Свет
Израелската армија призна: Убивме американскa активистка, не беше намерно

Војската на Израел објави дека е голема веројатноста нејзините сили да испукале истрел во кој загина жена со американско и турско државјанство на протестот на Западниот Брег минатата недела. Американскиот државен секретар Антони Блинкен рече дека убиството е неиспровоцирано и неоправдано и покажува дека израелските безбедносни сили мора да направат некои суштински промени во својата политика.
Турските и палестинските власти минатиот петок рекоа дека израелските војници застрелале и убиле 26-годишна жена Ајсенур Езги Ејги, која учествувала на редовниот протестен марш на активисти во Беита, село во близина на Наблус. Командантите на израелските одбранбени сили спроведоа истрага за инцидентот, соопшти војската во вторникот.
„Истрагата покажа дека е многу веројатно дека таа била погодена индиректно и ненамерно од оган на ИД, кој не бил насочен кон неа, туку кон клучниот поттикнувач на немирите“, соопшти армијата. „Инцидентот се случи за време на насилни немири во кои десетици осомничени Палестинци запалија гуми и фрлаа камења врз безбедносните сили во Беита“, додаде армијата, изразувајќи „длабоко жалење“ за смртта на жената.
Израел испрати барање до палестинските власти да изврши обдукција.
Израелската војска минатата недела соопшти дека ги разгледува извештаите дека странска државјанка е „убиена во престрелка во областа“ и дека се истражуваат „деталите за инцидентот и околностите во кои била погодена“. Американските власти потоа повикаа на целосна истрага и рекоа дека Вашингтон ќе ја задржи осудата додека Израел не ги објави своите наоди.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Инциденти по протестот во Белград: Петпати фрлија солзавец, но луѓето бришат солзи и не се откажуваат, летаат јајца и шишиња по полицијата

Голема толпа народ не се повлекува од улиците на Белград иако студентскиот протест, преку кој испратија порака за предвремени парламентарни избори, заврши. Полициски кордони има насекаде и се обидуваат да ја потиснат масата луѓе. Граѓаните на многу места фрлаат со шишиња, лименки, камења и јајца по полицијата, се жалат дека се чувствува солзавец во воздухот, но велат дека нема да се откажат.
„Бевме пред кордонот полиција, во првиот ред. Петпати фрлија солзавец, но луѓето бришат солзи и не се откажуваат. Доста е страв, нема понатаму. Ова е нивен крај, не наш. Остануваме до крај“, вели за српската телевизија „Н1“ студентка која на протестот е со мајка си и не сака да си замине.
„Спуштете ги штитовите“ извикуваат граѓаните и не сакат да отстапат. Ставаат маски на лицата и пренесуваат повик „да не се откажуваме, се додека сме мирни, ништо не можат“.
Студентскиот протест на кој беа пренесени пораките за предвремени избори заврши мирно, а инцидентите почнаа во моментот кога студентите ги соблекоа елеците.
Регион
(Видео) Студентите на протестот во Белград ќе развеат знаме „какво што не се очекува“

Студентскиот протест во Белград почна со огромен број луѓе кои се уште се слеваат кон плоштадот Славија. Студентите за вечерва најавија дека ќе развеат знаме „какво што досега не е видено“. Откога почна протестот тие на социјалните мрежи објавија кусо видео од последните подготовки за изнесување големо знаме на улица со најава дека „тоа ќе биде знаме кое не сте го очекувале“.
Biće to zastava koju niste ocekivali pic.twitter.com/qeFNGlGmHD
— Žaklina Tatalović (@zaklina_prva) June 28, 2025
Протестот е предвидено да заврши во 21 часот кога истекува рокот кој студентите го дадоа на власта за распуштање на Народното собрание распишување предвремени парламентарни избори како и растурање на протестот во Пионерскиот парк каде некои студенти на контрапротест три месеци кампуваат и бараат продолжување на универзитетската година. За се што ќе се случува по 21 часот, студентите кажаа дека не се надлежни, а претседателот на Србија, Александар Вучиќ, попладнево рече дека очекува насилство, токму во периодот од 21 до 22 часот.
Регион
Плоштадот Славија во Белград се преполни, реки луѓе доаѓаат од сите страни на видовденски протест

Под слоганот „Се гледаме на „Видовден“ попладнево плоштадот Славија во Белград, Србија се преполни луѓе. Српските медиуми јавуваат дека реки народ се уште доаѓаат кон плоштадот од сите страни на државата.
Студентите, поддржани од огромен број граѓани имаат две барања од властите. Првото барање е распуштање на Народното собрание и распишување предвремени парламентарни избори до 21 часот денес, а второто барање е да прекине протестот на некои од студентите кои бараат продолжување на универзитетската година и три месеци кампуваат во Пионерскиот парк во центарот на Белград.
Студентите кои го организираат протестот најавија дека тој ќе трае три часа, треба да заврши во 21 часот и се огласија за ненадлежни за се што ќе се случува по 21 часот.
Претседателот на Србија, Александар Вучиќ, денес изјави дека очекува насилство на протестот кое ќе почне меѓу 21 и 22 часот.