Свет
Израелски министер: Војната е можност да се поттикне миграцијата од Газа
Израелскиот министер за национална безбедност Итамар Бен Гвир денеска ја изрази својата поддршка за раселувањето на Палестинците од Појасот Газа во странство, велејќи дека војната претставува „можност да се фокусираaт на поттикнување на миграцијата на жителите“ на палестинската територија.
Тој на состанокот на неговата ултрадесничарска партија рече дека таквата политика ќе овозможи враќање на жителите во израелските погранични области и еврејските доселеници во Газа евакуирани во 2005 година, оценувајќи дека тоа е „точно, праведно, морално и хумано решение“.
Неколку израелски пратеници, вклучително и членови на владата, вршат притисок за, како што велат, „доброволно раселување“ на Палестинците од Газа, што беше отфрлено од израелскиот премиер Бенјамин Нетанјаху и меѓународната заедница.
Идејата за трансфер на населението, која некогаш ја сметаа за маргинална позиција од страна на членовите на ултра-националистичките движења, доби важност во израелскиот политички дискурс во ноември кога двајца пратеници, едниот од конзервативната партија Ликуд на Нетанјаху, а другиот од центристичката Јеш Атид, објавија статија во Wall Street Journal (Волстрит журнал) во која ги повикаа „земјите ширум светот да прифатат ограничен број семејства од Газа кои изразуваат желба да емигрираат“.
Тој предлог беше поздравен од Бен Гвир и од министерот за финансии Безалел Смотрич, кој ја означи иницијативата „соодветно хуманитарно решение за жителите на Газа“.
Смотрич, лидерот на ултрадесничарската партија Религиозен ционизам, денеска го повтори вчерашниот повик за повторно воспоставување на еврејските населби во Појасот Газа и „доброволна емиграција“ на Палестинците по завршувањето на борбените операции на палестинската територија контролирана од Хамас.
Израелската армија се повлече од Газа и ги евакуираше еврејските доселеници во 2005 година.
Две години подоцна, исламскиот екстремистички Хамас насилно ја презеде контролата на територијата од ривалската, поумерена партија Фатах на палестинскиот претседател Махмуд Абас.
Потоа Израел и Египет воведоа блокада на Газа.
Палестинската управа на Абас сега контролира делови од окупираниот Западен Брег.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Продолжување на вонредната состојба и општа мобилизација во Украина
Претседателот на Украина, Володимир Зеленски денеска го потпиша законот за продолжување на вонредната состојба и општа мобилизација од 14 мај до 11 август.
Зеленски на 6 мај достави до парламентот предлог за продолжување на вонредната состојба и општа мобилизација за уште 90 дена, објави „Киев индепендент“.
Украинскиот парламент гласаше да го одобри продолжувањето два дена подоцна.
Тој претходно ја продолжи вонредната состојба и мобилизацијата од 14 февруари до 14 мај.
Зеленски првпат прогласи вонредна состојба и општа мобилизација на 24 февруари 2022 година, кога Русија започна напад врз Украина.
Оттогаш, мерката беше продолжена неколку пати.
Оваа мерка значи дека Украинците на возраст меѓу 18 и 60 години, со некои исклучоци, не можат да ја напуштат земјата бидејќи може да бидат повикани на воена служба.
Во април, парламентот усвои закон за ажурирање на правилата за мобилизација додека земјата се обидува да ги надополни редовите на своите вооружени сили.
Свет
Нетанјаху по најавата на Бајден дека ќе престане да испраќа оружје: Ќе се бориме со нокти
Бенјамин Нетанјаху рече дека Израел ќе „застане сам“ ако мора, откако САД се заканија дека ќе престанат да испраќаат оружје до својот сојузник, пишува „Скај Њуз“.
„Ќе се бориме со нокти ако треба, но имаме многу повеќе од нокти“, рече Нетанјаху, а потоа додаде:
„И со таа сила на духот, со Божја помош, заедно ќе победиме“.
Американскиот претседател Џо Бајден изјави дека ќе ја прекине испораката на оружје за Израел доколку го нападне Рафа на југот на Газа.
Ројтерс ги пренесе изјавите на палестинските сведоци кои рекоа дека израелски тенкови и воени авиони го бомбардирале Рафа. Хамас исто така потврди дека неговите борци истрелале противтенковски ракети и минофрлачи врз израелските тенкови.
Инаку, Израел тврди дека борците на Хамас се кријат во Рафа, град во кој стотици илјади луѓе побарале засолниште од бомбардирањето што се случува на палестинската територија.
Европа
На парадата на Путин имаше само еден тенк, луѓето се потсмеваат: „Па, барем вози“
Иако воената парада во Москва е нормално можност Русија да се пофали со својата војска, оваа година само еден тенк помина низ Црвениот плоштад. За работите да бидат уште поинтересни, тоа беше тенк Т-34, произведен пред 90 години – уште пред да се роди Путин.
Да потсетиме, на воената парада и минатата година учествуваше еден тенк, истиот Т-34. Многумина го исмеваат Путин поради ова.
The only Russian tank present at today’s Victory Day parade in Moscow is a single T-34. pic.twitter.com/ut3T6zr31v
— OSINTtechnical (@Osinttechnical) May 9, 2024
„Овој Т-34, легендарниот советски тенк од Втората светска војна, беше единствениот руски тенк изложен на парадата на Денот на победата на Црвениот плоштад денес“, напиша Макс Седон, шеф на московското биро за „Фајненшл тајмс“. „Сите останати мора да се некаде зафатени!“
Про-украински корисник на „Икс“ напиша: „Па, барем вози“.
Друг корисник додаде: „Ништо не говори „втора армија на светот“ како осамениот тенк на победничката парада втора година по ред“.