Свет
Израелскиот конзулат во Бостон со жестоки критики до репортер на „РТ Америка“ за твитови за Газа

Израелскиот конзулат во Бостон испрати жестоки критики до новинарот на „РТ Америка“ кога палестинските активисти ги ретвитуваа неговите критики за начинот на кој американските медиуми ги покриваат смртоносните настани во Газа.
Репортерот Ден Коен укажал на тоа како „Асошиетед прес“ ги разводнува злосторствата на Израел вклучувајќи го и убиството на новинарот на агенцијата во Газа во понеделникот по што добил пораки од конзулатот во кои го нарекуваат срам за Американците и за Евреите.
Очигледно, ова било поттикнато од неколку твитови од Коен, кои беа ретвитувани од Али Абуним, коосновач на „Електронската интифада“, веб-страница со седиште во Чикаго, која известува од палестинската перспектива. Еден од твитовите посочува на документарец за кој Коен бил копродуцент наречен „Убивање на Газа“, за конфликтот во 2014 година во енклавата.
Откако Коен ги објавил пораките од израелскиот конзулат на „Твитер“, Абунимах повикал и други што биле изложени на такво малтретирање да стапат во контакт со него и ги нарекол пораките од конзулатот малтретирање од бандитскиот и ужасен апартхејдски режим.
Минатата недела израелскиот конзулат во Њујорк се вклучи во преписка на „Твитер’ со новинарот Бен Нортон, кој го коментира уредувањето на неговата статија од страна на „Њујорк тајмс“ за да ја направи повеќе произраелска. На Нортон му било кажано да ја коригира и бил обвинет дека ги добива своите вести од терористичката пропагандна телевизиска станица на геноцидна терористичка група како Хамас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Жена на 76 години за првпат стана мајка – чудо што го изненади целиот свет

Ембајте Медин Хагос од Мекеле (Етиопија) стана мајка за првпат на 76-годишна возраст. Таа роди здраво машко бебе. Нејзината приказна одекна низ целиот свет, а многумина ја опишуваат како вистинско чудо.
Ембајте Медин стана мајка преку ин витро фертилизација, која ја извршиле лекари во Индија пред една година. Таа се породи во болница во Мекеле.
„Воопшто не верував кога ми кажаа дека сум бремена “, изјави таа за телевизијата Dimtse Woyane, која објави и снимки од прославата и крштевката на бебето.
Семејството, како и пошироката јавност, реагирале на веста со неверица и емоции.
На социјалните мрежи има безброј коментари, а некои корисници го нарекоа настанот чудо, особено во земја која сè уште се бори со последиците од војната и политичката нестабилност.
Свет
Вулканска ерупција на Камчатка за првпат по 500 години

Вулкан на рускиот далечен исток еруптираше за прв пат по повеќе од 500 години.
Вулканот Крашенјиников на Камчатка синоќа исфрлаше пепел до шест километри.
Нема закани за населените подрачја, соопшти руското Министерство за вонредни ситуации.
Последната регистрирана ерупција на Крашениников била во 15 век, според раководителот на тимот за одговор на вулкански ерупции на Камчатка.
Според експертите, синоќешната ерупција би можела да биде поврзана со силниот земјотрес изминатата недела. Предупредуваат дека се можни силни последователни потреси во следните недели.
Полуостровот Камчатка е оддалечен, но се наоѓа во „Тихоокеанскиот огнен прстен“ – така наречен поради големиот број земјотреси и вулкански ерупции.
Свет
(Фото+видео) Масовен протест за Газа во Сиднеј: демонстрантите носеа тенџериња и тави како симболи на глад

Денеска во Сиднеј се одржа пропалестински протест, на кој учествуваа десетици илјади луѓе, повикувајќи на мир и доставување помош до воено разурнатиот Појас Газа, јавува Ројтерс.
Некои од учесниците на протестната прошетка, која организаторите ја нарекоа „Марш за хуманост“, носеа тенџериња и тави како симболи на глад. Според „9 News Australia“, бројот на демонстранти далеку ги надмина очекувањата на организаторите – дури 90.000 луѓе.
Avustralya’nın Sydney kentinde binlerce kişi İsrail’in Filistin’e yönelik saldırılarını protesto etmek için bir araya geldi.
— Haber HUN (@haberHUN) August 3, 2025
Меѓу учесниците на протестот беа постари лица и семејства со мали деца, како и основачот на Викиликс, Џулијан Асанж, а некои мавтаа со палестински знамиња и скандираа „сите сме Палестинци“.
Во Појасот Газа, во тек е војна меѓу Израел и палестинското милитантно движење Хамас, која започна во октомври 2023. Оттогаш, според палестински извори, повеќе од 60.000 луѓе се убиени во Газа, а хуманитарните организации велат дека недостигот од храна води до широко распространето гладување.