Свет
Израелски тенкови влегле во Газа, отвориле оган кон земјоделците

Голем број израелски тенкови денеска извршиле упад на истокот од градот Џабалја на северот од Појасот Газа и отвориле оган кон палестинските земјоделци, соопштија палестински безбедносни извори.
Според изворите, три булдожери и три тенка ги прегазиле границите и газеле земјоделско земјиште и фарми во внатрешноста на Појасот Газа. Тие уништиле земјиште, кренале насипи, отвориле оган и фрлиле канистри со чад.
Израелските беспилотни летала надлетувале за време на упадот.
Во неделата шест израелски тенка нападнаа области источно од Бет Лахија и отворија оган кон палестинските земјоделци за да ги принудат да ги напуштат своите фарми, при што срамнија неколку земјоделски објекти. Палестинските земјоделци и рибари трпат речиси секојдневни напади од страна на израелските сили.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Извршниот директор на „Волво“: Верувам дека наскоро ќе се постигне договор

Извршниот директор на „Волво Карс“, Хакан Самуелсон, во интервју за „Ројтерс“ изјави дека верува оти меѓу САД и Европската Унија „наскоро ќе се постигне договор“.
Самуелсон рече дека царината од 50 проценти ќе ја ограничи можноста на „Волво“ да го продава својот електричен модел EX30, кој се произведува во Белгија, на американскиот пазар.
„Верувам дека наскоро ќе се постигне договор. Не може да биде во интерес ниту на Европа ниту на САД да се запре меѓусебната трговија“, рече тој.
Свет
Францускиот министер за трговија: Заканите на Трамп им штетат на преговорите

Францускиот министер за трговија Лоран Сен Мартин изјави дека новите закани на Трамп за царини не придонесуваат за преговорите.
Les nouvelles menaces de hausses de droits de douane de D. Trump n’aident en rien pendant la période de négociation entre l’Union européenne et les Etats-Unis.
Nous gardons la même ligne : la désescalade mais sommes prêts à répondre.
Je serai à 19h sur @BFMTV pour en parler.
— Laurent Saint-Martin (@LaurentSMartin) May 23, 2025
На платформата Икс, тој напиша: „Новите закани на Трамп за зголемување на царините не помагаат во преговарачкиот период меѓу Европската Унија и САД. Нашата позиција останува иста: ние сме за деескалација, но сме подготвени да одговориме“.
Свет
Економисти: Трамп не е ни блиску до завршување на трговската војна

Доналд Трамп не е ни блиску до склучување повеќе трговски договори, но економските услови ќе ја ограничат неговата способност да води долгорочна трговска војна, проценуваат економистите.
Карстен Брзески и Инга Фехнер од ING истакнуваат: „Релативно мирната недела завршува со голем шок и потсетник за пазарите дека не сме ни блиску до голем број „прекрасни трговски договори“ или враќање во нормала. Нестабилноста се врати. И да бидеме јасни – ако навистина се воведат царини од 50 проценти за европските производи, тие би можеле да го намалат растот на БДП во еврозоната за околу 0,6 процентни поени и да ја доведат економијата на работ на рецесија… а воедно да ги зајакнат и стагфлаторните притисоци во САД“.
„Во овој момент, нема смисла да се шпекулира за тоа како ќе се развиваат трговските тензии. Сè е можно – од договор до понатамошна ескалација. Ние сме на ставот дека економското влијание од ескалацијата на трговската војна врз американската економија на крајот ќе биде толку сериозно што одржувањето на високи тарифи едноставно нема да биде одржливо на долг рок.“