Свет
Израелскиот министер за одбрана поднесе оставка поради примирјето во Газа
Израелскиот министер за одбрана, Авигдор Либерман, поднесе оставка како протест против примирјето во Газа нарекувајќи го договорот капитулација на тероризмот, пренесе „Раша тудеј“.
Во телевизиско обраќање во живо Либерман вчерашниот прекин на огнот го нарече предавање на тероризмот, што ќе постигне само краткорочен мир, истовремено оштетувајќи ја долгорочната безбедност на Израел.
Поранешниот министер за одбрана изгледал многу расположено кога ја објавувал веста за оставката, пренесе новинар на „Хаарец“.
Либерман силно се спротивстави на одлуката на израелската влада да се согласи на примирје со Хамас, отворено порачувајќи дека Тел Авив треба да преземе тешки и одлучувачки акции против Газа.
Тој нагласи дека не може да ги помири сопствените ставови со политиките усвоени од израелската влада во Газа принудувајќи го да поднесе оставка.
„Ако останев на функцијата, не можев да ги погледнам во очи нашите граѓани на југот и членовите на семејствата на мртвите војници на ИДФ, чии тела ги држи Хамас. Секое хуманитарно подобрување во Газа треба да биде условено со нивно враќање“, вели Либерман.
Хамас го прослави заминувањето на Либерман како победа за Газа и признавање на поразот против палестинскиот отпор. Висок официјален претставник на Хамас, Хусан Бадран, вчера изјави дека ако Нетанјаху е заинтересиран да го прекине овој круг, тој мора да го отпушти Либерман, кој со неговото глупаво однесување ја предизвикал ескалацијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Масовно уништување“: Газа на првиот ден од прекинот на огнот
Снимка со беспилотно летало од северна Газа, направена за Си-ен-ен на првиот ден од прекинот на огнот, го покажува огромниот размер на уништувањето предизвикано од петнаесетмесечната војна, пренесува медиумот.
Претседателот на Европскиот совет, Антонио Коста, исто така ги поздрави прекинот на огнот во Газа и почетокот на ослободувањето на преостанатите заложници што ги држеше Хамас.
„Олеснување е, конечно, да се видат ослободени првите заложници и пристигнувањето на хуманитарната помош, примирјето да стапи во сила во Газа“, рече Кошта во објавата на платформата Х.
Тој рече дека „договорот ја носи потребната трошка надеж во регионот“.
„Сите страни мора да се придржуваат до него. Мирот е единствениот пат напред“, додаде Кошта.
Генералниот секретар на Обединетите нации, Антонио Гутереш, исто така го поздрави почетокот на спроведувањето на договорот за прекин на огнот и ослободувањето на заложниците во Газа во објава на мрежата Х.
„Ние сме подготвени да ја поддржиме оваа имплементација и да ја зголемиме испораката на постојана хуманитарна помош до Палестинците, кои продолжуваат да страдаат. Императив е овој прекин на огнот да ги отстрани значајните безбедносни и политички пречки за испораката на помошта“, рече Гутереш.
Свет
Светски економски форум во Давос: Трамп и вештачката интелигенција во фокусот
Светската политичка и економска елита денеска се собира во швајцарскиот зимски центар Давос на годишниот Светски економски форум (СЕФ).
На годинешниот собир ќе присуствуваат речиси 900 извршни директори и 60 претседатели и премиери.
Лидерските говори ќе почнат утре по денешното официјалното отворање на конференцијата.
Официјалната програма вклучува разговори и панели за сајбер-криминал, вештачка интелигенција и технолошки промени со мотото „Соработка за интелигентна доба“.
Но, набљудувачите веруваат дека годинешниот состанок повеќе од сè ќе биде преокупиран со враќањето на Доналд Трамп во Белата куќа и прашањата за неговите потези во неговиот втор претседателски мандат.
Трамп претходно најави дека ќе воведе царини за увоз од Кина и други големи трговски партнери, од кои повеќето ќе бидат претставени на СЕФ.
Трамп беше првиот американски претседател кој лично присуствуваше на форумот за време на својот мандат. В четврток 78-годишниот Трамп повторно ќе зборува во Давос, но преку видеоврска.
Украинскиот претседател Володимир Зеленски се очекува да зборува утре, истиот ден со германскиот канцелар Олаф Шолц.
Свет
Поранешен советник на Трамп: Украина може да стане реприза на Виетнам
Ситуацијата во Украина може да стане реприза на војната во Виетнам за новоизбраниот американски претседател Доналд Трамп доколку тој навреме не престане да го поддржува Киев, изјави Стив Банон, поранешен главен стратег на Белата куќа и поранешен советник на Трамп.
Бенон предупреди дека Трамп ризикува дополнително да ги вовлече САД во конфликтот во Украина доколку не се откаже од поддршката за Киев. Тој ја спореди сегашната ситуација со времето на поранешниот претседател Ричард Никсон, кој се обиде и не успеа да ја извлече земјата од виетнамската војна.
„Ако не внимаваме, ова ќе стане – Трамповиот Виетнам. Токму тоа му се случи на Ричард Никсон. Како резултат на тоа тој стана одговорен и тоа стана негова војна, а не на неговиот претходник Линдон Џонсон“, изјави Банон за американските медиуми.
Тој посочи дека специјалниот претставник на новоизбраниот претседател за Украина, Кит Келог, не е во право кога вели дека конфликтот може да се прекине додека се задржува американската поддршка за Киев. Тој верува дека вовлекувањето на САД во воен конфликт не е во американските интереси „бидејќи е невозможно да се победи“.