Свет
Издржала удари со камшик затоа што не сакала да стави шамија: исповед на девојка од Иран
Роја Хешмати, девојка од Иран, раскажува со што треба да живеат жените во таа земја и како продолжуваат да се борат против репресивниот режим кој им ги одзема најосновните човекови права. Таа открива дека издржала 74 удари со камшик бидејќи одбила да си ја покрие косата.
Според написите на медиумите, единственото злосторство на оваа 33-годишна жена е тоа што не сакала да ја носи шамијата што ја пропишале како задолжителна.
Таа опиша сè во својата вознемирувачка објава на „Фејсбук“, која повеќе не е достапна за јавноста.
Реков: „Не сакам да го носам тоа“.
„Ќе те камшикувам толку силно што нема да знаеш каде си, ќе добиеш 74 удари со камшик“, ми рече полицаецот, но јас сепак одбив да го ставам превезот. Ме однесоа во некој подрум, со мене беа приведени неколку мажи, кои пиеле алкохол.
„Навистина не сакаш да го облечеш“, повторно ме праша и јас повторно одбив. Две покриени жени ми пријдоа и повторно и повторно ми го ставаа превезот на главата. Јас го тргнав уште еднаш.
На самиот крај од подрумот имаше соба со железен кревет. Од двете страни на креветот имаше железни лисици и окови. Навистина се чувствувавме како да се вративме во средниот век, а јас како да бев во комора за мачење.
Судијата ме праша: „Госпоѓо, дали сте добро? Дали имате проблем?“ „Не“, одговорив. Тој рече: „Госпоѓо, јас сум на ваша страна“, но ниту на тоа не одговорив.
Службеникот, кој ме тепаше, ми рече уште еднаш да ставам шамија. Кога одговорив дека не сакам, почнаа ударите. Чувствував страшна болка во грбот, рамената, задникот, грбот. Веќе не можев ниту да ги бројам ударите и само шепнав: „Во име на жените, во името на животот, ропската облека се кине. Ноќта на нашето заробеништво ќе стане зора и ќе ни се залечат сите рани“.
Кога беше готово, ме изнесоа надвор. Не дозволив никој да види колку ме боли. Повторно ме изведоа пред судијата, кој ми рече дека не е среќен што ме тепале, туку дека тоа е закон и дека мора да се почитува“.
Канцеларијата на ОН за човекови права изрази загриженост за третманот на жените и девојчињата во Иран повикувајќи на распуштање на моралната полиција на Исламската Република.
Во прегледот на состојбата со човековите права во Иран, Канцеларијата наведе дека Техеран треба да воведе закон што ги штити жените и девојчињата од каква било форма на насилство, објави „Ројтерс“.
„Државата потписничка мора да усвои сеопфатен закон со кој се криминализираат сите форми на насилство врз жените и девојчињата, кои експлицитно се занимаваат со семејно насилство, силување во бракот и злосторства извршени во име на таканаречената чест“, се наведува во извештајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Приведени 100 учесници на пропалестинските демонстрации на Универзитетот во Бостон
Полицијата денеска го растури студентскиот протест против израелската агресија во Појасот Газа на североисточниот универзитет во Бостон, а Универзитетот соопшти дека се уапсени околу 100 студенти.
Од универзитетот додаваат дека секој што имал универзитетска лична карта е ослободен и дека „ќе се соочи со дисциплинска постапка на универзитетот, но не и законска постапка“.
Во соопштението на универзитетот се нагласува дека активностите на демонстрантите се зголемени на ниво кое училиштето „не може да го толерира“, пренесува Бостон Хералд.
Les étudiants de l'Université Northeastern de Boston ont empêché les fourgons de police de quitter les locaux avec les étudiants arrêtés après avoir tenté de démanteler le camp de solidarité de Gaza. pic.twitter.com/bnJQQJ7YZU
— Marysieńka (@MarieMarysienka) April 27, 2024
Регион
Ужас во Загреб: пронајдено тело во автомобил во одводен канал
Граѓани попладнево во одводен канал во Загреб пронашле возило со тело на непознато лице, соопшти полицијата.
Повикот во полиција стигнал нешто по 13 часот.
Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист.
Истрагата е во тек.
Свет
(Видео) Нарачала фустани преку интернет, а во пакетот ѝ стигнала епрувета со крв
Ана Елиот од Тенеси неодамна нарачала фустани преку онлајн продавница, а кога пристигнал пакетот била преплашена.
Во кутијата, покрај облеката, пронашла епрувета со човечка крв и конзерва грав!
„Епруветата немаше име, име на лабораторија, ниту датум кога е земена крвта“, објаснува таа во видеото кое е прегледано повеќе од седум милиони пати.
Девојчето го контактирало Центарот за контрола и превенција на болести, кој го третира инцидентот како „биолошка опасност“, пренесува New York Post.
Ана ги предупреди клиентите на онлајн продавницата да бидат внимателни при отворањето на пакетите, а подоцна откри дека била во контакт со нивните претставници.
„Покренавме истрага и утврдивме дека пакетот поминал контрола на квалитетот и го оставил нашиот пакет без дополнителни артикли. Само со артикли кои се нарачани“, велат од компанијата.
Жителката на Тенеси објави серија видеа во кои ги информира своите следбеници за најновите случувања.
Претставник на транспортната компанија изјави:
„Искрено се извинуваме за ова искуство. Ние ги третираме пратките на нашите клиенти со најголема грижа и преземаме соодветни чекори за да го решиме овој проблем“.
Сè уште не се знае чија крв е во шишето, а конзервата со грав е уште поголема мистерија.
@anna_200.1 @SHEIN is denying that they have anything to do with it. And the @CDC.govOfficial ♬ Spooky, quiet, scary atmosphere piano songs – Skittlegirl Sound