Свет
Извори од азербејџанската влада: Руски проектил ја предизвика авионска несреќа

Владини извори на Азербејџан денеска потврдија за Еуроњуз дека падот на авионот во кој загинаа 38 патници, од кои некои преживеаја, при слетување во близина на градот Актау во Казахстан бил предизвикан од руски проектил земја-воздух.
Според овие извори, проектилот бил истрелан кон летот 8432 за време на активноста на беспилотни летала над Грозни, а проектилите ги погодиле патниците и екипажот откако експлодирале покрај авионот за време на летот.
Владини извори за „Еуроњуз“ изјавија дека оштетениот авион не смеел да слета на ниту еден руски аеродром и покрај барањата на пилотот за итно слетување. Наместо тоа, му било наредено да лета преку Каспиското Море кон Актау, Казахстан.
Податоците покажуваат дека ГПС навигациските системи на авионот биле прекинати во текот на летот над морето.
Според извештајот на меѓународниот портал AnewZ со седиште во Баку, кој се повикува на извори од азербејџанската влада, проектилот бил истрелан од системот за воздушна одбрана „Панцир-С“.
Руски извори јавуваат дека руските сили за воздушна одбрана активно се обиделе да соборат украински беспилотни летала кога авионот на Азербејџан ерлајнс ја преминувал Чеченија.
Доколку се потврдат овие прелиминарни извештаи, ова ќе биде втор пат во една деценија руските сили да соборат комерцијален авион, по соборувањето на летот МХ17 во Украина. Овој пат меѓу жртвите има руски државјани, но и оние од соседните земји.
Понатамошната истрага за несреќата треба да ги открие околностите околу лансирањето на ракетата, одбивањето за слетување на блиските аеродроми во Русија и наредбата да се прелета оштетениот авион над морето.
Покрај тоа, и четири извори потврдиле за Ројтерс дека патничкиот авион кој вчера се урна во Казахстан, претходно бил погоден од руска ракета над Чеченија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Американскиот сенатор Греам: Го молам Ватикан да размисли Трамп да биде папа

Американскиот сенатор Линдзи Греам, републиканец од Јужна Каролина, во објава на „Икс“ напиша дека Трамп треба да биде новиот папа.
„Бев возбуден кога слушнав дека претседателот Трамп е отворен за идејата да стане следниот папа. Навистина би бил кандидат во сенка, но би ги замолил конклавата и католичките верници да бидат со отворен ум за оваа можност! Првата комбинација папа – претседател на САД има многу предности. Ние го следиме белиот чад… Трамп MMXXVIII!“, напиша тој на „Икс“.
Доналд Трамп вчера изјави дека би сакал да биде папа. „Би сакал да бидам папа. Тоа би бил мојот прв избор“, му рече американскиот претседател на новинар, кој го праша за конклавата.
Тој продолжи нагласувајќи дека нема фаворит, но посочи дека Тимоти Долан, надбискупот на Њујорк, би можел да биде добар избор. „Не знам. Немам фаворит. Но, морам да кажам дека имаме кардинал од место наречено Њујорк, кој е многу добар, па ќе видиме што ќе се случи“, рече Трамп.
Греам е познат по значајните промени во политичките ставови, особено во врска со Доналд Трамп и надворешната политика.
Европа
Осумнаесет општински службеници во Истанбул завршија во затвор

Турски суд затвори 18 службеници на градската власт во Истанбул поради обвиненија за корупција продолжувајќи ја репресијата против опозицијата поради која беше затворен и градоначалникот Екрем Имамоглу.
Имамоглу, главен политички ривал на претседателот Ердоган и водечки на анкетите, беше затворен во март во очекување судење по обвиненијата за корупција. Тој се соочува и со обвиненија за помагање терористичка група.
Градоначалникот ги негира сите обвиненија, а неговото апсење ги предизвика најголемите протести во Турција во последната деценија, економски превирања и обвинувања за политизирано судство. Владата ги отфрла овие тврдења и вели дека судството е независно.
НТВ објави дека 34 од 52 лица приведени за време на викендот биле ослободени со кауција. Турските медиуми пред четири дена објавија дека властите привеле десетици вработени во општина Истанбул како дел од правните истраги насочени кон Имамоглу проширувајќи ја репресијата против опозицијата, која почна кон крајот на минатата година.
Меѓу приведените се генералниот секретар, началникот на кабинетот на Имамоглу и претседателот и заменик-претседателот на Управата за водоснабдување и канализација.
Европа
Шведската полиција уапси осомничен за пукањето во кое загинаа три лица

Шведската полиција објави дека привела осомничено лице по пукањето во кое загинаа три лица во градот Упсала во вторникот.
Лицето е осомничено за убиство и е едно од неколкуте лица што се испрашуваат како дел од истрагата, изјавија полицајци за новинарите.
Пукањето се случило во фризерски салон во Упсала, додадоа тие.
Полицијата соопшти дека инцидентот се смета за изолиран и не е поврзан со големите прослави на Валпургиската ноќ, што се очекуваат во Упсала в среда.