Свет
Израелските лидери: Плаќаме висока цена, нашето постоење зависи од победата во оваа војна

Израелскиот премиер Бенјамин Нетанјаху рече дека нема да дозволи присуство на каква било закана во Појасот Газа или присуство на какви било странски сили за да се осигура дека Газа ќе остане демилитаризирана, додека министерот за одбрана Јоав Галант рече дека постоењето на Израел зависи од победата во оваа војна.
Нетанјаху, за време на заедничката прес-конференција со Галант и членот на воениот кабинет Бени Ганц, истакна дека војната нема да запре додека не се постигнат наведените цели и дека нема да прифати присуство на какви било неизраелски сили за да се осигура дека Газа ќе остане демилитаризирана зона по завршувањето на борбите.
Нетанјаху даде многу неосновани тврдења за борците на отпорот кои ги напаѓаат заробените цивили.
Според неговите тврдења, некои од затворениците се жртви на силување и злоупотреба од страна на движењето на исламскиот отпор Хамас.
Тој го критикуваше „молкот на меѓународните организации и жените од Обединетите нации во однос на овие злосторства само затоа што им се случиле на Еврејки“, како што рече.
Тој изјави дека половина од лидерите на Хамас биле убиени во оваа војна.
„Им кажав на семејствата на киднапираните [затворениците] дека работиме на враќање на се и дека војната служи на таа цел“, додаде тој.
Тој рече дека „има силна разузнавачка служба, која работи 24 часа на ден за да ги врати воените и цивилните лица и дека се на вистинскиот пат“.
Нетанјаху рече дека неговата војска моментално ги разбива бригадите на Хамас и дека е елиминиран командантот на баталјонот Ал-Шуџаја, кој го предводеше нападот на 7 октомври.
„Ги опколивме лидерите на Хамас, нашите војници се борат против нив „рака до рака“ и ги елиминираат саботерите. Имаме предност и ќе се бориме до голема победа“, додаде тој.
Израел плаќа огромна и неподнослива цена, бидејќи загуби многу војници, според Нетанјаху.
Израелскиот премиер нагласи дека војната ќе продолжи се додека Хамас не биде уништен, додека не се вратат затворениците и додека не се осигура дека повеќе нема поддршка за тероризмот во Газа.
Нетанјаху рече дека „повоената Газа“ мора да се демилитаризира и дека тоа ќе го направи само израелската армија.
„Видовме што се случи со меѓународните сили во другите демилитаризирани области. Им порачуваме на оние кои ни вршат притисок да ставиме крај на војната дека единствениот начин да се запре војната е да му се зададе разорен удар на Хамас. Ова е и ваша војна и затоа мора да застанете покрај нас“, додаде тој.
Нетанјаху им се обрати на оние кои се залагаат за крај на војната, велејќи: „Ви велам на англиски и на сите јазици: Застанете со нас. Застанете со Израел“.
Одговарајќи на прашањето дали има спор меѓу него и министерот за одбрана, кој го нареди нападот на Хезболах без консултација со премиерот, Нетанјаху рече дека имаат заедничка цел на која работат на север и на југ (раниците на Либан и Газа.
„Нашите активности насочени кон одвраќање на Хезболах ја поддржуваат нашата безбедност во Газа.
Галант рече дека војската плаќа висока цена во оваа војна, велејќи дека присуството на Израел во регионот зависи од победата во војната.
„Го напаѓаме Хамас од копно, море, воздух и преку разузнавачки служби. Постигнуваме прецизни, значајни и ефикасни резултати“.
Тој додаде дека „оваа војна има многу висока цена, бидејќи мора да се постигне убедлива и темелна победа. Мора да се постигне целта за елиминирање на Хамас, ставање крај на неговото воено и политичко владеење и враќање на заложниците дома“.
Галант истакна дека во понеделникот ја посетил јужната граница на Газа и лично ги следел борбите во таа област.
„Ја видов прецизноста на борбите и начинот на кој се одвиваат акциите. Знам дека нашите војници не оставаат недопрени ниту тунел, ниту локација за производство на оружје, ниту складиште за ракети. Тие ја елиминираат секоја закана со средствата со кои располагаат и во соработка со другите гранки на вооружените сили“, рече тој.
„Хамас моментално сфаќа дека ниту Иран ниту Хезболах не можат да му помогнат и дека нивната судбина зависи од силата на израелската армија. Ќе ги уништиме сите закани, целиот команден синџир на Хамас и неговите магацини со оружје и муниција”, додаде тој.
„На оние кои неодамна се сомневаа во легитимноста на продолжувањето на војната, им велам: немаме легитимитет да престанеме. Има само една легитимна работа: да се уништи Хамас и да се вратат киднапираните луѓе. Го зголемуваме воениот притисок за да ја постигнеме оваа цел“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Инциденти по протестот во Белград: Петпати фрлија солзавец, но луѓето бришат солзи и не се откажуваат, летаат јајца и шишиња по полицијата

Голема толпа народ не се повлекува од улиците на Белград иако студентскиот протест, преку кој испратија порака за предвремени парламентарни избори, заврши. Полициски кордони има насекаде и се обидуваат да ја потиснат масата луѓе. Граѓаните на многу места фрлаат со шишиња, лименки, камења и јајца по полицијата, се жалат дека се чувствува солзавец во воздухот, но велат дека нема да се откажат.
„Бевме пред кордонот полиција, во првиот ред. Петпати фрлија солзавец, но луѓето бришат солзи и не се откажуваат. Доста е страв, нема понатаму. Ова е нивен крај, не наш. Остануваме до крај“, вели за српската телевизија „Н1“ студентка која на протестот е со мајка си и не сака да си замине.
„Спуштете ги штитовите“ извикуваат граѓаните и не сакат да отстапат. Ставаат маски на лицата и пренесуваат повик „да не се откажуваме, се додека сме мирни, ништо не можат“.
Студентскиот протест на кој беа пренесени пораките за предвремени избори заврши мирно, а инцидентите почнаа во моментот кога студентите ги соблекоа елеците.
Регион
(Видео) Студентите на протестот во Белград ќе развеат знаме „какво што не се очекува“

Студентскиот протест во Белград почна со огромен број луѓе кои се уште се слеваат кон плоштадот Славија. Студентите за вечерва најавија дека ќе развеат знаме „какво што досега не е видено“. Откога почна протестот тие на социјалните мрежи објавија кусо видео од последните подготовки за изнесување големо знаме на улица со најава дека „тоа ќе биде знаме кое не сте го очекувале“.
Biće to zastava koju niste ocekivali pic.twitter.com/qeFNGlGmHD
— Žaklina Tatalović (@zaklina_prva) June 28, 2025
Протестот е предвидено да заврши во 21 часот кога истекува рокот кој студентите го дадоа на власта за распуштање на Народното собрание распишување предвремени парламентарни избори како и растурање на протестот во Пионерскиот парк каде некои студенти на контрапротест три месеци кампуваат и бараат продолжување на универзитетската година. За се што ќе се случува по 21 часот, студентите кажаа дека не се надлежни, а претседателот на Србија, Александар Вучиќ, попладнево рече дека очекува насилство, токму во периодот од 21 до 22 часот.
Регион
Плоштадот Славија во Белград се преполни, реки луѓе доаѓаат од сите страни на видовденски протест

Под слоганот „Се гледаме на „Видовден“ попладнево плоштадот Славија во Белград, Србија се преполни луѓе. Српските медиуми јавуваат дека реки народ се уште доаѓаат кон плоштадот од сите страни на државата.
Студентите, поддржани од огромен број граѓани имаат две барања од властите. Првото барање е распуштање на Народното собрание и распишување предвремени парламентарни избори до 21 часот денес, а второто барање е да прекине протестот на некои од студентите кои бараат продолжување на универзитетската година и три месеци кампуваат во Пионерскиот парк во центарот на Белград.
Студентите кои го организираат протестот најавија дека тој ќе трае три часа, треба да заврши во 21 часот и се огласија за ненадлежни за се што ќе се случува по 21 часот.
Претседателот на Србија, Александар Вучиќ, денес изјави дека очекува насилство на протестот кое ќе почне меѓу 21 и 22 часот.