не се пронајдени.
Таа на одделот за интензивна нега е позната само по знакот на нејзиниот кревет – „анонимна“.
„Знаеме каде е пронајдена, но се обидуваме да ја дознаеме адресата. Потрагата продолжува“, изјави д-р Нурсах Кескин, педијатар и заменик-директор на болницата, за Би-би-си.
Дури и постарите деца не може веднаш да го откријат својот идентитет поради шокот. Во болницата во Адана е сместено и 6-годишно девојче, кое поради траума не може да зборува. Д-р Илкнур Банкесур за Би-би-си изјави дека децата си ги знаат своите имиња и дека ќе се обиде да разговара со нив кога нивната состојба ќе се стабилизира за неколку дена.
„Засега имаме само контакт со очите и гестови“, рече таа.
Децата се една од најранливите групи во секоја катастрофа, природна или човечка предизвикана. Сега на многу деца, како што пишува Би-би-жси, им се избришани имињата, како на шестмесечното девојче во болницата во Адана.
Аја и анонимното девојче се меѓу многуте деца што останаа без семејство во земјотресот од 7,8 по Рихтер, што на 6 февруари ги погоди северна Сирија и југоисточна Турција и чија понатамошна судбина е отворено прашање.
Според „Вашингтон пост“, тие го сочинуваат преголемиот број деца што останале сираци поради земјотресот.
Турските здравствени власти соопштија дека моментно има повеќе од 260 повредени деца, кои не се идентификувани.
Официјалните лица се обидуваат да ги идентификуваат децата со адреси, но овие локации често се само урнатини. Во најмалку 100 случаи неименувани деца веќе се згрижени, наведува Би-би-си.
Некои деца се обединија со своите семејства, како што е трогателниот случај на Нилај и Џенгиз Фансе, кои го најдоа живо своето осуммесечно бебе.
#Hatay‘da yıkılan binadan beşiğiyle birlikte bahçeye düşen 6 aylık Birce Fansa’nın sesini kedi zanneden komşular, bebekle karşılaşınca sağlık ekiplerini çağırdı. 13 saat sonra kurtarılan anne Nilay Fansa öldüğünü düşündüğü yavrusuna 9 gün sonra kavuştu.https://t.co/4fp5MUrS4O
— Sabah (@sabah) February 15, 2023
Додека некои деца имаа среќа, други, како што го опиша Би-би-си, се „анонимни деца на земјотресот“.
Некои ги земаат роднините, како во случајот со малата Аја, а турската влада апелира до луѓето да се пријават за згрижувачки семејства. Во тешко погодените области се формираат импровизирани сиропиталишта, но ќе помине долго време додека семејствата да се обединат онаму каде што е можно.
Иако посвојувањето во моментот не е опција за помош на децата сирачиња од земјотресите во Турција и Сирија, постојат и други начини за помош. На организациите на терен им се потребни донации за да платат услуги за професионална помош и тешка опрема, пренесе „Блиц.рс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.
Свет
Поради гладување 90.000 жени и деца итно имаат потреба од медицинска интервенција во Газа

Секој трет жител на Појасот Газа со денови не добива храна, предупреди Светската програма за храна (WFP) на Обединетите нации. Во последното соопштение се наведува дека 90.000 жени и деца итно имаат потреба од медицинска интервенција поради тешка неухранетост.
Според Министерството за здравство во Газа, само вчера починале уште девет лица од глад, со што бројот на жртви од неухранетост од почетокот на конфликтот достигна 122.
Израел, кој го контролира влезот на сите залихи во Газа, повторува дека не постои блокада и ја обвинува Хамас за лошата распределба на ресурсите.
Меѓународната заедница, вклучувајќи ги Германија, Франција и Велика Британија, побара итно олеснување на влезот на помошта, а генералниот секретар на ОН Антонио Гутереш остро ја осуди „рамнодушноста и недостигот на човечност“ во глобалниот одговор на кризата.
Регион
Големи пожари беснеат на најмалку пет различни локација во Грција

Во источниот дел на областа Атика, поширокиот регоион на Атина, во северна Грција, на островите Евија и Китира, како и во јужниот дел на Пелопонез, попладнево се активни големи пожари, а од бројот 112 за итни случаи беа испратени низа пораки до жителите на зафатените области.
Во пожарот во централна Евија, изгореа две противпожарни возило, а четворица пожарникари со полесни повреди на рацете и очите и со респираторни проблеми биле префрлени во болница.
Во сите пожари, беа превентивно евакуирани жителите на населените места во непосредна близина на огнената стихија, откако од бројот 112 за итни случаи беа испратени соодветни пораки.
За Атика, Евија и за дел од Пелопонез за денеска имаше предупредување за екстремно голема опасност од пожари, категорија пет, што воедно е и највисоката категорија во прогнозите за опасност од пожари на Министерството за цивилна заштита и климатски кризи на Грција.