Свет
Израелската армија објави: Го убивме воениот началник на Хамас

Израелските одбранбени сили (ИДФ) денеска објавија дека Мохамед Деиф, воениот началник на Хамас во Газа, бил убиен во напад врз Кан Јунис минатиот месец.
Како што се наведува во соопштението на ИД, тие извршиле „прецизен, насочен напад“ врз комплексот во кој престојувале Деиф и Рафа Салам, уште еден командант на Хамас.
Израелските власти претходно објавија дека имаат индиции дека нивниот напад бил успешен и дека Деиф е убиен, но до денес не можеа да го потврдат тоа. ИДФ ја потврди смртта на Салам минатиот месец, јавува Си-ен-ен.
Хамас засега не објави ништо на оваа тема.
Медиумите потсетуваат дека ноќта меѓу вторникот и средата, околу два часот по полноќ, во Техеран беше убиен шефот на политичкото биро на Хамас, Исмаил Ханиј.
Иранските медиуми, повикувајќи се на ирански претставници и на Револуционерната гарда, објавија дека Ханиј и неговиот телохранител биле убиени од воден проектил, кој ја погодил вилата за воени ветерани во која Ханиј престојувал претходните денови.
Иран веднаш го обвини Израел за нападот, кој ниту потврди ниту демантира дека стои зад убиството на еден од лидерите на Хамас. Од Техеран, каде што денеска се одржува погребната церемонија на Ханиј со присуство на највисоките државни и воени лидери на Иран и илјадници граѓани, се закануваат со одмазда на Израел тврдејќи дека нивна „должност е да се одмаздат за крвта на Ханиј“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Протести во цела Србија по крвавата ноќ во Нови Сад

По синоќешното полициско насилство на кампусот на Универзитетот во Нови Сад, денеска веќе се одржуваат протести во повеќе српски градови. Илјадници граѓани и студенти се собраа на улиците како одговор на, како што велат, бруталните акции на полицијата.
Од Центарот на протестите во Нови Сад се јавуваат пораки на отпор: „Ќе одговарате. Ќе одговарате. Ќе одговарате“. Студентите во блокада обвинија дека инцидентите биле инсценирани, а полициската интервенција однапред планирана. „Оние кои го нарачаа синоќешниот варваризам се свесни дека институционалното решавање на кризата би ги довело до доживотен затвор и се подготвени да ја жртвуваат Србија за да се спасат себеси“, наведоа тие.
Valjevo trenutno !!! 💪🏻❤️
Za Novi Sad ! 🙏🏻
Repost – Marija Ognjenović pic.twitter.com/iyGq5BMyiv
— Shonetin (@kaonikotinn) September 6, 2025
View this post on Instagram
Kragujevac trenutno!
Protest je trenutno ispred zgrade SUPa, sugrađani skandiraju! pic.twitter.com/wMKwFUhIux
— Kreni-Promeni (@KPromeni) September 6, 2025
Građani se okupljaju ispred “29. novembra” u Beogradu pic.twitter.com/dF6jVE7eSB
— Čuvari/ke vatre (@CuvariVatre) September 6, 2025
Министерот за внатрешни работи Ивица Дачиќ денеска изјави дека 13 полицајци се повредени, а 42 лица се приведени. Полицијата и понатаму останува распоредена пред Ректоратот и Филозофскиот факултет.
Деканите на неколку факултети на Универзитетот во Нови Сад пак побараа оставка од ректорот Дејан Мадиќ, наведувајќи дека токму на неговиот кампус полицијата извршила насилен упад врз мирни студенти. „Насилното однесување на неколку демонстранти не може да биде изговор за неселективна употреба на хемиски средства против илјадници граѓани,“ стои во нивната заедничка изјава.
Ситуацијата доби и меѓународна димензија – групата социјалисти и демократи во Европскиот парламент остро го осудија и полициското насилство и изјавите на претседателот Александар Вучиќ, кој европратениците ги нарече „олош“.
Свет
Сијарто: Не нè интересира Москва, за Украина нема место во ЕУ

Министерот за надворешни работи Петер Сијарто изјави дека ставот на неговата земја не е диктиран од Москва, туку произлегува од интересите на унгарските граѓани. Тој се повика на референдум, според кој мнозинството гласачи се изјасниле против украинското членство поради загриженост за земјоделството, пазарот на труд и безбедноста.
Изјавата дојде по средбата на украинскиот претседател Володимир Зеленски со претседателот на Европскиот совет, Антонио Кошта. Зеленски претходно порача дека е „чудно“ кога дури и Владимир Путин не се противи на европските интеграции на Киев, а тоа го прави Унгарија.
Сијарто возврати дека унгарската политика се креира внатрешно, а не по диктат на надворешни сили.
„Нè интересираат само нашите граѓани, а не ставовите од Москва“, рече тој.
На ова реагираше украинскиот министер за надворешни работи Андриј Сибиха, кој оцени дека приклучувањето на Украина не претставува закана за Унгарија. Тој потсети дека унгарските земјоделци активно купуваат украинска пченица, а унгарските компании и пред војната вработувале украински работници за да го пополнат недостигот од кадар.
„Наместо препукувања преку социјалните мрежи, потребна е суштинска дискусија и прагматичен пристап. Верувам дека можеме да најдеме решенија во интерес на двата народа“, порача Сибиха.
Иако сите 27 земји-членки на ЕУ формално дале зелено светло за отворање на преговорите, Унгарија и понатаму го блокира процесот. Минатата година, Будимпешта ѝ достави на Украина листа со 11 барања поврзани со правата на малцинствата, но дел од разговорите биле стопирани поради скандал со наводна шпионажа.
Во меѓувреме, Литванија предложи преговорите да започнат технички со поддршка од 26 земји, а правно да се финализираат кога Унгарија ќе се согласи.
Свет
Хрват со два ножа нападнал полицајци во Германија, тие го застрелале

Германската полиција застрела и сериозно рани 25-годишен Хрват во Сасенберг откако наводно нападнал полицајци со два ножа, соопштија канцеларијата на јавниот обвинител и полицијата, објави Билд.
И покрај повторените предупредувања од полицијата и барањата да го спушти оружјето, напаѓачот одбил да го запре нападот. Потоа полицијата го застрелала сторителот во горниот дел од телото. Тој се здобил со сериозни, но не опасни по живот, повреди и бил однесен во болница.
Според истражителите, инцидентот бил расправија меѓу соседи, а инцидентот се случил во петокот околу 14:30 часот. Во еден момент, 25-годишниот маж наводно извадил два ножа, кои подоцна ги употребил за да им се закани на полицајците.
Хрватот, објавува германскиот весник, лесно повредил 39-годишен маж и уште еден сосед (50) со оружјето, пред да избега.
Кога службите за итни случаи го фатиле во близина кратко потоа, ситуацијата ескалирала.